تنظيف البوابه

[AHMED_HAMDY]

السلام عليكم


كنت عايز انضف البوابه والرشاشات والحساسات وكل حاجه في الموتور واغير فلتر بنزين

الموتور d16y ايه افضل طريقه للتنضيف يعني الميكانيكي ينضف كله اسبراي مخلهوش يحط بنزين اوة

يغسل حاجه

الرشاشات الحساسات كدا يعني عايز افضل حاجه مضرش لان هنا الصنايعيه بتفتي وممكن بنضف كله

ببنزين


التنضيف المانافولد يتفك ويطلع كله يتنضف ولا وهوه راكب ؟؟ اركب بوجيهات قديمه لو هينضف والمناافولد راكب؟؟

[م/أحمد عبد الفتاح]

بالنسبة للبوابة (Throttle Body) دى ممكن إنت تعملها باستخدام إسبراى يكون مكتوب عليه (Throttle Body Cleaner) مش اللى مكتوب عليه (Carburetor Cleaner) يعنى ماتستخدمش منظف الكاربراتير..
وتفك غطا فلتر الهوا وتشيل الفلترحتلاقى تحته البوابة وجنبها فيه ذراع على كابل ممكن تفتح وتقفل بيه البوابة ... ترش إسبراى على فرشاة أسنان قديمة ( ماترشش على البوابة نفسها) بحيث تكون الفرشاة مبلولة كويس بالإسبراى وبعدين تنضف بيها البوابة وهى مقفولة عادى وبعدين تبدأ تفتحها بإيدك بإستخدام الذراع وانت بتنضف بالفرشاة مع مراعاة إعادة رش الفرشاة بالإسبراى كل شوية..... طبعاً حتلاقى كربون وبلاوى .. ومتنساش تنظف الجسم الألومنيوم اللى جواه البوابة..... وبعدين بإستخدام فوطة نظيفة من الفايبر أو فانلة قديمة تنشف البوابة كويس والجسم لغاية ماتبقى نظيفة تماماً وماتوقعش حاجه جوه ..... وميمنعش إنك تبلل الفوطة تانى بالإسبراى وتأخدها وش تانى . وبعدين ترجع فلتر الهوا (غيره لو متوسخ) والغطاء .
بالنسبة لفلتر البنزين ممكن تغيره بس تراعى إتجاه السهم زى القديم بالظبط .
الرشاشات فيه برضه سائل منظف للرشاشات (Injector Cleaner) هات نوع كويس من اى بنزينة موبيل وتحطه على التانك حسب برضه ماهو مكتوب عليه ( فى الغالب بيتحط على تانك مليان بس اقرا برضه التعليمات على العلبة) بس المنظف بتاع الرشاشات ماتعملهوش كتير يعنى مرة كل سنة .
حاتحس بفرق كبير جداً فى سحب العربية وإستهلاك البنزين حايقل وخصوصاً بعد تنظيف البوابة.
وبالتوفيق

[ahmedabeed]

بالنسبة للبوابة (throttle body) دى ممكن إنت تعملها باستخدام إسبراى يكون مكتوب عليه (throttle body cleaner) مش اللى مكتوب عليه (carburetor cleaner) يعنى ماتستخدمش منظف الكاربراتير..
وتفك غطا فلتر الهوا وتشيل الفلترحتلاقى تحته البوابة وجنبها فيه ذراع على كابل ممكن تفتح وتقفل بيه البوابة ... ترش إسبراى على فرشاة أسنان قديمة ( ماترشش على البوابة نفسها) بحيث تكون الفرشاة مبلولة كويس بالإسبراى وبعدين تنضف بيها البوابة وهى مقفولة عادى وبعدين تبدأ تفتحها بإيدك بإستخدام الذراع وانت بتنضف بالفرشاة مع مراعاة إعادة رش الفرشاة بالإسبراى كل شوية..... طبعاً حتلاقى كربون وبلاوى .. ومتنساش تنظف الجسم الألومنيوم اللى جواه البوابة..... وبعدين بإستخدام فوطة نظيفة من الفايبر أو فانلة قديمة تنشف البوابة كويس والجسم لغاية ماتبقى نظيفة تماماً وماتوقعش حاجه جوه ..... وميمنعش إنك تبلل الفوطة تانى بالإسبراى وتأخدها وش تانى . وبعدين ترجع فلتر الهوا (غيره لو متوسخ) والغطاء .
بالنسبة لفلتر البنزين ممكن تغيره بس تراعى إتجاه السهم زى القديم بالظبط .
الرشاشات فيه برضه سائل منظف للرشاشات (injector cleaner) هات نوع كويس من اى بنزينة موبيل وتحطه على التانك حسب برضه ماهو مكتوب عليه ( فى الغالب بيتحط على تانك مليان بس اقرا برضه التعليمات على العلبة) بس المنظف بتاع الرشاشات ماتعملهوش كتير يعنى مرة كل سنة .
حاتحس بفرق كبير جداً فى سحب العربية وإستهلاك البنزين حايقل وخصوصاً بعد تنظيف البوابة.
وبالتوفيق

كلام زى الفل من الاخر يعنى تسلم ياباشا

[SAMEH_FOUAD]

شوف يابو حميد عشان تنظف البوابة صح , وتنساها فترة لا تقل عن سنة

بس هتكون مكلفة شوية انك هتشترى جوان مانيفولد ودة تمنة اصلى ب 180 جنية

هتفك البوابة كاملة , وتشيل الحساسات ماعدا حساس ال tps لو مظبوط عندك , مش مظبوط شيلة وتبقى تعملة calibration تانى

وتنظف كل البوابة بالبنزين , هتاخد وقت حوالى نص ساعة لو اتنظف صح , وهترجع زيرو

وتشوف بردة تراجع على ماسورة المياة وعلى الخراطيم قبل ماتركب الجوان الجديد , عشان لو فية مشكلة فى ماسورة المياة هتضطر تشيل الجوان دة تانى

وبعد كدة تركب ( map - tps ) خلى بالك دول مابيتنظفوش خلى بالك لو جية عليهم اسبراى او حاجة هيهيسوا

وتنظف فلتر الهواء والماسورة وبلف الايدل كويس

فلتر البنزين بقى عشان تنظفة ويشتغل معاك صح الاول هتفكة , والمكيانيكى هينفخ فية يشوفة سالك ولا مسدود , عشان لو مسدود , هيتغير , مش مسدود هيتنظف بس عن طريق ان يخبط علية شمال ويمين وفوق وتحت ويحط فية شوية بنزين ويرجة فية لحد ماينزلة البنزين بلونة بدون شوائب ( اوعى ينظفة بضغط هواء ) كدة الفلتر باظ وهيفرول جوة

كدة انت نظفت المانيفولد وكل حاجة

هيكون فاضلك حاجة واحدة الرشاشات ( افضل تنظيف ليها عن طريق جهاز الالترا سونيك ) غير كدة اى كلام لان الجهاز الالترا سونيك مش بينظف بس , لأ دة بيظبط كمان الرشاش ولو فية رينج ناشف بيتغير بيرجع الرشاش جديد وكمان بيظبط الحقن بتاعة

لكن اى تنظيف والبوابة راكبة هيكوة لية تأثيرة على المكنة ممكن يسدلك الرشاشات - يبوظ البوجيهات - الترسبات دية هتتراكم على الصمامات

عشان كدة اللى انا قايلك علية دة انظف طريقة تنظيف وبعد كدة صدقنى مش هتحتاج تنظيف الا بعد سنة وهيكون خفيف

[ahmedabeed]

شوف يابو حميد عشان تنظف البوابة صح , وتنساها فترة لا تقل عن سنة

بس هتكون مكلفة شوية انك هتشترى جوان مانيفولد ودة تمنة اصلى ب 180 جنية

هتفك البوابة كاملة , وتشيل الحساسات ماعدا حساس ال tps لو مظبوط عندك , مش مظبوط شيلة وتبقى تعملة calibration تانى

وتنظف كل البوابة بالبنزين , هتاخد وقت حوالى نص ساعة لو اتنظف صح , وهترجع زيرو

وتشوف بردة تراجع على ماسورة المياة وعلى الخراطيم قبل ماتركب الجوان الجديد , عشان لو فية مشكلة فى ماسورة المياة هتضطر تشيل الجوان دة تانى

وبعد كدة تركب ( map - tps ) خلى بالك دول مابيتنظفوش خلى بالك لو جية عليهم اسبراى او حاجة هيهيسوا

وتنظف فلتر الهواء والماسورة وبلف الايدل كويس

فلتر البنزين بقى عشان تنظفة ويشتغل معاك صح الاول هتفكة , والمكيانيكى هينفخ فية يشوفة سالك ولا مسدود , عشان لو مسدود , هيتغير , مش مسدود هيتنظف بس عن طريق ان يخبط علية شمال ويمين وفوق وتحت ويحط فية شوية بنزين ويرجة فية لحد ماينزلة البنزين بلونة بدون شوائب ( اوعى ينظفة بضغط هواء ) كدة الفلتر باظ وهيفرول جوة

كدة انت نظفت المانيفولد وكل حاجة

هيكون فاضلك حاجة واحدة الرشاشات ( افضل تنظيف ليها عن طريق جهاز الالترا سونيك ) غير كدة اى كلام لان الجهاز الالترا سونيك مش بينظف بس , لأ دة بيظبط كمان الرشاش ولو فية رينج ناشف بيتغير بيرجع الرشاش جديد وكمان بيظبط الحقن بتاعة

لكن اى تنظيف والبوابة راكبة هيكوة لية تأثيرة على المكنة ممكن يسدلك الرشاشات - يبوظ البوجيهات - الترسبات دية هتتراكم على الصمامات

عشان كدة اللى انا قايلك علية دة انظف طريقة تنظيف وبعد كدة صدقنى مش هتحتاج تنظيف الا بعد سنة وهيكون خفيف

كلامك تمام اوى يا سامح بس لازم يكون واحد عملها قبل كده اوشافها كذا مرة على الاقل احسن يكسر حساس فالكلام ده للناس اللى عندها خبره

[SAMEH_FOUAD]

حساس الماب مربوط بمسمارين صليبة وواضح جداا فوق

وحساس اال tps نفسك الكلام

وبلف الايدل نفس الكلام بصامولتين , يعنى نسبة الخطورة على الحساسات صفر

وبالنسبة لمانيفولد هو دة اللى محتاج حد فاهم , عشان يبقى عارف هو بيربط ازاى وبيفك ازاى

[AHMED_HAMDY]

شكرا ططبعا لكل الناس الي ردت

سامح انا قاعد مستني الرد ده بجد شكرا شكرا شكرا لان عارف انك هتجيب الخلاصه والحاجه الصح والكلام ده لو اتعمل

الواحد هينسى بجد اكثر من سنتين كمان مش سنه

مصنعيه ادفع كام لو روحت لحد في الحرفيين جاسم مثلا ؟

[SAMEH_FOUAD]

المصنعية هتكون فى حدود 100 جنية مايزيدوش مهما كان

ولو اتعملت عند واحد غير الحرفيين هتبقى اقل من كدة

بس مشكلة بجد ميكانيكية الحرفيين سعرهم غالى , عموما يااحمد لو هتروح كلمنى من هناك وادينى جاسم لو هتعملها عندة

[AHMED_HAMDY]

تمام هيا المشكله لو عرفت اتصرف في حد يجيبلي الجوان هعملها هنا ان شاء الله

لو معرفتش هروح الحرفيين اشتريه واعمل عند جاسم علشان الحرفيني اقرب مكان ليا من الزقازيق بس لو نزلت برضه ممكن اروح لاحمد حسانين برضه