هوندا سيتي 2016

[Ahmed_Ezz]

كنت عايز اعرف كل حاجه عن سيتي 2016 من ملاكها اخبار العربيه ايه و الصيانه و قطع الغيار و اعاده البيع يا ريت كل حاجه و لو فيه حاجه افضل منها في الفئه دي يا ريت و شكرا ليكم

[jalal]

هوندا سيتي

السلام عليكم
انا حتكلم عن تجربتي مع هوندا سيتي 2013 اشتريتها من سنتين بالظبط في الكويت
الحمد لله العربية تمام عزل وسحب وتكييف واعتمادية ناس اشترت معايا في نفس الوقت ماركات تانيه
اللي بدل كمبروسور التكييف واللي اشتكى من العفشة والعزل والسحب
انما هوندا الحمد لله لدلوقتي ما غيرتش اي حاجه بس زيت وفلتر عند السيرفيس
بالنسبة ل 2016 نفس الموتور بس الفتيس cvt وده موفر شوية في البنزين و انعم في النقلات
الابعاد في صالح 2016 في عرض العربية من ورا بنسبة بسيطة مع زيادة بعض الكماليات زي السنسور والشاشة وفتحة التكييف الخلفي
الخلاصة لو حضرتك عايز عربية اعتمادية و شيك وتكنولوجيا هي الهوندا سيتي
لكن لو بتفكر في سعر اعادة البيع و قطع الغيار واسعارها امشى ورا السوق في مصر
وروح اعمل تست درايف وشوف انت مرتاح للعربية ولا لأ
وربنا يوفقك

[Ahmed_Ezz]

شكرا ليك يا باشا يا ريت لو حد من هنا كمان جربهل يقولي الاخبار ايه

[kfarouk]

انا معايا سيتي 2013 هنا في مصر من سنه تقريبا و الحمد لله زي الفل و اتوقع ان ال 2016 حتكون افضل علشان الفيتيس السي في تي

[Ahmed_Ezz]

و بالنسبة لاعاده البيع بتخسر جامد و لا ماسكه نفسها