رجاء المساعدة اشتريت هوندا سيفك 93 و ارجو بعض النصائح

[فارس الواحة]

السلام عليكم : بفضل الله اشتريت هوندا سيفك 93 لى بعض الاستفسارات :
- رايكم فى هذه السيارة عموما ؟
- علامة هوندا الامامية مش موجوده و عاوز اجيب واحده بتيجى بكام وبتتلزق ازاى و عند مين ؟
- تربيط عافشة السيارة يتكلف كام .
- الافضل زيت كل الف كيلو ولا كل خمس الاف كيلو مع العلم انى عارف انها حسب نوع الزيت ؟
- غسل و تشحيم العافشة يتكلف كام ؟ وهل اللى بيربط العفشة هوا اللى بيشحمها ولا التشحيم فى المغسلة ؟

[Mohamed hazaa]

اسف على السؤال يا باشا بس ممكن اعرف جيبتها على كام و اوتو ولا مانيوال
بس هى سيارة قوية و اعتمادية جدا و موتورها الsi سريع جدا و سريع الاستجابة جدا بينتج حوالى من 130 ل137 حصان العربية جميلة ربنا يباركلك فيها شرط ان تكون حالتها #جيدة

[SAMEH_FOUAD]

السلام عليكم : بفضل الله اشتريت هوندا سيفك 93 لى بعض الاستفسارات :
- رايكم فى هذه السيارة عموما ؟
- علامة هوندا الامامية مش موجوده و عاوز اجيب واحده بتيجى بكام وبتتلزق ازاى و عند مين ؟
- تربيط عافشة السيارة يتكلف كام .
- الافضل زيت كل الف كيلو ولا كل خمس الاف كيلو مع العلم انى عارف انها حسب نوع الزيت ؟
- غسل و تشحيم العافشة يتكلف كام ؟ وهل اللى بيربط العفشة هوا اللى بيشحمها ولا التشحيم فى المغسلة ؟

ربنا يباركلك فيها ويديك خيرها ويكفيك شرها

ممتازة , اهم حاجة تكون جايبها نظيفة عشان تتمتع صح بركوبة الهوندا

علامة الهوندا اصلية ب 50 جنية وهاى كوبى نظيفة ب 20 جنية وتقليد تعبان ب 7 جنية , وهية بتتلزق ياباشا ممكن تشوف اى صورة عربية هوندا اصلية عشان تعرف تحديدا مكانها فين وتلزقها بنفسك مش محتاجة حد

مافيش حاجة فى الهوندا اسمها تربيط عفشة , لو العفشة عندك تمام مش هتتفك ان شاء الله , ولو عايز يبقى كل 30 الف وتكلفتة مش بتعدى ال 20 جنية

زيت الماتور على حسب حالة المحرك , عموما لو المحرك بتاعك حالتة كويسة , يبقى هتحط زيت بلزوجة
10w-40 ممكن تجيب كاسترول ماجنيتك - ممتاز جداا بس غالى ب 270 جنية
وممكن تجيب مانول 10w-40 ب 150 جنية كويس بردة

ولا تغسل ولا تشحم عفشة مافيش حاجة اسمها كدة لان اى حاجة هتتعمل من دول هتلم تراب وتبوظ العفشة بسرعة

[فارس الواحة]

ربنا يباركلك فيها ويديك خيرها ويكفيك شرها


علامة الهوندا اصلية ب 50 جنية و.......

بارك الله فيك ، حد يحب يضيف حاجه