بعد الكشف ف التوكيل.. مشكلة ضعف سحب الموتور

[issanasr]

السلام عليكم..
النهاردة كنت ف توكيل هوندا ابو رواش.. والتقرير طلع شوية ملاحظات اهمها ان الموتور سحبه ضعيف! ولما سالتهم هل ديه مشكلة ليها حل. قالولي لما نغير شوية الحاجات اللي طلعت ف التقرير مش هيبقي فيه مشكلة.. طبعا التقرير كان طويل ومش فاكر بصراحه غير انهم قالو ان العربيه عايزه يتغيرلها شوية حاجات لان الحاجات ديه مش اصليه! زيوت وسيور وتيل والذي منه..
السؤال يا جماعه.. هل مشكلة سحب الموتور ديه كبيره واخاف منها وهل فعلا هتتحل بعد ما نغير الحاجات الي قالو عليها؟؟
ملحوظه: العربيه موديل 2009 عامله 35 الف كيلو

[A.Saad]

ايه اللى اتكتب بالظبط ؟؟

هل انت غيرت سيور برة

هل قطع الغيار اللى كنت بتستخدمها اصلية ولا تقليد

[issanasr]

ايه اللى اتكتب بالظبط ؟؟

هل انت غيرت سيور برة

هل قطع الغيار اللى كنت بتستخدمها اصلية ولا تقليد

العربية مش بتاعتى انا كنت بكشف عليها علشان اشتريها.. بس التوكيل قال ان كل حاجة متغيره بره مش اصلية (سيور وزيت وبوجيهات)

[madooomad]

التوكيل عنده هيستوري للعربية ؟؟ ٣٥٠٠٠ كيلو دول قليلين اوي ... انا لو مكانك و العربية ملهاش هيستوري عندهم حتي معاد اخر صيانة وكانت وقتها عامله كام كيلو اقلق منها

[issanasr]

التوكيل عنده هيستوري للعربية ؟؟ ٣٥٠٠٠ كيلو دول قليلين اوي ... انا لو مكانك و العربية ملهاش هيستوري عندهم حتي معاد اخر صيانة وكانت وقتها عامله كام كيلو اقلق منها

ليها هيستورى واخر صيانه كانت عند ال 20 الف كيلو سنة 2011 بعد كده معملتش صيانة فى التوكيل

[issanasr]

ياجماعه انا صورت التقرير ورفعته.. ياريت تبصو عليه... وكنت عايز اعرف اسعار الحاجات ديه بره التوكيل تكلف كام؟ التوكيل بيقول تكلف 10 الف جنيه!! شكرا مقدما للمساعدة :)

[Ahmed emad has]

هوا ده التقرير اللي خارج من توكيل هوندا !!!!!!!


ده لو صبي سمكري هيكتب تقرير احسن من كده . ده مش تقرير ده مهزله ! السحب ضعيف ! حالة الموتور ويكتب السحب ضعيف ! يعني ايه السخب ضعيف اصلا !

المفروض يقيس كبس الموتور بالفدرة الحصانية عند كل الف ار بي ام من 1 ال 6 ويقارنوا بالنسب الاصليه للسيارة ويبحث عن موضع التهريب اللي حصل و يقيس عزمودوران الموتور علي كل غيار و يقارنوا بالقدر الحصانية لي الموتور . لكن هوا قالك السحب ضعيف !

حرام بجد حرام ان ده يبقي توكيل لعربية زي هوندا

[issanasr]

هوا ده التقرير اللي خارج من توكيل هوندا !!!!!!!


ده لو صبي سمكري هيكتب تقرير احسن من كده . ده مش تقرير ده مهزله ! السحب ضعيف ! حالة الموتور ويكتب السحب ضعيف ! يعني ايه السخب ضعيف اصلا !

المفروض يقيس كبس الموتور بالفدرة الحصانية عند كل الف ار بي ام من 1 ال 6 ويقارنوا بالنسب الاصليه للسيارة ويبحث عن موضع التهريب اللي حصل و يقيس عزمودوران الموتور علي كل غيار و يقارنوا بالقدر الحصانية لي الموتور . لكن هوا قالك السحب ضعيف !

حرام بجد حرام ان ده يبقي توكيل لعربية زي هوندا

والله انا استغربت زى حضرتك.. الغريبه لما كانو بيكشوفو سمكره كانو بيبصو كده من غير اى جهاز كشف! انا كنت قاعد فى الاستراحه وشايف كل حاجه

[mif]

والله انا استغربت زى حضرتك.. الغريبه لما كانو بيكشوفو سمكره كانو بيبصو كده من غير اى جهاز كشف! انا كنت قاعد فى الاستراحه وشايف كل حاجه

تقريبا عادي لانها بتبقى بالخبرة
المهم كاتبين فى التقرير ان العربية بالكشف بالجهاز مسجلة اعطال..... و مش كاتبين لا اكواد الاعطال ولا اماكنها و لا اسبابها و لا كيفية اصلاحها ..... مش غريبة دى

[issanasr]

تقريبا عادي لانها بتبقى بالخبرة
المهم كاتبين فى التقرير ان العربية بالكشف بالجهاز مسجلة اعطال..... و مش كاتبين لا اكواد الاعطال ولا اماكنها و لا اسبابها و لا كيفية اصلاحها ..... مش غريبة دى

واضح ان التقرير فعلا سيىء جدا.. لاني سالت فى النقطه ديه وقالولى انها ليها علاقة بالسوفت وير وان كان فيه errors وتم تصليحها
ياريت ياجماعه اللى عنده معلومه يفدنا بيها وله جزيل الشكر...

[melouk1]

باشا مترمي العربية دي وسيبك منها
من ٢٠١١ معملتش صيانة و ممكن العداد يكون ملعوب فيه
ومشكلة السحب دي ممكن يكون محطش ميه و الموتور سخن اكتر من مرة
حصلت في عربية هوندا اعرفها ٢٠٠٨
وموتورها مكتوم لحد دلوقتي
فسيبك منها مش من قلة العربيات

[issanasr]

باشا مترمي العربية دي وسيبك منها
من ٢٠١١ معملتش صيانة و ممكن العداد يكون ملعوب فيه
ومشكلة السحب دي ممكن يكون محطش ميه و الموتور سخن اكتر من مرة
حصلت في عربية هوندا اعرفها ٢٠٠٨
وموتورها مكتوم لحد دلوقتي
فسيبك منها مش من قلة العربيات

متفق معاك تماما.. شكرا لردك :)

[A.Saad]

melouk1 رأيه صح

[ahmad.hassan]

متفق مع الشباب.. سيبك منها