انسب زيت لهوندا سيفيك 2008

[gogo510]

السلام عليكم

انا كنت حاطط زيت موبيل 5-50 والناس قالتلي دا كتير علي الموتور .. ناوي اغير الزيت الاسبوع ده وناوي اجيب كاسترول ايدج بس مش عارف اجيبه كام مع العلم العربيه عامله 120 الف كيلو

[SAMEH_FOUAD]

شيل الترا 5w-40

كاسترول ايدج 5w-40

هما دول افضل اتنين حتى الان

[gogo510]

5-40 مش قليل ؟؟ العربيه عامله 120 الف كم ومش عارف برضو اجيب ماجنيتك ولا ايدج؟؟ اهم حاجه يكون صوت الموتور يكون هااااادي

[borio1704]

أنسب زيت هو اللي مواصفاته تكون زي الكتالوج أو أحسن منه.

ارجع لكتالوج العربية وشوف هو طالب إيه.. وبعدين اشتري أي زيت يلبي متطلبات الكتالوج أيا كانت ماركته

تاني... اشتري أي زيت .. بشرط واحد.. تكون مواصفاته زي الكتالوج أو أحسن

ما ترتبطش بماركة... ولا حتى تجارب الآخرين.. مرجعك الوحيد هو الكتالوج.

لو الكتالوج مرشحلك أكتر من نوع شوف الأنسب حسب المتاح في السوق..

وحط في دماغك إن مواصفات الزيت ماهياش مجرد اللزوجة وبس... إنما فيه أكواد تانية بتتكتب على علبة الزيت ليها علاقة بمستوى جودته.. وهي دي اللي بتحدد بشكل أساسي إذا كان الزيت ده ينفع موتور عربيتك ولا ﻷ.

لو عايز تعرف ازاي تقرا الأكواد دي وازاي تختار الزيت المناسب لموتور عربيتك.. انصحك تقرا الموضوع ده

http://www.nilemotors.net/Nile/341680-a.html

...

[gogo510]

الكتالوج مكتوب فيه
ACEA A1/b1
ACEA a3/b3
ACEA A5/b5
Api : SL

[swimmer25]

أنسب زيت للهوندا 0w-30
فيه زيت هوندا وممكن كاسترول إيدج بس مش عارف فيه اللزوجة دي ولا لأ

[borio1704]

الكتالوج مكتوب فيه
ACEA A1/b1
ACEA a3/b3
ACEA A5/b5
Api : SL

تمام... دول اسمهم اكواد مستوى الخدمة Service Level

الأكواد دي مهمة جدا... وهي اللي بتفرق ما بين زيت والتاني.


بس اللزوجة إيه؟؟

خلي بالك إن اللزوجة تعتمد على الجو اللي العربية هتتساق فيه.. وفي أغلب الكتالوجات بيبقى فيه جدول أو رسمة بتحددلك اللزوجة المناسبة حسب درجة الحرارة .. وغالبا بيبقى عندك أكتر من درجة لزوجة تقدر تستخدمها.. ساعتها نشوف حالة الموتور .

لما نحدد اللزوجة المناسبة نشوف إيه الزيت المتوفر في السوق اللي تكون فيه مواصفات الكتالوج ( لزوجة + مستوى الجودة )


...