مشكلة قبل وبعد تغيير الزيت

[SherifElRedey]

السلام عليكم اولا
وكل سنة وانتوا طيبيين وبخير ان شاء الله

انا معايا سيفيك 93 كربراتير الموضوع مش مشكله اوى بس امبارح روحت اغير زيت وكالعاده حطيت زيت موبيل وركنت العربية طول اليوم وجيت اطلع بيها النهارده وكانت على ال d مش d3 ولا 2 طبعا

فوجئت بقوة طلعة ماشفتهاش فى العربية من حوالى سنتين كده اللى هو من اول ما اشتريتها وكل مادوس العربية ما شاء الله مابتقولش لا لدرجة ان فيه واحد بتاع 318 موديل 2002 تقريبا سخن وطلعت منه برضه :d بس لاحظت انها بتحرق على غيار ومش بتنقل يعنى الار بى ام كان بيوصل معايا ل 5 وممكن 6 ومش بتنقل حتى لو رجلى خفيفة ع البنزين بس بعد ماجبت التانى وبعدين التالت ورجعت على ال d لقيتها بتنقل وكل حاجة رجعت لطبيعيتها والسحب رجع زى ماكان الاول

سؤالى بقى اللى ماعرفتش اكتبه فى العنوان :d

ايه اللى يخلى العربية ماتنقلش غيار كده وايه اللى اعمله علشان اخلى سحبها على طول عالى اوى كده زى ماحصل مع العلم انا ماغيرتش اى فلتر هو الزيت بس .

[SAMEH_FOUAD]

هية كل المشكلة انك حطيت زيت خفيف على المكنة , فخلى المكنة استجابتها اسرع وسلسة

فكل اللى عليك تعملة عشان تفضل بنفس الاداء , انك تحط دائما الزيت المناسب , تحافظ على تغير الفلاتر فى ميعادها , بنزين يكون كويس , تحافظ على زيت الفتيس انك تغيرة فى مواعيدة

موضوع ان العربية مبقتش بتنقل غير فى العالى حتى لو مريح رجلك , غالبا انت ممكن يكون عندك واير الكيك داون مشدود على اقصى حاجة , او علق عشان كدة فضل ماينقلش معاك الا عند 5 و 6 ار بى ام ’, ودة طبعا غلط على الماتور لو استمريت بالشكل دة كتير

[SherifElRedey]

موضوع الفتيس ده انا كنت فاهم انه نقص زيت لأنى لقيته ناقص واخويا زوده امبارح علشان يسافر بيها النهارده الساحل

طبعا ماحدش رد عليا هنا فا قلتله توكل وخليها على الله وسافر كان فضل ماشى بيها على 100 والار بى ام بيعلى ومافيش نقلات كان الفتيس بيحرق جامد على الغيارات نزل اسكندرية علشان يشوف المشكلة واحد قاله هافك الفتيس كله علشان يشوف ماله وهايتكلف 300 جنيه بس مافهمتش برضه ايه المشكله :(
وحسيت انه بيعمل عليه شغل

[borio1704]

احتمال كبير يكون فيه مشكلة كهربا او في الكنترول..

حسب وصفك.. الفتيس فاهم إنك معشق الوضع d3.. وبالتالي النقلة الرابعة ما بتجيش والسحب بقى أحسن.

ممكن يكون له علاقة بتغيير زيت الفتيس.. إنما زيت الموتور مالوش دخل.


...

[SherifElRedey]

هو حاليا شغال بحالات يعنى مرة ينقل اوتوماتك ومرة انقل غيار برجلى لما اشيل واحط رجلى
ودايما الاقيه معلق مش بينقل لوحده لما بركن العربية كذا ساعة واجى اركبها الاقيه بيحرق على غيار معين اياً كان
يبقى الموضوع ممكن يكون بسبب زيت الفتيس ؟

[SherifElRedey]

معلش يا رجالة انا بسأل كتير علشان مش عايز حد يعمل عليا شغل
قبل كده روحت اعمل صيانة عند مسعد وعادلى خلانى كعيت كع محترم

[engmesk3]

رايي الشخصي المتواضع انه زيت فيتيس ... غير الزيت كله .. حصل معايا قبل كده اني زودت الزيت .. كان atf بس كان نوع تاني .. العربية كانت تقعد فترة عشان تجيب التاني .. فضلت فترة لحد ما ظبطت .. نصيحة غير الزيت كله ..