شفط الزيت ولا فك الطبة ؟؟

[amr_naser]

السلام عليكم
ازيكم يا هنداوية
كنت بغير زيت الماتور ولقيت الراجل جايب جهاز الشفط وعاوز يشفط بية فقلت لا فك طبة الماتور ومرتضش اخلية يشفط وقعد يقنعنى ان الشفط احسن وبيشفط كل زيت الماتور انما الطبة مش بتنزل كل الزيت
وانا بصراحة معرفش فبعد ما نزل الزيت من الطبة قلت لة جرب كدة تشفط فقال لى لا خلاص
انا بصراحة عاوز اعرف هل هو فعلا كلامة صح ولا لا ؟؟؟

[abdoumahros]

الاختلاف

السلام عليكم
ازيكم يا هنداوية
كنت بغير زيت الماتور ولقيت الراجل جايب جهاز الشفط وعاوز يشفط بية فقلت لا فك طبة الماتور ومرتضش اخلية يشفط وقعد يقنعنى ان الشفط احسن وبيشفط كل زيت الماتور انما الطبة مش بتنزل كل الزيت
وانا بصراحة معرفش فبعد ما نزل الزيت من الطبة قلت لة جرب كدة تشفط فقال لى لا خلاص
انا بصراحة عاوز اعرف هل هو فعلا كلامة صح ولا لا ؟؟؟

شفط الزيت موش بينزل كل الزيت لانه بيترك بعض الزيت لايستطيع خرطوم السحب الوصول اليه لكن طبعا هيا كميه بسيطه وميزه شفط الزيت انك موش بتفك الطبه وبالتالي بتحافظ علي سن القلاووظ والكارتيره
علي العكس فك الطبه بينزل كل الزيت لكن بعد فتره سن قلاووظ الطبه بيبوظ

[kaza]

فك الطبة هو الطريقة المعروفة لغيار الزيت والمثلي وبتخلص الموتور من جميع الشوائب والرواسب لكن الشفط بيسيب كم كبير من الرواسب والكاربون وبترجع تلف في دورة التزييت وتعجل باتلاف المحرك ..بدعة لزوم الصيانة السريعة زي السوسيس والبرجر وغير مرجوة ..المهم درجة اجادة الفني القائم بالصيانة وسلامة المعدات التي بيستخدمها في الفك والتركيب وهو دة اللي بيبوظ السن او بيتلف الطبة

[أبو_يوسف]

فك الطبة هو الطريقة المعروفة لغيار الزيت والمثلي وبتخلص الموتور من جميع الشوائب والرواسب لكن الشفط بيسيب كم كبير من الرواسب والكاربون وبترجع تلف في دورة التزييت وتعجل باتلاف المحرك ..بدعة لزوم الصيانة السريعة زي السوسيس والبرجر وغير مرجوة ..المهم درجة اجادة الفني القائم بالصيانة وسلامة المعدات التي بيستخدمها في الفك والتركيب وهو دة اللي بيبوظ السن او بيتلف الطبة

عندي اقتناع برضه ان الشفط هايشفط الرواسب اللي راقد في الكارتيرة تحت وممكن تسد مصفاة الزيت

[swimmer25]

كل التوكيلات بتفك الطبة وبالتالى أنا شايف إن دي الطريقة الأصح لتغيير الزيت

[hemaa_82]

الشفط بيعملوه علشان بيخافو الطبة تفوت زي ما الخوة الافاضل قالو و بيقلقوا الزبون يمسك في خناقهم ....

ببساطة وانا بغير زيت اخر مرة الراجل سألني ... الطبة سليمة يا باشا ولا نشفط؟؟؟؟؟؟ المغزي ان الاحسن و الاصح ان الطبة تتفك و تتنضف علشان بتبقي ممغنطة و بيلزق فيها شوائب ... انما في حالة ان الطبة او الغويط بتاعها بايظ و بيفوت فالناس بتضطر تشفط خوفا من ان الطبة تفك و تحتاس و متعرفش تقفلها تاني

[Dr__Ahmed]

ده كلام الكتالوج واظن إنه ثابت فى اى عربيه ::
""" Remove the oil drain bolt from the bottom of the engine . Drain the oil in a container""""
اى شوائب فى الدنيا بتبقى مترسبه فى قاع السائل اللى هيا فيه ومهما سحبت السائل ده هتفضل هيا برضه فى القاع
فما بالك بقى لما يبقى السائل ده زيت والترسبات كربون !!,,, صعب جدا تتسحب
لكن فكرة الشفط ممكن تكون لضروره قصوى فقط ..
--- وبالنسبه للطبه .. فإحنا فى مصر عندنا مجموعة خراطين يعملوا العجب
سواء طبه جديده او قلوظة المكان بتاعها

[amr_naser]

شكرا للجميع وجزاكم الله خيرا