مقاس كاوتش هوندا سيتي 2012

[Migo123]

سلام عليكم يا شباب الهوندا
امبارح اضطريت اغير الكاوتش في العربية لان في فردتين اتقطعوا تماما من اسياخ حديد في الارض .... المهم لقيت المقاس اللي راكب 175/65/15 ..... ومحل الكاوتش اقترح المقاس 195/60/15 .... دخلت على النت لقيت الفرق 1.2 وده في حدود المسموح بيه ... فتوكلت على الله وركبته ... الغريب ان مع التجربه العربية بتعوم فوق ال 100 بصورة ملحوظة .... هو ده بسبب مقاس الكاوتش ولا صعب ؟!

[Hosam_Optrawy]

المقاس الجديد على العربيه حوالى 3 مللى حاجه بسيطه ماتفرقش اوى في الثبات

ممكن نوع الكاوتش ونقشته

[Migo123]

ميشلان انرجي ... اعتقد المفروض يضيف للثبات مش يقلله

هجرب اعمل رينجات للجنوط لا نها مش اصلية ... واشوف الزوايا

بس استبعد مقاس الكاوتش من المشكلة ؟!

[Hosam_Optrawy]

اه استبعده ، دا المفروض يزود الثبات لان ارتفاع العربيه مازادش كتير والعرض زاد 2 سم من 175 ل 195

شوف الزوايا ، الجنوط ، إتجاه الكاوتش

[swimmer25]

ألمشكلة في الكاوتش نفسه..ميشلان اينرجي زبالة مش بتاع ثبات..بتاع صوت واطي وسواقة هادية وإستهلاك بنزين أقل وهتلاقيه بيصفر كمان في المنعطفات

[M2014]

السلام عليكم
نصيحة غالية سمعتها من أحد خبراء عالم السيارات وهو عدم تغيير مقاس الكاوتش أو نوع الچنط الخاص بفبريكة السيارة لدرجة أنه ينصح عند مرور فترة العمر الإفتراضي للكاوتش بالبحث عن نفس نوع كاوتش الفبريكة وأيضاً (النقشة) الخاصة بكاوتش الفبريكة وكل التفاصيل الخاصة بذلك .
التبرير لذلك هو أن إتزان السيارة وعزمها وإستجابة الفرامل والقراءة الصحيحة للسرعة من عداد السرعة تكون فى أعلى مستوياتها عند الإبقاء على كل مايخص كل (تفاصيل) بيانات كاوتش وچنوط فبريكة كل نوع من أنواع السيارات وعند الضرورة يتم الإستبدال بنفس كل تفاصيل البيانات وذلك للحفاظ على أداء السيارة وأمانها بشكل عام وأيضاً للحفاظ على قيمتها عند إعادة البيع بشكل خاص .
خالص تحياتى .