استفسارات هوندا سيفيك 93 ارجو الافادة ؟

[فارس الواحة]

- الموتور اثناء تسخين العربية لو دايرة و انا ممور و مش دايس بنزين وواقف بيكون فيه هزه بسيطة فى الموتور ايه الحل ؟
- لو زودت شوية على دواسة البنزين غصب عنى فى الغيار الاول أثناء رفع رجلى من الدبرياج عادى ؟ للعلم برفع رجلى بالراحة يعنى العربية مش بتنط لكن هل ده عادى ؟
- بسمع صوت من عفشة العربية اثناء المطبات على الهادى ، هل اربط العربية و اشحمها ولا اربطعا بس لان سمعت ان التشحيم غلط ؟
- مراية اليمين الزجاج بس مكسور هوا والدراع اللى بيحركها من جوا لكن هيكل المراية الخارجى سليم ايه الحل ؟
- اثناء دوس البنزين بحس الدواسه ناعمة قووى فى الاول و حساسة لاى لمسه و ده بيخلى العربية تنط ساعات فى الطلعه فى الغيار الاول ، هل ده لانى لسه بسوق جديد ولا ممكن تكون الدواسه ناعمة زيادة عن اللزوم و ممكن تتشد شوية (تنشف)
منتظر ردودكم بارك الله فيكم .

[SAMEH_FOUAD]

1- كدة هتلاقى عدد لفات المحرك واطية شوية عشان كدة الماتور عايز يعلى شوية

2- عادى مافيش اى مشكلة , بس انت كدة بتحرق بنزين على الفاضى , يعنى حاول تترجم دوسة البنزين لاداء ودة عن طريق انك زى ماهتزود بنزين ترفع دبرياج بدرجة كافية , لكن طول مانت دايس وبنزين ورجلك مش مرفوعة كويس من على الدبرياج يبقى كدة انت بتحرق على الفاضى وبتقصر عمر الاسطوانة

3- هتكشف على العفشة كلها وتشوف اية اللى محتاج يتغير طالما مش عارف مصدر الصوت منين , وقولتلك قبل كدة التشحيم ولا لية لزمة

4- للاسف هتغير المرايا كاملة اوفرلك واحسنلك , هية مش غالية هاتلك اتنين كهرباء ب 500 جنية واهم حاجة الضفيرة والزرار يكونوا معاها

5- دواسة البنزين ناعمة اصلا , لكن لازم تكون محكومة تحت رجلك يعنى ماتحسش ان البدال سايب , روح لميكانيكى خلية يراجعلك على السلك , ويكشفلك علية

[فارس الواحة]

1- كدة هتلاقى عدد لفات المحرك ......

مشكور يا غالى
- طيب المراية ممكن اسلك بيها ، بص انا جايب العربية كان صاحبها لازقها بسليكون على الوضع اللى يشوف بيها ، ممكن اعمل كدا مؤقتا ؟
- الموتور 1500 سى سى و حالته كويسه ، اشحن التكييف و اشغله عادى و لا هيأثر على الموتور ؟

[SAMEH_FOUAD]

تتغير ياباشا المرايا عشان مش هينفع معاها لزق
ولا غى تاثير على اى حاجة المحرك 1500 قوى لو معاك المحرك الاصلى بتاعها الكربراتير دة قوتة 105 حصان . اشحن التكييف وشغلى زى مانت عايز