وظيفة وضبط حساس فى سيفك 2001

[amr_naser]

السلام عليكم
ازيكم يا شباب
الحساس رقم 5 فى اللينك دا وظيفتة اية وازاى يتظبط يعنى هو فية مسمار بيتحرك يمين وشمال مع التحريك دا امتى اعرف ان دا المستوى المطلوب
48parts.com: Honda parts reference

[amr_naser]

بما ان المشاهدات وصل اكتر من 60 ومفيش حد عرف دا وظيفتة اية اقول لكم على ما وصلت له من خلال البحث
اولا الحساس دا موجود فى الموديلات :
90-2002 اكورد
2001-2005 سيفك
1999-2005 hr-v
1995-2001 اوديسى
1992-2001 برليود
وظيفة الحساس
الحساس دا الهدف منه التحكم فى خليط البنزين مع الهواء
فية غطاء بيتفك تلاقى مسمار بيلف يمين ويلف شمال كل ما لفيتة يمين يزود خليط البنزين يعنى كمية البنزين تزيد فى الخليط (خليط غنى )
الحساس دا موجود فى السيارات اللى لا يوجد بها حساس اكسجين (برضة فى اقاويل بتقول ان الحساس دا بيكون فى السيارات اللى مفيش فيها علبة بيئة
كود الحساس دا 11
طريقة ظبطة وضع السيارة على جهاز قياس العادم وتحريك المسمار للوضع الامثل
ختاما المعلومات عن الحساس دا قليلة جدا ومش واضحة بس انا زودتة لاقصى درجة وفعلا لقيت بنزين نى بيخرج من الشكمان كأن الاحتراق مش كويس وعملت ريست وبرضة نفس الوضع
فى حالة انى نزلتة للاخر بلاحظ اهتزاز فى المحرك وفى كل الاحوال الار بى ام ثابت لا بينزل ولا بيزيد واعتقد ان حساس الايدل هو اللى بيتحكم فى الموضوع دا رغم انى بحس بإختلاف بسيط فى صوت المحرك

[refaat78]

يعني نخليه في النص ولا نعكل ايه بالظبط.. وايه سبب انك بتلعب في وضعه اصلا

[amr_naser]

يعني نخليه في النص ولا نعكل ايه بالظبط.. وايه سبب انك بتلعب في وضعه اصلا

لا انصح انك تلعب فية خالص وانا عملت كدة غلطة حب استطلاع بقى وكدة ومغلبنى لحد دلوقتى مش عارف اية احسن ظبطة لة يا ريت لو حد عندة صورة له وهو مظبوط ينزلها