انا محتار سيفك ولا سيتى

[amr_naser]

انا فى حيرة
اشترى سيفك اول فئة ولا اشترى سيتى فول ؟
طبعا جديد
ارجو الافادة

[محمد مجدي محمد]

انا شايف ان السيفيك مستوي اعلي من السيتي
مع ان مش عاجبني اوي شكل السيفيك الجديدة و عاجبني السيتي و لكن الحكاية دية ازواق

[amr_naser]

انا شايف ان السيفيك مستوي اعلي من السيتي
مع ان مش عاجبني اوي شكل السيفيك الجديدة و عاجبني السيتي و لكن الحكاية دية ازواق

فعلا عندك حق الشكل الجديد مش حلو للاسف دا اللى قبلة اجمل بكتير

[M2014]

السلام عليكم
الرابط المُرفق تفضَّل به زميلنا الغالى بالمنتدى ( ma7dy ) حيث يُقدِّم هوندا سيتى ٢٠١٥ موديل EX مع الأخذ فى الإعتبار أن موديل EX بتوكيل هوندا إيچيبت بدون إمكانية مرايات ضم كهرباء و أيضاً معلومة هامة بخصوص تركيب لوحة المرور الخلفية أوصى بعدم تركيب الصاجة الإضافية لأنها ثقيلة على الشنطة و تجعلها تسقط بسرعة شديدة تُعرِّض الأيدى للخطر و أوصى بتركيبها فى التوكيل حيث يقومون بتركيبها مباشرةً و بدقة على الشنطة دون تخريم ، و للمزيد من المعلومات يرجى التفضَّل بالإتصال بالرقم المختصر للتوكيل و هو ١٩٨١١ و دائماً و أبداً مفتاح الخير و التوفيق يكون صلاة الإستخارة و التوكُّل على الله سبحانه و تعالى .
خالص تحياتى

http://www.nilemotors.net/Nile/446506-a.html#post3875801249

[M2014]

حازت سيارة هوندا فيت لقب سيارة العام فى امريكا مقابل المال فى فئة الهاتش باك حسب تصنيف موقع يو اس نيوز و يبدأ سعرها من 15.500 دولار

Best Cars for the Money Awards 2015 | U.S. News Best Cars

تأتى السياره بموتور L15b ايرث دريم بقوة 130 حصان و عزم 155 ن م , و معدل انضغاط 11.5:1
بمعدل استهلاك 4 لتر بنزين لكل 53 كم مدينه و 65 كم طريق سريع مع الفتيس cvt
السياره موجوده فى مصر و لكن بالنسخه الصالون منها تحت اسم سيتى بموتور L15a و بقوة 118 حصان و عزم 145 ن م و معدل انضغاط 10.4:1

[eng_Bondo2]

سبحان الله انا برضو لسه كنت بافكر ومحتار وبافكر اعمل موضوع اسأل نفس السؤال !

يعنى فعلا شكل السيتى الجديده أحلى من شكل السيفيك الخارجى ، لكن السيفيك اعتقد أشيك من الداخل.

لكن لو اخترت السيتى ممكن ادلع نفسى واجيب الهاي لاين ، بس لو جبت السيفيك حاجيب اول فئه .

أحد العوامل اللى سمعتها وضايقتنى ان السيتى تجميع تايلاندى لكن السيفيك يابانى ( مش متأكد من المعلومه صراحه فلو حد عنده معلومات أكثر يساعدنا )

هو عدم انتشار السيتى رغم كل المميزات اللى فيها أمر مريب برضه !

[M2014]

السلام عليكم
هناك ميزة نسبية لهوندا سيتى و هى أنها تجميع تايلاندى و هى نفس بلد تجميع و مواصفات و شكل هوندا سيتى فى مصر و دول الخليج ، على عكس سيڤيك تجميع تركى فى مصر و تجميع أمريكى فى دول الخليج و الذى أدى إلى إختلاف الشكل و بعض المواصفات و الكماليات حسب تجميع السيارة سيڤيك حتى لنفس موديل سنة الصنع و ذلك بدايةً من ٢٠١٣ .
و أرجو من حضراتكم تصحيح أو تأكيد معلوماتى المتواضعة .
خالص تحياتى للجميع

[S O P H O S]

السيتي جميلة
لكن اشتري السيفيك كرأي شخصي