بفكر اشترى هوندا سيتى 2016 ايه رايكم

[melouk1]

حضرتك ممكن تكون شوفت كورولا كتير لان دي ثقافة شعب مش لانها كويسه .. زي الناس اللي بتقولك كورولا موديل ٢٠٠٥ ب ١٢٠ و هي متسواش غير ٦٥ الف و يبقى كتر خيرها
و زي البومة اللي ب ١٢٠ و ١٣٠ الف
الموضوع الناس معندهاش ثقافة في العربيات خالص وثقافتها من الميكانيكية !!! و قليل اللي فاهم

[محمد مجدي 22]

طب لو كان السيتي مثلا ب 140 الف مش كانت اكتسحت السوق
دية كانت مش هتخلي ولا عربية تتباع لكن 185 الف دية فئة تانية خالص

[melouk1]

انا معاك ان تسعير العربيات في مصر مجنون بس دي مشكلة عامة مش هوندا بس .. بس عارف انا ركبت ألماني كتير و ياياني كتير
بجد والله الهوندا زي الألماني في فئتها بمواتير أقوى عدا التربو وانا معاك ان ١٨٥ الف غالي بس ده المتاح في مصر

[mezo_88]

فعلا مينفعش نقارن السيتى بالكورولا لأن دى فئة و دى فئة بس انا من النوع الميال للسيتى للأسباب كتير
تانى نقطة و هى التسعير كل العربيات فى مصر سياسة التسعير بتاعتها زفت لما تبقى الأكسنت الهاى لاين ب 159 يبقى الهوندا تستحق الهاى لاين ب 185
نقطة انها مش منتشرة عشان ثقافة شعب مش اكتر اننا نشترى العربية المنتشرة حتى لو وحشة
ان العربية مش بالأوبشنز لأ انا الأوبشنز مهمة بس تكون من ماركة محترمة زى هوندا

[Mohamed esam]

انت بتقول اي كلام اولا...ثانيا الكورولا متتركبش غير هايلاين ...ثالثا السيتي واسعه من جوه جدا و الشنطه كذلك ..رابعا اداءها احسن بكتييير من الكورولا..اخيرا انا مش راكب هوندا اصلا عشان محدش يفتكر اني متحيز..ده تقييمي بناءا علي التست درايف اللي عملتو و عربيات صحابي الركت معاهم.

[Mohamed esam]

مع احترامي للهوندا كعربيه أعلي من التويوتا بس مينفعش نقارن السيتي بالكورولا لأن الكورولا تتقارن بالسيفيك

ليه عيب ولا ايه؟ :]

مش عايزين نخش في قصة b segment w c segment و دي 1500 لكن دي 1600

في الاخر في عناصر اهم في المقارنات اهمها القيمه مقابل الامكانيات.

[swimmer25]

جنوط وكمان استبن سبور وزرار ستارت وسمارت كي دخول باللمس وجير سي في تي الجديد بشيفتات في الطارة وبلوتوث وكروز كنترول ومالتي في الطارة وفتحات تكييف خلفية وشنطة واسعة جدا وكنبة خلفية طي وحساسات ركن وشاشة dvd وموتور قوي و كل ده مع "هوندا"
وكل ده ب 186 ألف في التوكيل وبرا التوكيل أقل كمان
تمام التمام

[محمد مجدي 22]

انا بس عايز اقول حاجة انا معنديش تويوتا ولا عندي هوندا
بس انا عايز اقول علس حاجة علشان الناس متقولش اني متحيز للتويوتا
التويوتا لو عملنا مقارنة بينها و بين السيتي الكورولا تتفوق بمراحل لكن الكورولا و السيفيك
مفيش اصلا مقارنة ما بينهم السيفيك تتقارن بالسبورتاج بالاوكتافيا بالجيتا لانها فعلا من احسن العربيات
نصيحتي للاستاذ طارق بالسعر دة اشتري كورولا و نصيحة بلاش السيتي
لان الكورولا فئة و السيتي فئة و كمان هتاخد نفس مميزات السيتي ونفس الاداء ماعدا الوبشنز لكن الكورولا
هتتفوق ي انها اكبر و اعادة بيع احسن و قطع غيار رخيصة و موجودة في اي حتة و عربية حمالة اسية
لو بقي هنبص للاوبشنز يبقي اشتري byd l3 الجديدة مليانة اوبشنز
السيتي عربية ممتازة لكن سعرها مبالغ فية بزيادة و فئة اقل من الكورولا تعادل الياريس و الشارك

[mezo_88]

اولا انا مش مع حضرتك فى الكلام دا فعلا الكرولا فئة و السيتي فئة اصغر شوية و احنا دلوقتى بنقارن عربيتين يابنى فا فكرة ان الاوبشن مش مهمة لأ مهمة جدا فى حاجة اسمها القيمة مقابل الفلوس شوف دى هتديك ايه مقابل الفلوس اللي هتشتريها
السيتى تتفوق فى استهلاك بنزين و ابشن و شكل داخلى
الكرولا تتفوق فى الشكل الخارجى و ثبات اكتر من السيتى
هنا اللى بيشترى هيحدد ايه اللي هو محتاجه اكتر و هيتجه ليه
ثانيا قطع الغيار بالنسبة لقطع الغيار التوكيل بيوفر من الابرة للصاروخ و اي حاجة مش موجودة خلال اسبوع او اتنين يالكتير ووتكون متوفرة و انا من النوع اللي جربت قطع الغيار الاصلى و المضروب و اللي بيتباع فى الاسواق و بيتضحك علينا و بيتعبى فى علب الاصلي ... طول ما قطعة الغيار مش اصلي بتقصر من عمر العربية
اعادة البيع دى بقى المفروض مفكرش فيها لأنى بشترى عربية واتبسط بيها و متوقع تعيش معايا على الاقل 7 سنين و يمكن اللى بيركب هوندا مبينزلش منها قبل الفترة دي فاانا هشترى عربية اتبسك بيها مش اللي هيشتريها بعدي هيشتريها بكام

[mezo_88]

للعلم انا والدي معاه كرولا 2012 و كان معانا سيتى 2007 و حاليا بدل السيتى لوجان و انا لو معايا ثمن السيتى ال 185 الف هشتريها و انا مغمض