واخيرا مالتي فانكشن و dvd لهوندا سيتي 2009

[hitham_sh]

بعد رحله طويله من البحث والتجربه نجحت الحمد لله اني اركب مالتي فانكشن لعربيتي وكمان ركبت android dvd
هاحول الخص لكم كل الي عملته واديكم خلاصة التجارب الي عملتها والنتيجه الي وصلت ليها
الموضوع قسمين المالتي فانكشن حاجه وال dvd حاجه تانيه ملهمش علاقه ببعض يعني ممكن تركب المالتي فانكشن عادي ويشتغل على كاست العربيه عادي جدا مش لازم تركب dvd يعني علشان المالتي فانكشن يشتغل
طيب هبدا بالمالتي فانكشن
المالتي فانكشن كانت مشكلته الاساسيه ان العربيه اصلا مش مجهزه انه يركب وعلى فكره هوا هوا بتاع الهوندا سيفك فانا اشتريت المالتي فانكشن من على امزون الي هوا ده
51r53P6x9EL._SL1197_.jpg
وكان تقريبا سعره بعد الشحن والجمارك 450 جنيه
طيب نرجع بقه لمشكلة ان العربيه مش مجهزه اصلا انه يركب كان حل الموضوع ده اني اغير داير الطاره بتاع العربيه لان الداير الاصلي بتاع العربيه مجهز انه ينقل كهربة للكلاكس فقط وكان شكله كده
01.jpg
02.jpg
وزي ما انتم ملاحظين في الصوره ان مكان الفيشه بتاعته فيها سنتين بس الي ناقلين كهربا للكلاكس مش اكتر
وده وظيفتو انو ينقل كهربا من قبل الطاره لبعد الطاره على شكل شريط بيلف يمين وشمال مع الطاره
المهم غيرتو وجبت داير طاره مجهز انه ينقل المالتي فانكشن والكلاكس ومثبت السرعه وكان شكله كده
03.jpg
04.jpg
وجبته من موقع على اكسبريس وكلفني تقريبا 430 جنيه بالشحن والجمارك
وبكده حلينا جزء من المشكله فاضل ان الفيشه الي هتركب فيه من الناحيه التانيه مفيهاش غير سلكتين بس
حليتها باني حشرت سلك في الفيشه في الاماكن الفاضيه بعد ما عملت اختبار بلمبة علشان اعرف انا محتاج انهي سنون من الفيشه الي في الداير الي بتنقل كهربا للمالتي فانكشن واكتشفت اني محتاج بالزبط 3 سلوك واحد هيروح للكاسيت وواحد هيروح لنور الواطي علشان تنور مع النور الواطي وواحد ارضي
الارضي بسيطه والنور الواطي بسيطه
المشكله في السلك الي هيروح للكاسيت هيروح فين في الكاسيت الحمد لله لقيت على ضهر الكاسيت خريطه للفيش بتاعته وعرفت منها المفروض السلك ده يوصل فين وصلت الوصلات وقفلت وركبت كل حاجه مكانها وجربت لقيت كله شغال الحمد لله وبنجاح تام

وبعدين رحت مركب android dvd جبته من على موقع على اكسبريس وده شكله بعد ما ركبته في عربيتي
20150823_114357.jpg
وبكده انتهى الموضوع وارجو اني اكون افدتكم بحاجه وشكرا

[SAMEH_FOUAD]

تقرير جميل ياباشا , والف مبروك على المالتى والandroid dvd

[hitham_sh]

تسلم يا باشا والله يبارك فيك تسلم

[mohamed_hamdi]

احترم جدا الشخصيات زي حضرتك ممن يستخدمون التفكير المنظم للوصول للهدف و مفيش حاجة مستحيلة أصلا و ان كنت اكثر تعجب من ثباتك النفسي و انت تقوم بالتعديل في السيارة بهذه الطريقة و بنفسك بدون اللجوء لفني محترف ينفذ لك المطلوب.

[hitham_sh]

اشكرك يا باشا ده كلام كبير هوا الموضوع بس شوية جراه ولو حصل حاجه برجع لنت واليوتيوب وكل مشكله وليها حل وسعات بلجا برضو لمكانيكي في حالات معينه زي لما جيت افك مسمار الطاره كان تقيل جدا ومعرفتش رحت لواحد قلتلو فكلي المسمار ده بس واديتو خمسه جنيه قعد يقولي ليه ومش عارف ايه قلتلو فكو وخلاص انا عايز افكه بس :)