مشكلة تكييف سيفيك 92 si افيدوني

[mohamedgoda265]

السلام عليكم و رحمة الله و بركاته

التكييف عندي بقاله فترة في مشاكل و كل مرة اروح لحد بتاع تكيفات و للاسف مفيش فايدة مش بيبرد كويس اخر مرة بتاع التكيفات فك كل حاجة و قال الكمبرسور هو اللي مش تمام للاسف ملقتش الكمبرسور بتعاها ، من شوية سالت شركة تكيفات اسمها ساندن في المعادي قالي ممكن اغير عنده كمبرسور ساندن ب2500 شامل الكمبرسور و السربنتينة و الخراطيم و الفريون طبعا الرقم حاسس انه غالي و بعدين انا معرفش كفاءته ايه ياريت لو حد ليه تجربة او عنده معرفة يفيدني لاني محتاج التكييف ضروري
شكرااااااااااااا مقدما

[engmesk3]

لا غالي اوي ..
بص كلم اشرف البخاري اساله علي حاجة مستعمله سواء 92 او 97 ده برضه بيركب
لو مالقيتش كلم هيثم سركيس .. انا كنت سالته علي واحد 97 قاللي 650 بس ده كان في شهر 4 اللي فات
ممكن يزودوا شوية قليلين

[mohamedgoda265]

طب بتاع موديل 97 بيحتاج يتغيير السربنتينة و لا لا؟؟
وهل هو نفس القاعدة؟ ؟؟
الف شكر على الرد

[SAMEH_FOUAD]

كل اللى هتعملة انزل ياباشا الحرفيين , وهتجيب كباس تكييف 97 بالقاعدة بتاعتة وباللواكير , هيعمل 650 جنية

وهيتركب والدنيا هتبقى تمام ان شاء الله

عندك ( مسعد وعدلى - مجدى الدسوقى - زوزا - مشهور ) كل دول عندهم الكباس

[ahmdmego]

في ناس بتركب مروحة تانية من برة قدام السربنتينة