ليه السيفيك مبالغ في سعرها؟ و هل تستحق السعر ده ام لا؟

[SeaShark]

انا محتار ما بين السيفيك و السوبارو امبريزا

السيفيك هايلاين ب ٢٢٥٠٠٠ ومفيهاش ولا مرايات ضم ولا فرش جلد!

عربية بالسعر ده و فرش قماش ازاي مش عارف طيب يا اما يرخصوها شوية او يزودوا الكماليات

الامبريزا عربية awd و خاماتها من الداخل احسن من السيفيك بكتير و فرش جلد و ارخص من السيفيك الهاي لاين ب ٢٥٠٠٠

الاتنين من الناحية الفنية و الميكانيكية كويسين

[م أحمد]

ليه السيفيك مبالغ في سعرها؟

ليه الكورولا مبالغ في سعرها؟

اسئلة كترت اليومين دول و المشكلة اللى بنحسها على بطىء دلوقتى ضياع قيمة الجنيه مش فى العربيات

[AhmedFarhan]

انا زيك بالظبط بس قررت سيفيك ان شاءالله

[hugan]

ياريت علي كده بتبيع

[miam0502788391]

لأن لو نزل ليها مرايات ضم وفرش جلد هيزودها مش اقل من 3 - 5 الاف جنيه وده هيجعلها فى موقف حرج فى المنافسة امام السيارات الاخرى زى الكورولا مثلا اللى اعلى فئة بحوالى 215-219 الف

[Mohamed Zahran]

رأيي إن أحسن عربيه في السوق في فئتها هي السيفيك, متعه قيادة الهوندا حاجه تانيه, أنا بس مستني ينزلوا موديل 2016 وحجيبها علي طول بإذن الله

[banzai]

بدون افتاء منى و بعد التأكيد على ان كل العربيات فى مصر اغلى من تمنها كتير جدا و ان الفطيم بينزلها هنا بأوبشنات اقل و بيستفاد بفرق السعر

فى شوية حاجات فى التكنولوجى و الاعتماديه اعتقد انها فى صالح السيفيك
مثلا السيفيك محركها فيه كامه واحده sohc , انا معرفش فى كام عربيه اقتصاديه بكامه واحده بس كورولا و كيا و هيونداى و نيسان و رينو كل دول 2 كامه dohc , عامة قطع اقل فى المحرك يعنى مشاكل اقل
محرك السيفيك فيه oil squirters , piston cooling jets حاجات بتحافظ على تبريد اكتر للبساتم و بتطول عمره , كمان البساتم عليها مادة molybdenum disulfide و دى مضاده للاكسده و الاحماض حسب ما قريت فى ويكى ده غير انها متينه و منخفضة الاحتكاك , حاجات بتطول العمر الافتراضى و الاعتماديه و قلة مصاريف الصيانه
عجلة القياده فى السيفيك ذات قطر اقل من الكورولا و ده بيخليها رشيقه و فيها مرونه اكثر فى المناوره و المنحنيات
على كل الاحوال العربيه حتى عالميا اغلى من الكورولا 1500 دولار , و العربيه هتتغير تماما فى الجيل العاشر سواء شاسيه او محرك او انتيريورز او فتيس و متوقع اول ظهور له فى خريف 2015

[Mohamed Zahran]

بدون افتاء منى و بعد التأكيد على ان كل العربيات فى مصر اغلى من تمنها كتير جدا و ان الفطيم بينزلها هنا بأوبشنات اقل و بيستفاد بفرق السعر

فى شوية حاجات فى التكنولوجى و الاعتماديه اعتقد انها فى صالح السيفيك
مثلا السيفيك محركها فيه كامه واحده sohc , انا معرفش فى كام عربيه اقتصاديه بكامه واحده بس كورولا و كيا و هيونداى و نيسان و رينو كل دول 2 كامه dohc , عامة قطع اقل فى المحرك يعنى مشاكل اقل
محرك السيفيك فيه oil squirters , piston cooling jets حاجات بتحافظ على تبريد اكتر للبساتم و بتطول عمره , كمان البساتم عليها مادة molybdenum disulfide و دى مضاده للاكسده و الاحماض حسب ما قريت فى ويكى ده غير انها متينه و منخفضة الاحتكاك , حاجات بتطول العمر الافتراضى و الاعتماديه و قلة مصاريف الصيانه
عجلة القياده فى السيفيك ذات قطر اقل من الكورولا و ده بيخليها رشيقه و فيها مرونه اكثر فى المناوره و المنحنيات
على كل الاحوال العربيه حتى عالميا اغلى من الكورولا 1500 دولار , و العربيه هتتغير تماما فى الجيل العاشر سواء شاسيه او محرك او انتيريورز او فتيس و متوقع اول ظهور له فى خريف 2015

دي معلومه جديده بالنسبه لي, اللي أنا فاهمه من التوكيل إن موديل 2016 في السيفيك حينزل في مصر زي موديل 2015 بدون أي تغيير

[banzai]

دي معلومه جديده بالنسبه لي, اللي أنا فاهمه من التوكيل إن موديل 2016 في السيفيك حينزل في مصر زي موديل 2015 بدون أي تغيير

فى مصر يحيينا و يحييك ربنا

[akmm]

الهوندا سياره فوق الممتازه ..................... حتى مولدات الكهرباء ذات الماركه ممتازه وغاليه ..

[swimmer25]

متابع

[Hazem Rady]

انا فعلا نفسي اعرف ازاي العربية بتتسعر..!!!
العربية بتطلع من المصنع .. يضاف لسعرها تكاليف نقل + جمارك + ضرائب + هامش ربح الوكيل = السعر المعلن
ومع ذلك تلاقي العربية تغلي بالخمسة وستة الاف جنيه كل سنة..!! وتلاقي عربيتين من نفس بلد الاستيراد (تركيا غالبا) ومع ذلك كل واحدة بسعر مختلف تماما..!!
وبعدين لو سيارتين نفس الفئة تلاقيها في الاوروبي ارخص من الاسيوي مع ان الاسيوي ابعد في النقل واقل في تكاليف التصنيع وجودة الخامات اقل..!!
هل في حد ممكن يشرح لنا..؟؟؟

[ahmedwagdy03]

تقصد سيادتك 226000 جنية

جرب سيادتك تسوق سيفيك لمدة يوم و بعد كدة سوق سيراتو أو إلنترا أو كروز و جاوب على سؤالك .
بس وإنت بتجاوب ماتبصش للمرايات الضم و الكرسى الكهربا و الفرش .ركز على أداء السيارة .

[RedBull_30]

تقصد سيادتك 226000 جنية

جرب سيادتك تسوق سيفيك لمدة يوم و بعد كدة سوق سيراتو أو إلنترا أو كروز و جاوب على سؤالك .
بس وإنت بتجاوب ماتبصش للمرايات الضم و الكرسى الكهربا و الفرش .ركز على أداء السيارة .

صباح الخير
قليل اوي بيفكرو بالشكل اللي حضرتك شرحته و تسمحلي اضيف حاجة وهي الناس هتنظر ليا ازاي وانا سايق او مالك العربية وكمان الشيء المرعب وهو سرعة اعادة البيع والسعر..
تحس كده اننا بقينا نشتري العربية لواحد غيرك

[soltanfriend]

السيفيك عربيه ممتازة بس اجيبها بالسعر دا وتبيعها بكام
اللي يجيب الهوندا زيرو بالسعر واحد الناحيه المادية مش فارقه معاه
يعني معلش اللي ركب الهوندا وبيحلف بيها وباداءها ركب قبل كدا سيتروين c5
طيب اللي بيحط كل فلوسه في عربيه ب226 الف مش هايفكر في عربيه suv زي البيجو 3008
الهوندا كاداء ممتازه انما كخامات وصالون واوبشن تعتبر صفر في فئتها