حماية المستهلك يناشد ملاك هوندا سيتي الجديدة

[hosamfares]

كنت تواصلت مع حماية المستهلك و طلبوا مني مستندات و بعتها و ردوا عليا النهارده و سالوا ان كان التوكيل مدينا ضمان منفصل للكاوتش تبع وكيل بريدجستون قلتله محصلش
قالي مش هنقدر نعمل تحرك الا لما تكون شكوى عند كذا حد عنده نفس المشكلة في نفس الموديل ... دلوقتي كل اللي ظهر عنده بلالين او يعرف حد عنده نفس المشكلة يقوله ...
دلوقتي هتبعتوا ميل بالشكوى على ايميل حماية المستهلك
complaints@cpa.gov.eg
و يعمل attachment لصورة رخصة السيارة و فاتورة الشراء و فواتير الصيانة

الصيغة ممكن تكون
انا ملك هوندا سيتي هايلاين
-موديل :
-عدد الكيلومترات :
- المشكلة : ظهور بلالين جانبية في الاطارات (عدد 1 او 2 اطار , عدد الكيلوهات عند ظهور كل بالون )
بلغت توكيل هوندا فرع ....... و رد عليا مهندس الصيانة بأن لا ضمان على الكاوتش و لا يوجد حل سوى أنه يتعمل استبن او يتركب ورا او يشتري جديد ... و ليس من المنطقي اني اخاطر بحياة راكبي السيارة او اني اشتري اطار جديد كل 5 الاف كيلو لعدم قدرته على تحمل الطرق المصرية

نرجو حل المشكلة مع المئسؤول عن ذلك سواء توكيل هوندا او توكيل بريدجستون

نوع الاطار bridgestone turanze er370
مقاس 185/55r16 83H صناعة تايلاندي

الاسم :
رقم الموبايل :

[Mecha]

ازاي الوكيل يدي ضمان منفصل للكاوتش !!!
الفاتوره او عقد البيع مذكور فيه عدم ضمان الكاوتش؟؟
والتاني المهندس بيقول ركب التالف خلفي او استبن!!!
واضح محدش عارف وبيهبل
ابعت ايميل لهوندا لان ممكن الوكيل بعت فعلا وهياخد كاوتش ومش هيركبه بلاش.
الايميل يتبعت بالفن نمبر والحقيقه تتضح.

[pepo2011]

الكاوتش اساسا خارج الضمان

[Mecha]

الكاوتش اساسا خارج الضمان

منصوص علي ذلك فين ؟؟
ومعني كدا مفيش استبدال
وشكرا

[رامي مصطفى]

منصوص علي ذلك فين ؟؟
ومعني كدا مفيش استبدال
وشكرا

مافيش حد نص على ضمان للكاوتش دا حتى بتوع الكاوتش نفسهم بيقولك ضمان ضد عيب الصناعه ولما تحصل مشكله يقولك اكيد كلت مطب او نزلت في بلاعه ويخلع!!!!!
هل منطقي يدوا ضمان انهم يغيروا الكاوتش لما الكاوتش يعمل بلالين نتيجه اني نزلت في نقره ولا بلاعه مفتوحه دا انا كل مشيي يا اما خارج من نقره او نازل في بلاعه في طرق المحروسه
لازم يعترضوا

[Mecha]

مافيش حد نص على ضمان للكاوتش دا حتى بتوع الكاوتش نفسهم بيقولك ضمان ضد عيب الصناعه ولما تحصل مشكله يقولك اكيد كلت مطب او نزلت في بلاعه ويخلع!!!!!
هل منطقي يدوا ضمان انهم يغيروا الكاوتش لما الكاوتش يعمل بلالين نتيجه اني نزلت في نقره ولا بلاعه مفتوحه دا انا كل مشيي يا اما خارج من نقره او نازل في بلاعه في طرق المحروسه
لازم يعترضوا

طب لما هما عارفين طرق المحروصه ماندله بنيله نزلوا الكاوتش الفافي دا ليه !!!!.مجبوش فرد لادا ولا نسر بقياقيب.

[hosamfares]

انا بعد المشكلة دي بقيت مهتم جدا بالبحث في الاطارات و طول ما انا ماشي بابص على اطاراات العربيات
اللود load ده عامل مهم جدا مرتبط بقوة تحمل الاطار لوزن العربية و حمولتها من اشخاص او متاع
طب لما العربية وزنها زاد عن الاجيال السابقة لهوندا سيتي
و لما يكون كل العربيات المقاربة ليها في الوزن كل اطاراتهم لا يقل اللود عن 88 مثلا
ليه يعتبروا انها فيات او فيرنا مثلا و يحطوا كاوتش ال load فيه 83 يعني يا دوب

يبقى المهندس صاحب اختيار الكاوتش ده تحديدا للعربية أخطأ خطأ فادح
مش مسألة بقى انه يقول حفرة او نقرة ...
و المطلوب يصلحوا غلطتهم و يستفيدوا منها ... بدل العند و المكابرة و فقد سمعتهم من محبي هوندا
ده هينزل من اسهمهم و اسهم بريدجستون

[Colin Chapman]

tires without air

انا بعد المشكلة دي بقيت مهتم جدا بالبحث في الاطارات و طول ما انا ماشي بابص على اطاراات العربيات
اللود load ده عامل مهم جدا مرتبط بقوة تحمل الاطار لوزن العربية و حمولتها من اشخاص او متاع
طب لما العربية وزنها زاد عن الاجيال السابقة لهوندا سيتي
و لما يكون كل العربيات المقاربة ليها في الوزن كل اطاراتهم لا يقل اللود عن 88 مثلا
ليه يعتبروا انها فيات او فيرنا مثلا و يحطوا كاوتش ال load فيه 83 يعني يا دوب

يبقى المهندس صاحب اختيار الكاوتش ده تحديدا للعربية أخطأ خطأ فادح
مش مسألة بقى انه يقول حفرة او نقرة ...
و المطلوب يصلحوا غلطتهم و يستفيدوا منها ... بدل العند و المكابرة و فقد سمعتهم من محبي هوندا
ده هينزل من اسهمهم و اسهم بريدجستون

Tires containing the TIREBALLS tire protection protection system safely allows your off road rescue vehicles to run with lower air

https://www.youtube.com/watch?v=3DB9vdUpZ1k

[Mohamed Desoky]

السلام عليكم ورحمة الله وبركاته تسلم ايدك ياكولن بس هل التعديلات فى الكاوتش دى تتبع شركات الكاوتش وله ده فكر افراد بيوجده حلول تمشى العربيه موقت ممكن توضيح وشكرا ليك

[Colin Chapman]

سيادتك عندك استعداد كبير لتلقى المعلومات وبفهم ووعى عالى لو نتواصل على الخاص هقدر اوص

السلام عليكم ورحمة الله وبركاته تسلم ايدك ياكولن بس هل التعديلات فى الكاوتش دى تتبع شركات الكاوتش وله ده فكر افراد بيوجده حلول تمشى العربيه موقت ممكن توضيح وشكرا ليك

فى ده وفى ده يعنى فى شركات طرحت الاطار فى الاسواق زى ميشلين وبريدجستون وفى ناس عملت حلول للطوارىء وغالبا للاستعمالات الحربية والجيش
سيادتك عندك استعداد كبير لتلقى المعلومات وبفهم ووعى عالى لو نتواصل على الخاص هقدر اوصل لك معلومات كتير



حضرتك قولت قبل كده انك اشتغلت ميكانيكى فترة طويلة!

[hosamfares]

تم لقاء بيني و بين مسؤولي هوندا في حماية المستهلك حيث تم إقرار ان ضمان السيارة يشمل الإطارات و هم مسوؤلين عن تغييره في حالة ثبوت وجود عيب في الإطار بما أنه اختار الشركة المصنعة للسيارة إذا فيجب أن يتم تبديله بمعرفة وكيل السيارة إلى أن يتوقف ظهور العيب
و سيتم حل المشكلة بإذن الله بالتعاون مع بريدجستون التي أبدا استعدادا للتعاون حرصا على رضا عملاء مستخدمي إطارات بريدجستون

و سنوافيكم بالتطورات ان شاء الله
حتى يطمئن ملاك هوندا سيتي الحاليين أو المقدمين على شراء السيارة بعد حل عيب الإطارات ان شاء الله

[hosamfares]

منصوص علي ذلك فين ؟؟
ومعني كدا مفيش استبدال
وشكرا

كده حماية المستهلك أقر أنه في حالة وجود عيب بالإطار يؤدي إلى فشلها و ظهور البلالين و تكرر ظهور المشكلة مع اكثر من مالك فجيب ان يبدله الوكيل بإطار لا تظهر به المشكلة
و أثبت بوضوح أن ضمان السيارة يشمل الإطار و كل جزء في السيارة لأنهم ببساطة لا يستشيرون المالك في الإطار الذي يفضله فلو أظهر عيوبا فهو مسؤولية صانه السيارة ووكيلها في مصر

[رامي مصطفى]

كده حماية المستهلك أقر أنه في حالة وجود عيب بالإطار يؤدي إلى فشلها و ظهور البلالين و تكرر ظهور المشكلة مع اكثر من مالك فجيب ان يبدله الوكيل بإطار لا تظهر به المشكلة
و أثبت بوضوح أن ضمان السيارة يشمل الإطار و كل جزء في السيارة لأنهم ببساطة لا يستشيرون المالك في الإطار الذي يفضله فلو أظهر عيوبا فهو مسؤولية صانه السيارة ووكيلها في مصر

ربنا يوفقك
بس هوا انا لو اخدت نقره وحصل بلونه في الكاوتش ده يبأى عيب كاوتش
او بمعنى اخر هتثبت ازاي ان العيب ده ظهر عندك نتيجه عيب في الكاوتش مش نقر او بلاعات

[hosamfares]

ربنا يوفقك
بس هوا انا لو اخدت نقره وحصل بلونه في الكاوتش ده يبأى عيب كاوتش
او بمعنى اخر هتثبت ازاي ان العيب ده ظهر عندك نتيجه عيب في الكاوتش مش نقر او بلاعات

لما تلاقي ان كذا كاوتش و عدد كبير من ملاك نفس العربية ظهر عنده نفس الشئ يبقى في حاجة غلط ... و طالما ان مفيش حادثه و الجنط سليم يعني مش نزلت في حفرة مثلا يبقى الكاوتش غير مناسب لمواصفات العربية و الطرق المصرية