لو سمحتم عاوز اشتري عربي ستي ٢٠٠٦ وناس كتير بتقولي بلاش

[mody_moka2]

عاوز اعرف
قطع غيارها موجودة جديدة واستراد ومنتشرة ولا صعبة
قوة السحب للموتور بتاعها
اسعار قطع الغيار الدورية
وشكرا جدا ليكم

[ma7dy]

انا معايا سيتي ٢٠٠٦ و حاقولك راي عن تجربة

١- للاوتوماتيك الاستب ترونيك ، زيت الفتيس و انت بتغيره لازم يكون الاصلي، لو غيرت بحاجة تانية ممكن يسخن الفتيس و يبوظ. و انت بتشتريها اتاكد من ده عشان متضطرش تغير الفتيس.

٢- جميع قطع الغيار اللي احتاجتها في ٩ سنين لاقيتها بدون مشاكل ماعدا اكسسورات بسيطة ، جبتها من بره

٣- قوة سحب الموتور ممتازة حتي مع التكييف، الكيك داون بتاعها رائع. فيا كذا عربية في اسكندرية بشوفهم في التوكيل عاملين ٤٠٠،٠٠٠ كم و ماشين في الشارع وحوش ... الهوندا موتور.

٤- فيها ABS , و صدقني ديه ميزة كبيرة في شوارعنا المليانة رملة، انقذني اكتر من مرة.

٥- مش حاقدر افيدك في موضوع الاستيراد ، بس سمعت ان قطع الاستيراد موجودة.

٦- طبعا عشان تبيعها تاني سوقها صعب ، بس اول ما تجربها مش حتحاج غيرها.

[wahid 1127]

انا من هواة تغيير العربيات بعد ما اشتريت هوندا سيتى 2008 مش ناوى اغيير غيير بهوندا سيتى احدث لاكن اركب عربية تانيية لا

[mody_moka2]

يعني قطع الغيار موجودة جديدة مفيش مشاكل
سواء اكسسوار او ميكانيكا
واسعاره اخبارها اية غالية اووووي ولا زي اي يباني

[wahid 1127]

موديل 2008 من 65 الف الى 75 حسب الحالة

والاتوماتيك اغلى 10 الاف

وقطع الغيار فى مجدى الدسوقى الحرفيين

بس انا باثق فى الوليد فى شارع السودان عند محطة مترو البحوث هو احسن اسعار

[mido_soliman]

انا معروض عليا سيتى ٢٠٠٧ ممكن اعرف الفتيس بتاعها اوتو عادى ولا cvt متشكر جدا مقدما

[SAMEH_FOUAD]

لو لقيت فى عصاية النقلات نقلة اسمها s يبقى كدة الفتيس دة cvt لانه بتكون اختصار sport mode مالقيتش يبقى فتيس اتوماتيك عادى

[hishamslm]

قدامي سيتي 2006 فابريكة بالكامل ماشية 150000 كم
فتيس اتوماتيك cvt
محتاج اعرف الاتي
ازاي اكشف على الفتيس وهل محتاج صيانه زي ما سمعت
مميزات وعيوب السيارة وثباتها على الطريق
السعر التقريبي للسيارة

[refaat78]

السيتي كلها لغاية موديل 2007 فتيس cvt وده اهم حاجه يتكشف عليها وتعرف صيانته كانت بتتعمل فين وازاي عشان لو اتحط زيت عادي بدل المخصوص بتاعها بيبوظ الفتيس