ايه الحل فى فرامل سيفيك 2008 عشان الواحد اكتئب !

[NaBeLeOn]

ياريت يا جماعة حد يفيدني عشان الواحد جاب آخره خلاص ..
العربية ماشية 80 الف تقريبا ... الطنابير الأمامية اتخرطت مرتين لحد الوقتي ..
أداء الفرامل أقل بكتير جدا عن الأول .. بصراحة بقى يقلقني و أنا ماشي
التيل سواء أصلي و لا مش أصلي مبتفرقش كتير ..
التيل اللى راكب حاليا مكملش 5 الاف كيلو ... بقالى فترة مسافرتش و المشى جوه البلد على سرعات بطيئة الى متوسطة مكنش فى مشكلة غير طبعا الأداء الأقل من متوسط للفرامل عموما بس زى ما تقولوا اتعودت على كده .. الجديد انى سافرت امبارح و العربية مشيت على سرعات عالية 120-160 كم/س فى مرحلة ما من الطريق .. بعد المرحلة دى عينك ما تشوف الا النور ... صوت صعب جدا مع اى فرامل -باقى الطريق سرعة متوسطة 80-100- ... الصوت مستمر مع اى دوسة الفرامل و تزيد شدته مع الضغط بقوة على دواسة الفرامل .. صوت يشبه الاحتكاك .. مش عارف بصراحة اذا كان التيل اتاكل و بيحك فى الطنابير بعد 5 الاف كيلو بس !! انا مسمعتش نوعية الصوت دى قبل كده مع تآكل التيل و تغييره كذا مرة ... اكتئبت بصراحة و ركنت العربية و مش عايز حتى أفك العجلة عشان أشوف التيل متاكل و لا لأ .. و جربت النهاردة بعد ما سبت العربية تبرد أحرك العربية كام متر جوه الجراج و امسك فرامل الصوت موجود ..
المهم انا عايز حل جذرى للمشكلة بدل ما بقيت كل يوم و التانى اروح اجيب تيل و اغيره و خلاص .. عايز أحسن كفاءة الفرامل ايه العمل ؟؟
أغير الفرامل الخلفية لديسكات ؟؟ طيب الامامية فى أى تعديل ممكن يتعمل فيها ؟؟
أفيدونى أفادكم الله .. و لو فى حد عنده لينكات لمواضيع ناقشت مشكلة الفرامل فى السيفيك قبل كده ياريت يحطها

[ARKOON]

مش عارف ليه حاسس ان الطنابير هيا الى عايزه تتغير ؟؟!!

[NaBeLeOn]

مش عارف ليه حاسس ان الطنابير هيا الى عايزه تتغير ؟؟!!

أنا برضه شاكك فى كده ...

[rotanamasoud]

مش عارف ليه حاسس ان الطنابير هيا الى عايزه تتغير ؟؟!!

اعتقد ذلك مع تغيير جلد الماستر صيانه وقائيه واحكام وتغيير كل الزيت الباكم فى الدوره

[NaBeLeOn]

اعتقد ذلك مع تغيير جلد الماستر صيانه وقائيه واحكام وتغيير كل الزيت الباكم فى الدوره

جلد الماستر دى بتكون فين ؟؟

[دكتور خالد]

اكيد طنابير اتخرطت مرتين قبل كده يعنى سمكها قل عن الاول بكتير وده هيخلى الفرملة ضعيفة طبعا - ولو الطنابير فيها عالى وواطى هتبوظ اى تيل جديد هيركب - متفق مع راى تغيير الطنابير ومعاه تيل جديد كمان

[NaBeLeOn]

طيب ان شاء الله أغير الطنابير
فى اى تعديلات ممكن تتعمل عشان ازود كفاءة الفرامل ؟؟

[NaBeLeOn]

طيب حد يعرف الطنبورتين الامامى يكلفوا كام ؟

[SAMEH_FOUAD]

1450 جنية عند الوليد فى شارع السودان - الجيزة

01094192822

شوف انا مش هزود عن كلام الاعضاء كتير لان كل واحد قال معلومة ومجموع المشاركات يديك اجابة 100%

ان المشكلة اللى عندك سببها الاتى باختصار

1- خرط الطنابير اكتر من مرة خصوصا ان المرة التانية بيتاكل منها اكتر من المرة الاولى

2- التيل لازم يكون اصلى عشان يحافظ على الطنابير , وللاسف كل تيل السيارات من منتصف 2014 هيكون اقصى فترة لية فى العربية 12 الف كيلو ( بسبب ان كل التيول هتكون بدون الاسباتوس المساعد الاساسى على ان التيل يمسك كويس جداا وفى نفس الوقت مايتاكلش بسرعة

3- يفضل انك تغير العفشة الخلفية الى ديسكات , ودية تكلفتها بكل حاجة 1200 جنية بالتركيب بكلة وعندك محمد على فى اخر جمال عبد الناصر يعملك القصة دية , وهتحس بفرق رهيب فى الفرامل

[Esmat mousa]

الطنابير عايزة تتغير لان حصل معايا الموضوع ده اي سرعة بعد 100 تيجي بس تريح علي الفرامل الدركسيون كان بيترجج معايا والعربية كمان بعد ما غيرتها لقيتها احسن مع العلم انا hrv 2005 لان التير مش عارف يتوافق مع التنبورة عشان كده حصل معايا الموضوع ده

[NaBeLeOn]

1450 جنية عند الوليد فى شارع السودان - الجيزة

01094192822

شوف انا مش هزود عن كلام الاعضاء كتير لان كل واحد قال معلومة ومجموع المشاركات يديك اجابة 100%

ان المشكلة اللى عندك سببها الاتى باختصار

1- خرط الطنابير اكتر من مرة خصوصا ان المرة التانية بيتاكل منها اكتر من المرة الاولى

2- التيل لازم يكون اصلى عشان يحافظ على الطنابير , وللاسف كل تيل السيارات من منتصف 2014 هيكون اقصى فترة لية فى العربية 12 الف كيلو ( بسبب ان كل التيول هتكون بدون الاسباتوس المساعد الاساسى على ان التيل يمسك كويس جداا وفى نفس الوقت مايتاكلش بسرعة

3- يفضل انك تغير العفشة الخلفية الى ديسكات , ودية تكلفتها بكل حاجة 1200 جنية بالتركيب بكلة وعندك محمد على فى اخر جمال عبد الناصر يعملك القصة دية , وهتحس بفرق رهيب فى الفرامل

1450 دى طنابير اصلي ؟ تغيير الفرامل الخلفية حاجة ملحة و لا ممكن اكتفى مؤقتا بتغيير الطنابير الامامية مع رجلشة الفرامل الخلفية و سحب اى هواء فى الدايرة ؟ اصلى قدامى 3-4 شهور و مسافر برا مصر ان شاء الله فترة طويلة شوية و مش عايز اصرف كتير ... عايز اعمل الحاجة الضرورية ..
شكرا لرد حضرتك

[NaBeLeOn]

الطنابير عايزة تتغير لان حصل معايا الموضوع ده اي سرعة بعد 100 تيجي بس تريح علي الفرامل الدركسيون كان بيترجج معايا والعربية كمان بعد ما غيرتها لقيتها احسن مع العلم انا hrv 2005 لان التير مش عارف يتوافق مع التنبورة عشان كده حصل معايا الموضوع ده

تمام .. هو فى اجماع كده على تغيير الطنابير
شكرا لرد حضرتك

[NaBeLeOn]

أجيب طنابير بريمبو كويسة و لا لأ ؟؟ الاصلى غالية جدا جدا "الاتنين بحوالى 2000 جنيه"

[ashouhdy]

يا راجل يا طيب

في حد يخرط طنابير في عربية جديدة

الخرط دة لمويلات الثمانينات و السبعينات

طبعا الفرامل حتضيع

[NaBeLeOn]

يا راجل يا طيب

في حد يخرط طنابير في عربية جديدة

الخرط دة لمويلات الثمانينات و السبعينات

طبعا الفرامل حتضيع

مظنش ان خرط الطنابير له علاقة بالعربية جديدة و لا سبعينات .. مرة من الاتنين كنت فى التوكيل و المهندس هو اللى قال الطنابير محتاجة خرط مع تغيير التيل و عملوها عندهم فعلا