الزجاج الامامي بينزل ميه في المطر ولما اغسل العربية

[engmesk3]

السلام عليكم

عندي الزجاج الامامي بينزل ميه في المطر ولما اجي اغسل العربية .. اليومين اللي فاتوا ادخل العربية الاقي الصالون غرقان من ناحية الكرسي المجاور للسواق .. خدت بالي ان فيه ميه نازلة من الناحية اللي فوق من الازاز مغرقة كمان الازاز من جوه.. حد يعرف ايه حل الموضوع ده؟

[aymanshebl]

لو مغير الزجاج يبقى عيب تركيب روح لواحد بتاع زجاج يمكن يسدها بسيلكون زجاج او يشوفلها حل

[mesaharaty]

متابع معاكم

[ahmedabeed]

الجلد اللى على الازاز مش متركب كويس او متاكل محتاج حد يبوص عايه وممكن السليكون يحل الموضوع

[SAMEH_FOUAD]

كل اللى عليك انك تشوف الجريدة بتاعة الازاز هل فيها مشكلة ولا لأ

وكمان تتأكد ان الزجاج متركب صح

وحلها انبوبة سيليكون اسود مط , تغطى بيها الجزء دة وان شاء الله مش هتلاقى حاجة ودة ابسط الحلول وارخصها

[ahmedelrayan]

الحل العملى ان حضرتك هتروح لحد بتاع زجاج يفك الزجاج لو لاقيت اثار لصدأ فى السقف او القوايم هتعمله قبل ما البارومة تنتشر فيه لو ملقيتش يبقى تمام بتاع الزجاج هيشوف الكاوتش لو وحش يتغير لو كويس يبقى ينضف ويلزق من جديد وبكدة يبقى حضرتك حليت المشكلة من جذورها

[asas630]

لازم تغير فرام الكاوتش بتاع الزجاج باخر جديد احسن مالبرموة تاكل السقف والقوائم