ازاى نخلى عربية موديل 1993 تستهلك بنزين زى الكتالوج بيقول

[sniperegypt]

ازاى نخلي العربية استاندر بمعنى ازاى نخلى عربية موديل 1993 تستهلك بنزين زى الكتالوج بيقول

فى المدينة : 7.5 لتر لكل 100 كيلو

* فى الهاى واى : 5.8 لتر لكل 100 كيلو

* متوسط استهلاك الوقود : 7.3 لتر لكل 100 كيلو

تم تعديل العنوان
م ب 3

[Zing0]

عاوز تخلى العربية إستاندرد يبقى تشترى عربية زيرو
من سنة 93 لحد 2015 أكيد العربية إتعمل فيها تغييرات مقصودة و غير مقصودة
يعنى لو الكربراتير أو الإنجكشن إتفك قبل كده ...... شكراً
لو جابت لاقدر الله جوان وش سلندر و الوش أتكشط .......... شكراً
الموبينه بتضعف مع الوقت و البوجيهات و أسلاك البوجيهات و الفلاتر .... كل ده بيأكل بنزين
مجارى المياه و الزيت اللى جوه المكنة نفسها مش بنفس إتساعها و أكيد أتراكم عليها رواسب كتير مهما حاولنا تنضيفها مش هتبقى 100%

يعنى موضوع إستاندرد مش هينفع
ضيف لده بقى حاجات مش فى حساباتنا
الكتالوج بيديك رقم للإستهلاك و هو مثبت باقى العوامل
يعنى لما يقولك جوه المدينة مقالش إن المدينة دى القاهرة بزحمتها و مطباتها و بلاعتها و كباريها و أنفاقها و قرفها و خنقة الناس فيها.

فيه حاجات تقلل بيها الإستهلاك بس مش هيبقى إستاندرد يعنى
===================================
ممكن متشغلش التكييف (و ده مستحيل فى الحر ده)
التاكيهات أو الكستبانات لازم تكون عالشعرة زى مقال الكتالوج
و تضبط هوا الكاوتشات ديجيتال و ترصص
و تفضى الشنطة
تقفل الشبابيك لو على طريق سريع
طبعاً بعد متضبط الحاجات اللى فوق (فلاتر و تنضيف كربراتير أو أنجكشن و ضبطه و بوجيهات و .....)