كام سؤال عالسريع...سيفيك 2008

[Moh.Farouk]

بعد اذنكم كنت عاوز اسأل كام سؤال عالسريع واتمني الاقي اجابات عندكم..اسألتي بخصوص هوندا سيفيك 2008:



1- ايه الحاجات اللى ممكن تحس بيها فى العربية لما تبقي محتاجة تغير بلي وسير مجموعة...هلى صوت الموتور بيعلى ولا لأ...حد ممكن يفيدنا بالبارت نمبر يتاعهم لأني ممكن اجيبهم من برة مع شوية حاجات صغيرة تانية وعاوز اتأكد قبل ما اشترى؟

2- هل التوكيل او موزعيه المعتمدين بيبيعوا Touch Up Paint Pens ولا لأ...دى اقرب حاجة للون العربية الاصلى واللى ممكن يتداوى بيها الخدوش البسيطة بدون رش العربية...موجودة برة باسعار معقولة جدا(هوندا اصلي) لدرجة اني بفكر اجيبها اجربها على عربيتي ولو كانت ناجحة اجيبها بشكل تجارى بعدها..ده طبعا بفرض انها مش متوفرة فى السوق او متوفرة بسعر مبالغ فيه..

3- الجزء اللى الشماسة بتتثبت فيه عندى مكسور فى الجانبين...هل ممكن الاقيه متوفر هنا فى مصر ولا لازم اشوفه برة كالعادة؟

و لكم جزيل الشكر

[SAMEH_FOUAD]

سير مجموع مالوش اعراض , بيتقطع مرة واحدة

بلية الشداد , عندك هتلاقى الماتور فى اول الدوارة خصوصا , هتسمع صوت خشونة

بالنسبة للبارت نمبر , انزل عند اى محل وخد منة رقم القطة اللى انت عايزها هيكون اضمنلك وافضلك

* ممكن تسأل فى التوكيل على القلم , هما ممكن يوفرة ليك بس اكيد بسعر اغلى

* دور عليها استيراد ان شاء الله ممكن تلاقيها

[Moh.Farouk]

شكرا ياسامح...انا فعلا بسمع صوت خشونة بس مش بشكل دائم..لو الجو بارد بسمعه..لو الجو دافى مش بسمعه..العربية عاملة 112 الف كيلو وغالبا المفروض السير والبلى يتغير...كل مافيها اني لقيت سعر البلى والسير الاصليين تقريبا نص سعرهم فى مصر...مع الشحن والجمرك ممكن يوصل ل70% من سعرهم في مصر...ده بالاضافة لشوية حاجات صغيرة زى اقلام معالجة الخدوش دى..الكلبسات بتاعة الشماسة ...وحتى كاوتشة المساحات الاصلية اللى بتتباع عند مجدى الدسوقى ب220 للاتنين في حين انه برة سعرهم 100 جنيه قبل الشحن والجمرك!!