نظافة الهوندا سيتى الداخلية ؟؟؟؟؟ حد يساعدنى

[washable]

اصدقائى السيتاويه :)
كام سؤال على الماشى :
اولاً : لون العربية البيج ده جمييل بس المشكلة ان التراب الملعوون اجتاح العربية من الداخل وبدأ يطفى لون التابلوه فا ايه المنتج (سبراى) اللى ممكن استخدموا عشان انظف بيه جلد التابلوه . و لو ممكن كمان اعرف كمان القطيفة بتاعت الباب ده تتنظف بايه؟؟؟ عشان اسودت عندى و شكلها يكسف.

ثانياً : انتوا كلوكوا عارفين ان العربيات بتتكحت الدهان و ده بقه الطبيعى فى بلدنا, انا فاكر ان كان فى منتج بيتباع عشان ترشه على الكحته و تدعكه تختفى بس انا مش عارف اسمه لو حد يعرف انواع يا ريت و اكون لكم من الشاكرييييين.

شكرا و منجلكوش فى اى كحته .

[kimoboy]

Use STP spray

[washable]

asking

Use STP spray

please is this stp for the scratches or for the cleaning.

[mich_e_l2000]

اولا بالنسبة للأرضيات اعملها فرش جلد زى ما انا عملت
وبالنسبة للتابلوة فى سبراى جميل جدا اسمة Stp يلمع التابوة ويديلة جمال فوق الجمال
وبالنسبة للنضافة وديها مغسلة للغسيل بالكيماوى ودول كتير جدا ويرجعولك العربية كانها زيرو من جوة وبرة ...وهم كمان بيلمعوا العربية من الخراج ويخفوا اى سجحات او خدوش ...طبعا سطحية مش هدوش غائرة ....

[washable]

تسلم يا ميش انا فعلا هجرب بس لو ممكن اى عنوان مغسلة فى الهرم او مصر الجديدة اكون شااااااااكر جدا :)

[washable]

على فكرة انا جبت حاجة زى المناديل المعطرة بس للتابلوه و الجلد اسمها armor all ممتازة بتخلى التابلوه يبرق جربوها هى موجودة فى كارفور المعادى .

[ahmedhegazy10]

اية ياشباب الكلام دة مفيش فرع ليها في الشرقية
انا هتيدل في القاهرة

[washable]

انا اشتريت من كام يوم كده من كارفور سائل كده اسموهsimonize -scratch and polish.
المفروض ان هوا انجليزى و ب40 جنيه جربته على الكحتات اللى على العربية هوا قدر انه يشيل الكحتات الخفيفة فعلا و رجع لون العربية , بس الحجات الغائرة مقدرش يعمل حاجه .

و انا دايخ على اى مغسلة محترمة يعرفوا ينظفوا القطيفة بتاعت الباب و مش عارف الاقى و لا واحدة و لو ممكن حد يدينى بس عنوان اى مغسلة يكون جربها وواثق منها.

[mkaram]

السلام عليكم

بالنسبة للمغسله الكيماوى: كالتكس المعادى .. فى أخر شارع النصر من ناحية الاوتوستراد

بالنسبة للخدوش: فى علبه بتتباع عند بتوع قطع الغيار اسمها "كمبوند" هيه ديه اللى بيستخدمها بتوع التنظيف الكيماوى والاسترجيه وهتلاقى ثمنها 5 جنيه أو 10 جنية

تنظف المكان اللى هتدهنه وتنشفه وبعدين تحط شويه محترمين من "الكمبوند" وتدعك بقطنه هتلاقى كل اخدوش اختفت

ملحوظه مفيش حاجه هتنفع لو الخدش وصل للفبر من جوه أو للصاج من جوه

[ahmedsadek]

-على فكرة انا جبت حاجة زى المناديل المعطرة بس للتابلوه و الجلد اسمها armor all ممتازة بتخلى التابلوه يبرق جربوها هى موجودة فى كارفور المعادى .

لقد خالفت القاعدة رقم 6 بند "ب" للمرة السابعة مما يستوجب توجيه انذار ووقف اسبوع.

يرجى مراجعة قواعد المنتدى.

(إ.م.2)