civic 2015 .. زيارة الي فرع التجمع الخامس ..

[abo loka]

http://nileup.com/up/uploads/nilemotors_14241794461.jpeg

لسلام عليكم . .
ذهبت صباحا الي فرع هوندا التجمع الخامس cairo festival city mall
ركنت امام الفرع ...
طبعا فرع تويوتا مصر ملاصق لتوكيل هوندا .. تقريبا نفس قطعة الارض ... نفس اكشاك الامن .. نفس المظلات الخارجية .. نفس التصميم الداخلي للفرع
مما يؤكد الصلة المباشرة للشركتان ..
المهم دخلت الاول هوندا ... عارضين 2 سيفيك و 2 سيتي الجديدة
طبعا city مجهزة بكل شئ ماشاء الله حتي start engine & sensors & camera & electric folding mirrors
ملحوظة الcity كلها بدون فتحة سقف ..
نيجي للمهم civic 2015 ... اول حاجة تشدك الجنوط ... من بره و ميل العربية الي الامام
بالاضافة الي الواجهة الجديدة ...
ندخل جوه العربية ... هي هي نفس التصميم الخرافي الفضائي الاناني ( التابلوه كله للسائق فقط )
الخامات more rigid و ليست مطاطية .. مش هم بس كله بيوفر تقريبا ... بس جاذبية الinterior
تغنيك كثيرا عن خاماته ... طلبت المفتاح من showroom manager ليه بقي ؟؟
علشان اول ما هتحط المفتاح ... هذا المكوك الفضائي هينور standby كل شي
و تكتشف روعة شاشة ال i-mid.. و جمال rear camera ... و طبعا التحكم فيها من خلال الطارة المالتي
ندخل علي الفرش .. بصراحة مش قيم (قماش بيج عادي خالص) لا يقارن مثلا باقمشة البيجو 508
صحيح كله لون واحد بيج فاتح (تقريبا مش عازين وجع دماغ)
الجلوس في العربية خاصة السائق (من اجمل ما يكون) و قدامك كده طاره صغيره .. يا سلااام و عدادات digital
تحس انك بتلعب game ..
فتحت الشنطة ... محترمة و واسعة بس صباح البخل حاطين جنط عادي
تيجي تقفلها تحس بخفة وزن غطاء الشنطة في ايدك ...
بعد كده
روحت للاستاذ محمد محمود مدير المعرض 01006364958
السؤال الاول السعر بالضبط ... 220 الف
السؤال الثاني ينفع اركب الشاشة اللي في النص و اشيل الكاسيت .... اه ينفع بس ماانصحكش .. ليه!!؟
اول حاجة تمنها 6000 جنيه ... تاني حاجة هتلغي فاعلية bluetooth و فاعلية زراير المالتي في الدريكسيون
قولتله ايه الحل ؟؟ قالي الحل تكلم حد من دبي يجيبلك بتاعة السيفيك1800 cc ..بتركب عادي عندنا و كله بيشتغل ...
طبعا مردتش اقوله "ما تجبوها انتو"
ملحوظة " لو اي واحد من عشاق الهوندا الحقيقيون مسك التوكيل هيخليها رقم واحد مبيعات"
السؤال التالت .. عايز اعمل test drive للعربية دلوقتي حالا
رفع التليفون و كلم واحد و قاله حضر عربية التست حالا و هاتلي سواق بالمفتاح علي المكتب للباشا ...
5 دقايق لقيت المفتاح في ايدي (بالمناسبة المفتاح شكله يقرف و يكسف عامل زي المسمار)
المهم فتحت و دورت لقيت لمبة الcool منورة خضراء ... و السواق قاعد جنبي ... قولت استني لما تطفي و الrpm ينزل شوية
5 دقايق و لسه منوره ... قولتله بقولك ايه ... قالي اطلع اطلع يا باشا ...
قصدت امشي اتجاه غلط علشان اجيب reverse ...
ماشاء الله سحب قوي ... عفشة محترمة ... رؤية الطريق محترمة جدا جدا ... صوت الموتور هادي جدا .. رغم ان دي عربية تست
للاسف مفيش ولا مطب عشوائي و لا حفرة ولا بلاعة الواحد كان عايز يلبس في اي حاجة ...
رجعناها و دخلت للمدير سلمت عليه و اخر سؤال ... كان صادم !! انتو ولا تويوتا ؟؟
قالي الحقيقة احنا ولاد عم ... تشتري هوندا .. تويوتا مش فارقة ....
يتبع

[abo loka]

قالي مشكلتنا الوحيدة هي الresale
الشعب كله وضع قانون و مشي عليه ...
بالمناسبة كان في 2 في الصيانة الدورية واحد سيتي و واحد سيفيك
عملت فيها مذيع... بتاع السيتي قال افضل توكيل اتعاملت معاه (غريبة صح ... مع ان اغلب الناس هنا بتقول عكس ذلك)
ممكن يكون كان معاه بيجو و لا سيترون قبل كده.
بتاع السيفيك .. قال دي افضل عربية 1600 في مصر ... و انه مش عايزها تنتشر اصلا
علشان يفضل متميز ... بص الدماغ المتكلفة !!!

[khaled_afandy]

طب السعر بقى كام؟ شكلا المازدا 3 أفضل و أيضا فى الفبنيش الداخلى، موضوعا (الميكانيكا خاصة الموتور) السيفيك تتفوق

[swimmer25]

3 أسئلة
1- هو مش السعر كان 217...إيه موضوع ال 220 ؟
2- إيه موضوع الشاشة؟ مش موجودة في معظم الموديلات في الخليج
3- ليه الإستبن حديد في ال vti .. مفيش سيفيك برا في الخليج فيها جنط حديد إستبن لو الجنوط إسبور .. العالم دي بتسرقنا..من أول ال EXI فيها إستبن سبور

[abo loka]

3 أسئلة
1- هو مش السعر كان 217...إيه موضوع ال 220 ؟
2- إيه موضوع الشاشة؟ مش موجودة في معظم الموديلات في الخليج
3- ليه الإستبن حديد في ال vti .. مفيش سيفيك برا في الخليج فيها جنط حديد إستبن لو الجنوط إسبور .. العالم دي بتسرقنا..من أول ال EXI فيها إستبن سبور

السعر للاسف 220 .. و هو الاستبن كده للاسف
و الشاشة للاسف option

[JapRuleZ]

بس البيزلاين حلوة بردو
لسه ب 200 ؟

[swimmer25]

السعر للاسف 220 .. و هو الاستبن كده للاسف
و الشاشة للاسف option

هو كله للأسف هههههه .. مفيش حاجة في مصر...ياسلام الإستبن سبور وياسلام نزلوها 215 تاني وياسلام وكمان فيها شاشة تاتش
الحمد لله على كل شئ..مش مشتريها خليها تصدي عندهم ولا هي ولا صاحبتها الكورولا عندا في الفطيم لحد ما يكون توكيل راقي شوية وينزل اللي بتنزل برا مش كفاية متأخرين عن برا 3 سنين

[swimmer25]

بس البيزلاين حلوة بردو
لسه ب 200 ؟

200 وبيزلاين
هو فيه حد يدفع 200 ألف وياخد عربية بجنوط حديد وبدون أي أوبشن
ده مفيش عربية في مصر وصلت 200 فيما فوق ويمكن أقل من 200 كمان وفيها جنط حديد
على إيه ؟ من الإقبال عليها !

[zrzr1]

مفيش صور يا باشا ينوبك ثواب

[JapRuleZ]

200 وبيزلاين
هو فيه حد يدفع 200 ألف وياخد عربية بجنوط حديد وبدون أي أوبشن
ده مفيش عربية في مصر وصلت 200 فيما فوق ويمكن أقل من 200 كمان وفيها جنط حديد
على إيه ؟ من الإقبال عليها !

البيزلاين مواصفتها مش قليله
و هيا وجهات نظر ... فى ناس بتحب تعمل customization للعربية عشان تبقى فريدة من نوعها و فى ناس بتحب الدلع جاهز .... انا شايف الافضل طالما دخلت فى فئة 220 الف و ما فوق يبقى زود حاحه بسيطه و يبقى دخلنا ف ال 508 و الفئة دى

[amr_naser]

ههههههههههههههه احلى حاجة موضوع للاسف
والحقيقة ان للاسف احنا فى مصر
وللاسف فية جمارك وضرايب على السيارات بشكل مبالغ فية
ودا اللى مخلى عربية موديل اكبر منى ب 50 سنة لسة ماشية فى الشارع وعاملة مبلغ كمان
وللاسف منتجات هوندا غالية وعشان هى مميزة مش قادرة تديك كل اللى نفسك فية زى برة مصر لان وقتها سعرها حيكون مبلغ طائل وعشان كدة التوكيل مظلوم معاها واذا كان فية مصنع بيقفل فى مصر سعرها حينزل وجودتها كمان
بس عاوز الحق تستاهل كل قرش بيدفع فيها مش زى غيرها

[swimmer25]

البيزلاين مواصفتها مش قليله
و هيا وجهات نظر ... فى ناس بتحب تعمل customization للعربية عشان تبقى فريدة من نوعها و فى ناس بتحب الدلع جاهز .... انا شايف الافضل طالما دخلت فى فئة 220 الف و ما فوق يبقى زود حاحه بسيطه و يبقى دخلنا ف ال 508 و الفئة دى

هي الإمبريزا الإستبن بتاعها سبور؟

[Hosam_Optrawy]

18-2-2015
Price Update
CIVIC LXI 2014 195,500 L.E
CIVIC LXI 2015 208,000 L.E
CIVIC VTI 2015 225,000 L.E

[Dr_Moustafa]

طب واسعار الـ city إيه ؟

[JapRuleZ]

18-2-2015
Price Update
CIVIC LXI 2014 195,500 L.E
CIVIC LXI 2015 208,000 L.E
CIVIC VTI 2015 225,000 L.E

ايه فرق ال 2015 عن ال 2014 Lxi