استلمت هوندا سيتى 2014 الحمد لله اللى عنده اى اسفسار عن العربيه يتفضل يسأل

[^Samy^]

استلمت هوندا سيتى 2014 اللون موكا من الليثى الحمد لله ... انا لاحظت ان محدش اتكلم عنها خالص و لما سالت محدش فادنى اوى و طبعا معذورين لان العربيه مش منتشره فا اللى عايز يشتريها و محتاج اى معلومات عنها انا تحت امره يسال هنا او يكلمنى 01018001892 و اللى بيقارن بينها و بين عربيات تانيه يسال برضه هفيده لانى قبل ما اجيبها كنت واقع فى حيييييره كبيره و قارنت بالفعل بينها و بين اى عربيه تانيه موفره فى البنزين..

[mhmd_farouq]

الف الف مبروووووك يا باشا ... ممكن حضرتك بعد التجربه كده تكتبلنا المميزات والعيوب .. اخبار السحب ايه ؟ .. العفشه .. الثبات .. العزل .. التكييف .. كده يعني ... ربنا يكفيك شرها

[ahmedabeed]

الف مبروك ويارب يديك خيرها ويحفظك من شرها

[ARKOON]

الف مبروك الهوندا وربنا يباركلك في العربية .
التقرير على طول يا فندم : )

[^Samy^]

الف الف مبروووووك يا باشا ... ممكن حضرتك بعد التجربه كده تكتبلنا المميزات والعيوب .. اخبار السحب ايه ؟ .. العفشه .. الثبات .. العزل .. التكييف .. كده يعني ... ربنا يكفيك شرها

الله يبارك فيك يا باشا .. اول حاجه المميزات
-العزل بصراحه فوق الوصف انا لما بقفل الازاز كله و اشغل التكييف مش سامع اى حاجه برا خااااااالص هتحس انك فى عالم تانى بس سامع صوت المكنه مع الضغط عليها خفيف جدا جدا جدا
-السحب بسم الله ما شاء الله كويس جدا تدوس بنزين تلاقى العربيه بتشد معاك و بتستجيب بسرعه و حسيت ان العربيه بتشد اسرع بكتير من البروتون برسونا 2012 اللى كانت معايا ال cvt بيحسسك انك ماشى على غيار واحد بس النتشه بتاعت النقل بين الغيارات مش موجود هتحس انالعربيه بتسحبك لل 100 و الار بى ام مبيعلاش عن 2 لو انته بتشد براحه
-الشكل جميل جدا جدا
-العربيه متغطيه من تحت من عند المكنه لما تفتح الكبوت و تبص عليها متشوفش الارض زى البروتون اللى كانت معايا و يمكن التصفيح دا يضايق ناس لان حك منى فى طوبه على الارض خدتها بين العجل بس بصراحه كانت كبيره
-العربيه عاليه عن الارض اعلى من الياريس
-و انته راكب مش هتبقى شايف اى حاجه من الكبوت شايف الطريق بس معرفش دى حاجه كويسه ولا بس يمكن عشان انا قصير 172 :D بس انا رافع الكرسى بالدراع الهيدروليكى
-الثبات مقدرش اتكلم عنه لسه معدتش 120
-التكييف ممتاااااااااز
-كاسيت بلوتوث ممكن تشغل منه اغانى الموبايل على الكاسيت
-واسعه جدا و شنطه واسعه
-مثبت سرعه
-زرار توفير البنزين

العيوب
-التصفيح اللى تحت فى المكنه بيحك فى الحاجات العاليه عن الطريق
-الفرش و العتب من جوه بيج بيتوسخ بسرعه
-زراير الازاز مبتنورش
-الابواب مبتقفلش بعد ما العربيه تطلع بس دى ممكن تكون مش موجوده فى الفئه التانيه
-حاسس ان السقف واطى سنه بس مش اوى


ولسه هنزل تقرير مفصل و صور ان شاء الله بس لما استخدمها يومين كدا و اعرف كل حاجه فيها كويس

بس غير كدا العربيه بسم الله ما شاء الله تستاهل كل مليم اتدفع فيها

[^Samy^]

الف مبروك ويارب يديك خيرها ويحفظك من شرها

الله يبارك فيك ... اميين يا رب ربنا يخليك :)

[^Samy^]

الف مبروك الهوندا وربنا يباركلك في العربية .
التقرير على طول يا فندم : )

الله يبارك فبك :)..التقرير يا فندم بجهز فيه والله و مصور العربيه من تحت و هنزل كل حاجه بس مشغول شويه بس و كمان عقبال ما اكون ركبتها حبه اعرف اطلع اللى ليها واللى عليها كويس وفى تقرير مبدأى كدا كتبته للاخ mhmd_farouq فى الردود

[mnashat77]

الف مبرووووك ليك
ربنا يحفظهالك

[man1974]

ألف مبروك يا باشا ربنا يديك خيرها ويكفيك شرها.

[Ayman_Amer]

ربنا يبارك لك فيها.
اخبار استهلاك البنزين واسعار قطع الغيار وحجم الكنبة الخلفية والشنطة

[M2014]

بارك الله عزَّ و جلَّ لحضرتك
هل ممكن نعرف سعر الهاى لاين وإذا كان فيه فترة حجز ودفعة حجز أم كان إستلام فورى (إذا كان ممكن) .
وربنا سبحانه وتعالى يعطيك خيرها ويكفيك شرها . . . اللهم آمين

[^Samy^]

الف مبرووووك ليك
ربنا يحفظهالك

الله يبارك فيك :)

ألف مبروك يا باشا ربنا يديك خيرها ويكفيك شرها.

الله يبارك فيك يا باشا ربنا يخليك :)

ربنا يبارك لك فيها. ..اخبار استهلاك البنزين واسعار قطع الغيار وحجم الكنبة الخلفية والشنطة

يا رب .. لسه مقدرش اقولك استهلاك البنزين عامل ايه بس انا فولت من المنصوره و رجعت بيها دمياط مشوار حوالى 60 كيلو متوسط الاستهلاك مكتوب 7.2 و بالنسبه لقطع الغيار اللى عرفته هوا طقم البوجيهات ب 700 جنيه تقريبا بس بيتغير كل 100 الف كيلو و قطع الغيار هتلاقيها غاليه بس عمر افتراضى كبير لو جيت تبص هتلاقيها هيا هيا مثلا حاجه رخيصه تتغير كل شهرين ولا حاجه غاليه تتغير كل ست شهور.. حجم الكنبه الخلفيه كبيره و المسافه بين رجلى و الكرسى اللى قدام كانت كويسه و الشنطه حجمها كويس جدا جدا جدا و اى استفسار تانى انا تحت امرك :)

[^Samy^]

بارك الله عزَّ و جلَّ لحضرتك
هل ممكن نعرف سعر الهاى لاين وإذا كان فيه فترة حجز ودفعة حجز أم كان إستلام فورى (إذا كان ممكن) .
وربنا سبحانه وتعالى يعطيك خيرها ويكفيك شرها . . . اللهم آمين

سعر الهاى لاين 179.900 تقريبا و الاستلام فى شهر 12 .. بوص حضرتك انا اللى حصل معايا روحت الفطيم فى التجمع اللى هوا التوكيل لقيت واحده بيضه هاى لاين و واحده فرانى فئه اولى و الاستلام على حسب ما سمعت فى شهر 12 فا واحد قريبى ليه حد فى معرض الليثى روحتله قالى احنا لينا توكيل هوندا فى المنصورة و فى واحده موكا فئه اولى اوفر برايس الف جنيه المهم خلص الكلام على 160 الف دفعت فى مصر و نزلت المنصورة خدتها و مشيت عالطول هناك توكيل هوندا و مركز صيانه على صغير كدا بس تقريبا تبع معرض الليثى هوا دا اللى استلمت منه قبل ما استلم العربيه ربطلى العفشه و راجعلى الزيت و ضغط الهوا بسأله ليه العربيه زيرو قالى علشانها تخزين بس...امين وشكرا يا باشا :)

[mhmd_farouq]

الله يبارك فيك يا باشا .. اول حاجه المميزات
-العزل بصراحه فوق الوصف انا لما بقفل الازاز كله و اشغل التكييف مش سامع اى حاجه برا خااااااالص هتحس انك فى عالم تانى بس سامع صوت المكنه مع الضغط عليها خفيف جدا جدا جدا
-السحب بسم الله ما شاء الله كويس جدا تدوس بنزين تلاقى العربيه بتشد معاك و بتستجيب بسرعه و حسيت ان العربيه بتشد اسرع بكتير من البروتون برسونا 2012 اللى كانت معايا ال cvt بيحسسك انك ماشى على غيار واحد بس النتشه بتاعت النقل بين الغيارات مش موجود هتحس انالعربيه بتسحبك لل 100 و الار بى ام مبيعلاش عن 2 لو انته بتشد براحه
-الشكل جميل جدا جدا
-العربيه متغطيه من تحت من عند المكنه لما تفتح الكبوت و تبص عليها متشوفش الارض زى البروتون اللى كانت معايا و يمكن التصفيح دا يضايق ناس لان حك منى فى طوبه على الارض خدتها بين العجل بس بصراحه كانت كبيره
-العربيه عاليه عن الارض اعلى من الياريس
-و انته راكب مش هتبقى شايف اى حاجه من الكبوت شايف الطريق بس معرفش دى حاجه كويسه ولا بس يمكن عشان انا قصير 172 :d بس انا رافع الكرسى بالدراع الهيدروليكى
-الثبات مقدرش اتكلم عنه لسه معدتش 120
-التكييف ممتاااااااااز
-كاسيت بلوتوث ممكن تشغل منه اغانى الموبايل على الكاسيت
-واسعه جدا و شنطه واسعه
-مثبت سرعه
-زرار توفير البنزين

العيوب
-التصفيح اللى تحت فى المكنه بيحك فى الحاجات العاليه عن الطريق
-الفرش و العتب من جوه بيج بيتوسخ بسرعه
-زراير الازاز مبتنورش
-الابواب مبتقفلش بعد ما العربيه تطلع بس دى ممكن تكون مش موجوده فى الفئه التانيه
-حاسس ان السقف واطى سنه بس مش اوى


ولسه هنزل تقرير مفصل و صور ان شاء الله بس لما استخدمها يومين كدا و اعرف كل حاجه فيها كويس

بس غير كدا العربيه بسم الله ما شاء الله تستاهل كل مليم اتدفع فيها

يا باشا ربنا يباركلك فيها وطبعا هوندا مش محتاجه توصيه، حافظ على صيانتها طبعا مش هوصيك ومشكووور عالتقرير الجميل ده

[semsem85]

الف مبروك ربنا يكقيك شرها ويحفظهالك انا معايا 2005 ومبسوط منها جداااا وعقبال 2020