هوندا سيفيك 2009 ماشية 50 الف والباور فصل واللمبة منورة !!

[moh.gahmy]

السلام عليكم ورحمة الله وبركاته
لو سمحت محتاج المشورة من خبراء الهوندا
عربيتي سيفيك 2009 وماشية 50 الف
وعندي مشكلة ان الباور فصل مرة واحدة ولمبته منورة باستمرار
رحت لكهربائي ركبلي كتاوت علي كارته الباور واشتغل شوية وفصل تاني
ورحتله 3 مرات يعمله ويرجع تاني العيب
انا خايف اروح للتوكيل يقولي غير كارته وسمعت انها بتعمل 14 الف وحجات كده
ارجو المشورة لو في حد يعرف ورشة متخصصة في اسكندرية للهوندا يدلني عليها
او كهربائي يكون بيعرف يشتغل في الهوندا

شكرا مقدما

[shake]

متابع

[عم جحا]

سيدى العزيز سيارتك حديثة ومحترمة بين اقرانها من السيارات قبل ما تذهب بها الى كهربائى سيارات ربما يكون اكتشافه سبب العطل خاطئا وعند محاولته اصلاحه يزداد الامر سوءا ، اذهب بها للتوكيل الاصلى لها افضل لبيان سبب العطل اولا وما اذا كان يلزم لاصلاحه قطع غيار من عدمه ثانيا وتكلفتها ثالثا واذا كان سعرها غالى جدا بالنسبة لك فى هذه الحالة يمكنك شراؤها استيراد من احد تجار قطع الغيار المستوردة المشهود لهم بالكفاءة والامانة مع سماحه بفترة تجربة ، مع تمنياتى لك بالتوفيق ان شاء الله .

[moh.gahmy]

سيدى العزيز سيارتك حديثة ومحترمة بين اقرانها من السيارات قبل ما تذهب بها الى كهربائى سيارات ربما يكون اكتشافه سبب العطل خاطئا وعند محاولته اصلاحه يزداد الامر سوءا ، اذهب بها للتوكيل الاصلى لها افضل لبيان سبب العطل اولا وما اذا كان يلزم لاصلاحه قطع غيار من عدمه ثانيا وتكلفتها ثالثا واذا كان سعرها غالى جدا بالنسبة لك فى هذه الحالة يمكنك شراؤها استيراد من احد تجار قطع الغيار المستوردة المشهود لهم بالكفاءة والامانة مع سماحه بفترة تجربة ، مع تمنياتى لك بالتوفيق ان شاء الله .

شكرا لك اخي الكريم علي النصيحة

[SAMEH_FOUAD]

لازم التوكيل يبص عليها ضرورى , الباور كهرباء ولو لاقدر الله حصلت فية مشكلة .... ربنا يسترها

اطلع على التوكيل وان شاء الله تكون حاجة بسيطة

[moh.gahmy]

رحت التوكيل انهاردة وقالي العيب هيكون من الاسكترا او الكنترول ( كارته الباور)
الاولي سعرها 8165 والتانية 3670 ممكن احتاج الاسكترا بس وممكن احتاج الاتنين
طبعا قولتله شكرا ورجعت بظهري تاني
اللي عرفته بعد اللف علي كلم ورشة ان الاسكترا دي بتتصلح بيبقي العيب في الماتور بتاعها وبيتصلح من غير ما تتغير عادي
حد يعرف حد متخصص في تصلحيها ؟

[moh.gahmy]

التوكيل بيغير بس مبيصلحش حاجة
بس اتا اتاكدت من حد بتاع كارتات قالي الكنترول مفيهوش مشكلة عندك
يبقي العيب انحصر في الاسكترا بس وبدور علي حد يكون بيعرف يصلحها

[moh.gahmy]

التوكيل بيغير بس مبيصلحش حاجة
بس اتا اتاكدت من حد بتاع كارتات قالي الكنترول مفيهوش مشكلة عندك
يبقي العيب انحصر في الاسكترا بس وبدور علي حد يكون بيعرف يصلحها

[moh.gahmy]

الحمد لله تم حل المشكلة
السبب كان في ماتور وحساس الاسكاترا
غيرت الاتنين بالمصنعية في بورسعيد وكلفوني 1500 جنيه تقريباً

[shake]

الحمد لله