مقاس كاوتش جديد لهوندا سيتى 2016

[midofullmoon]

عايز اغير مقاس كاوتش لمقاس اعرض شوية
هو مقاسها اللى نازلة بيه 185/55/r16
وانا بفكر اغيره لــ 205/55/r16
هل ده مناسب ليها ولا ايه ؟؟؟ وايه هو المقاس المناسب ؟؟؟

[Egy_fan]

دور فى الكتالوج او كلم الوكيل و شوف اكبر مقاس كام. هو ليه حضرتك عايز تغبر الكاوتش. هى العربيه خفيفه؟؟

[Hosam_Optrawy]

ممكن 205/50 دا أقرب مقاس للأصلى

اما 205/55 هايعللى العربيه 1.1 سم وطول العجله الإجمالى هايزيد 2.2 سم ودا كتير وممكن تحك

[JapRuleZ]

انزل ل 50 طالما الكاوتش حلو و الجنط اصلى

[M2014]

السلام عليكم
نصيحة غالية سمعتها من أحد خبراء عالم السيارات وهو عدم تغيير مقاس الكاوتش أو نوع الچنط الخاص بفبريكة السيارة لدرجة أنه ينصح عند مرور فترة العمر الإفتراضي للكاوتش بالبحث عن نفس نوع كاوتش الفبريكة وأيضاً (النقشة) الخاصة بكاوتش الفبريكة وكل التفاصيل الخاصة بذلك .
التبرير لذلك هو أن إتزان السيارة وعزمها وإستجابة الفرامل والقراءة الصحيحة للسرعة من عداد السرعة تكون فى أعلى مستوياتها عند الإبقاء على كل مايخص كل (تفاصيل) بيانات كاوتش وچنوط فبريكة كل نوع من أنواع السيارات وعند الضرورة يتم الإستبدال بنفس كل تفاصيل البيانات وذلك للحفاظ على أداء السيارة وأمانها بشكل عام وأيضاً للحفاظ على قيمتها عند إعادة البيع بشكل خاص .
خالص تحياتى .

[swimmer25]

المظبوط أوي
205/50/16
أو
195/55/16