عندي مشكله غريبة

[ahmed hamada]

عندي مشكله غريبه شويه مش عارف اعرضها في اي قسم ففضلت اعرضها في قسمي المفضل عشان ما شاء الله هنا في مجموعة بتحب تفيد ااناس وماتبخلش بالمعلومه

نيجي للمشكله العربيه اوتوماتيك انجيكشن 1500 موديل 97

العربيه وانا ماشي في وسط المشوار وهي طبعا سخنه بهدي عشان مثلا عربيه تعدي نزلت من مطب او حتى واقف ف اشارة وهامشي بتحصل رجرجه في العربيه وتحس انها بتجمع كأن بعمل كيك داون بس ببقى دايس ع البنزين خفيف بما يتناسب مع طلعة العربية ومش عارف ده من ايه ؟

هل كده الفتيس بيشاور نفسه يبوظ ولا عايز يتفك ونضف المصفى والفلتر ؟
هل مشكله ف الموتور ؟
هل رشاشات؟
هل بوجيهات وسلوكها ؟


معلش طولت عليكوا بس مش عايز اروح لميكانيكي ويشتغلني من غير ما افهم في ايه .......

وشكرا مقدما

[ahmed hamada]

متابع بعد 132 مشاهده

[خالد دياب]

مشكلت الرجرجه دي حجات كتير علشان كده تروح وتقف على ايد المكنيكي وتعرف سببها ايه لان زي مقلت لحضرتك في حجات كتير بتسبب الرجرجه احنا بنجتهد في حجات كتير وممكن تلاقي عيب مختلف وانت على ايد المكنيكي واتمنى ليك التوفيق محبتشي ابقى 133 بس ليك مني كل تحيه

[SAMEH_FOUAD]

مبدأيا , عايز اعرف شوية اجاابات :

1- نسب النقل عندك تمام ومظبوطة ؟؟

2- الرجة اللى بتحسها وانت طالع بس ؟؟ يعنى مش بتحسها فى وقت النقل ؟؟

3- عايز توضيح اكتر للجملة دية " وتحس انها بتجمع كأن بعمل كيك داون بس ببقى دايس ع البنزين خفيف بما يتناسب مع طلعة العربية "

[ahmed hamada]

مبدأيا , عايز اعرف شوية اجاابات :

1- نسب النقل عندك تمام ومظبوطة ؟؟

تمام الاول من 20 ل 40
للتاني 40 ل 60 وهكذا

2- الرجة اللى بتحسها وانت طالع بس ؟؟ يعنى مش بتحسها فى وقت النقل ؟؟

بالظبط وانا طالع بس

3- عايز توضيح اكتر للجملة دية " وتحس انها بتجمع كأن بعمل كيك داون بس ببقى دايس ع البنزين خفيف بما يتناسب مع طلعة العربية "

اقولك وانت بتدوس ع اخر دواسة البنزين عشان تفتح الصمامات مش الماكينه بتجمع وتحس برجه في رجلك اهي بتعمل كده بس ببقى دايس ع البنزين عادي الطبيعي يعني

[SAMEH_FOUAD]

طيب انت ماجاوبتش على الاسئلة ؟؟

[ahmed hamada]

جاوبت تحت كل سؤال بس طلعت بنفس لون كتابتك

[SAMEH_FOUAD]

طالما عندك كل النقلات تمام , ومافيش اى مشكلة فيها , والرجة مع بداية الطلعة فقط ليها كذا سبب

1- قربة الفتيس فيها مشكلة

2- قاعدة الفتيس مقطوعة او الكوبلن الداخلى

3- اخر حاجة الكرونة بتاعة الفتيس فيها مشكلة

كل اللى هتعملة انك الاول تكشف على القواعد + الكبالن , لو تمام , يبقى تانى خطوة تنزل الفتيس وتشوف اللى قولتلك علية فوق

[ahmed hamada]

طالما عندك كل النقلات تمام , ومافيش اى مشكلة فيها , والرجة مع بداية الطلعة فقط ليها كذا سبب

1- قربة الفتيس فيها مشكلة

2- قاعدة الفتيس مقطوعة او الكوبلن الداخلى

3- اخر حاجة الكرونة بتاعة الفتيس فيها مشكلة

كل اللى هتعملة انك الاول تكشف على القواعد + الكبالن , لو تمام , يبقى تانى خطوة تنزل الفتيس وتشوف اللى قولتلك علية فوق

شكرا يا سامح بس عندي سؤالين

قربة الفتيس دي جوا الفتيس ولا بره والكرونه دي فين بالظبط ؟

هل لو الكوبلن الداخلي فيه بوش يعمل الرجه دي ؟

واخيرا انا عندي القواعد كلها متغيرة قريب

وشكرا ليك مرة تانيه

[SAMEH_FOUAD]

القربة جوة الفتيس لازم يتفك عشان تتطلع

والكرونة دية اللى بيكون متوصل بيها الكبالن

الكوبلن الداخلى لو فية بوش يعمل طبعا الرجة دية , لانة فى الاتوماتيك بيكون موضوع الكبالن مهم جداا عشان يعمل بصورة طبيعية

[ahmed hamada]

القربة جوة الفتيس لازم يتفك عشان تتطلع

والكرونة دية اللى بيكون متوصل بيها الكبالن

الكوبلن الداخلى لو فية بوش يعمل طبعا الرجة دية , لانة فى الاتوماتيك بيكون موضوع الكبالن مهم جداا عشان يعمل بصورة طبيعية

جزاك الله خير ع المعلومات ربنا يزيدك خير وتساعد الناس اكتر