هوندا سيفك تركي

[خالد دياب]

بسم الله الرحمن الرحيم
بعد التحيه :

كان في احد الاعضاء المحترمين عارض هوندا تركي فكنت بسال هي هوندا تجميع تركي مش ياباني اتمنى اعضاء هوندا المحترمي يجوبونا

[NaderNabil]

الهوندا سيفيك من ٢٠٠٩ متقفلة في تركيا
و حتى الان الشكل الجديد كله تركي

زمن الياباني انتهى خلاص

[khaled_afandy]

الهوندا سيفيك من ٢٠٠٩ متقفلة في تركيا
و حتى الان الشكل الجديد كله تركي

زمن الياباني انتهى خلاص

المازدا و الميتسوبيشى و السوبارو ما زالوا يابانى

[خالد دياب]

كده وضحت الصوره بارك الله فيكم خالص تحياتي

[NaderNabil]

عفوا كنت اقصد الهوندا فقط و ليس باقي الانواع عموماً

[refaat78]

انا معايا 2009 ياباني علي فكره.. وكان معايا 2012 وبعتها بس كانت ياباني.. من 2013 بقت تركي

[ahmedwagdy03]

السيفيك فى مصر حتى 2012 يابانى و بعد كدة تركى و كل السيفيك فى المنطقة العربية إما أمريكى فى الخليج أو تركى لشمال أفريقيا و الأردن

السيتى أعتقد من أول 2009 تايوانى

[Sameh samy]

يا جماعة تقفيل العربية في تركيا ميعيبهاش بلد التجميع وشركة هوندا موش هتخاطر بسمعتها واكيد عاملة كواليتي كونترول واشراف كويس علي التجميع

[ahmedwagdy03]

يا جماعة تقفيل العربية في تركيا ميعيبهاش بلد التجميع وشركة هوندا موش هتخاطر بسمعتها واكيد عاملة كواليتي كونترول واشراف كويس علي التجميع

الحمد لله .سيارتى تقفيل تركى و مريحانى

[S O P H O S]

ده تقفيل وبقي الكل كده
الفيصل راقبة الشركة الام علي المصانع التجميع الي برا

[zrzr1]

الشيب اللي بينزل ف الخليبج تقفيل امريكي

[eng.ahmed sabr]

عندي معلومة بسيطه عن الرقابه من الشركة الام عن تجربه شخصيه انا اول ما اشتغلت مع الانجليز في مجال شغلي انبهرت بيهم جدا وقدر ليا بعدها اشتغل مع امريكان بصراحه ضايعين بالنسبه للانجليز وبذات في الكوالتي كنترول وبعدها اشتغلت مع اليابانيين بصراحه يخربيت ام كده عندهم استعداد يخسرو الجلد والسقط مقابل الجوده انا مشفتش حد في العالم بيهتم بالجوده بالشكل ده وعلى فكره اقتصاديا وعلى الورق معظم المصنعين اليابانيين مبيكسبوس مقارنه بباقي صانعي العالم كنت بحس وانا بتعامل معاهم ان هامه اسم ماركة بلده قبل اي مكسب

[khaled_afandy]

عندي معلومة بسيطه عن الرقابه من الشركة الام عن تجربه شخصيه انا اول ما اشتغلت مع الانجليز في مجال شغلي انبهرت بيهم جدا وقدر ليا بعدها اشتغل مع امريكان بصراحه ضايعين بالنسبه للانجليز وبذات في الكوالتي كنترول وبعدها اشتغلت مع اليابانيين بصراحه يخربيت ام كده عندهم استعداد يخسرو الجلد والسقط مقابل الجوده انا مشفتش حد في العالم بيهتم بالجوده بالشكل ده وعلى فكره اقتصاديا وعلى الورق معظم المصنعين اليابانيين مبيكسبوس مقارنه بباقي صانعي العالم كنت بحس وانا بتعامل معاهم ان هامه اسم ماركة بلده قبل اي مكسب

أتفق معاك
ممكن تضيف برضه الألمان و السوايده لموضوع الجودة ده، حاجة تعقد