دربكة ورعشة في الطلوع من الثبات سيفيك 92 اتوماتيك

[engmesk3]

ازيكم يا رجالة

انا عندي صوت دربكة في العربية وانا طالع مثلا من مطب واجي ادوس بنزين اسمع صوت دربكة وكان العربية بتجري في المكان ! مع العلم ان العربية اتوماتيك..

لو حايلتها ودوست سنة سنة بالتدريج ممكن مايحصلش انما لو دوست شوية زيادة اسمع دربكة في الكبوت ورعشة

حد عنده تفسير ايه اللي بيحصل وليه؟

[Mecha]

شوف عمودين الكوبلن

[pepo2011]

الكبالن
او القاعدة

[ahmedabeed]

احتمال كبير قواعد ماتور

[engmesk3]

الكبالن انا لسه مركبلها كاوتشات وكاشف عليها
وما اعتقدش انها قواعد موتور لاني برضه كاشف عليها من قريب وحالتها 90%

اعتقد انها حاجة في الجيربوكس او الفتيس .. بس مش قادر احددها
او يمكن محتاج تغيير زيت؟

[Mecha]

انهي كوبلن كشفت عليه داخلي ولا خارجي
واللي جمعهم ربط كويس وتيل
وقواعد الفتيس شافهم ولا قواعد المكنه بس

[engmesk3]

انا كشفت ع الكبالن في الناحيتين داخلي وخارجي
وقواعد الفتيس حالتها كويسة ولو فيها مشكلة هتعمل دربكة بس مش هتاثر ع السحب
انا بقولكم العربية كانها بتجري في مكانها

انا بخمن معاكم ان ممكن تكون الكبالن مش بايتة مكانها؟! بس انا بتحرك بالعربية من اخر مرة عملت شغل في الكبالن من اسابيع وبلف الطارة علي اخرها يمين وشمال .. فلو الكوبلن مالص كان هيخرج والعربية هتقف .. بس هيا ماشية!!!

[Mecha]

هترسي علي كبالن

[SAMEH_FOUAD]

فى المشى الطبيعى بتحس بحاجة ؟

[engmesk3]

ازيك يا سامح باشا
في الطبيعي من غير الطلوع من الثبات او بعد مطب الدنيا كويسة والغيارات بتنقل عادي ومفيش تفليت.

التفليت بيحصل لما ادوس علي دواسة البنزين شوية زيادة وانا واقف او وانا لسه معدي مطب.

انا اكدت ع الكبالن.. وجربت حاجة تانية اني اتحرك وانا علي الغيار 2 بدل ال d4 مالاقيتش فيه تفليت .. دماغي راحت علي طول ان فيه حاجة في الفيتيس.. لان الغيار 2 بيشغل العربية لحد الغيار التاني بس وال d4 بيشغلها كل الغيارات .. السؤال هو ليه العربية بتفلت وانا طالع من الثبات وانا علي d4 ومش بتعمل كده وانا علي 2 ؟

[SAMEH_FOUAD]

ممكن توضيخ لكملة " تفليت " تقصد بيها اية

[engmesk3]

عارف لما تكون ع المانيوال مدي الغيار الرابع وبتحاول تطلع من الثبات
تحس الموتور بيلف ع الفاضي لان الغيار ضعيف.. هو نفس الاحساس ده بالظبط

[engmesk3]

كنت شاكك ان فيه لغبطة في الغيارات فغيرت زيت بس برده المشكلة موجودة..
غالبا كده ورق الفتيس اللي جوه الكلتش التيل بتاعه اتاكل وعاوز يتغير
لو حد عنده فكرة الورق ده موجود فين ؟؟ وسعره اد ايه؟؟

[hondaman]

اولا ازيكم بقالى كتير مش بدخل لو حد فاكرنى هيعرف بس انا داخل عشان صاحب الموضوع وسامح
انا حصل معايا نفس الحركة دى ولو تعبيرى ادق بالنسبة لصاحب الموضوع اول لما بتطلع عادى فى الهادى العربية تمشى تمام تدوس شوية تلاقيها اترجت جامد وتحس انها زلزال فتسيب دواسة الاسكراتير ( بنزين ) وتدوس براحة تلاقيه طلعت وبتجرى وبتدى كيك داون شغالة عادى صح كدة ؟
ولو صح لحد كدة تسمحلى اكمل بقية الحوار
رحت انا مغير الزيت كلة ومغير كوبلن داخلى لو فاكرنى يا سامح كنت انت قايلى على ميكانيكى فى الحرفيين رحتلة بعد فترة
بطلع عادى وجيت ادوس لقيت الرجة وبعد كدة اختفت واكنى دايس على المووور وهيا واخدة d4 طب جبتها على d3 مشيت سنس وعملت نفس الحركة جالى جنان طبعا فى ساعتها جبت 2 لقيتها طلعت عادى انا يومها مكنتش اعرف الاتى فا مشيت على نفس الغيار لحد البيت
تانى يوم جيت اطلع بيها على d مفيش 2 طلعت تمشى شوية وانقل d3 او d4 الاقيها بتغير عادى وبتاخد كيك داون ومفيش مشكلة غير انها مش بتطلع الا على 2 ولو كنت على d ووقفت العربية خالص او هديت تحت خمسة كيلو متر يفصل الغيار
لكن فى مرة كنت بعمل عفشة وكنت واقف فى جراج نازل لتحت النزلة بتاعته صعبه ونا طالع كان فى تراب او زيت على المطلع فدوست الدواسة علقت (مشكلة سلك اسكراتير ملناش علاقة بيها دلوقتى اتحلت يعنى ) بس العربية عليت قوى وهيا واقفة المهم طلعتها جبت d4 لقيتها طلعت عادى بس ملحقتش اتهنى بيها فصلت بعد اول شارع ومازلت بعانى من نفس المشكلة ... كنت متابع موضوع السلونايد فالف وموصلتش لحاجة الزيت نضيف بلونة مش محروق ولا رغوة ولا اى كلام وكنت حكتلك الموضوع دة يا سامح ولحد انهاردة معملتهاش ماشى بيها زى ما حكيت وماشية عادى جدا ...... اسف على الاطالة انا بحكى التفصيل التفصيل و يارب تكون فاكرنى

[nazekbakr]

انا اكن عندي اما باجي اتحرك باحس ان العربية فى حاجة بتطقطق كده قدام وبحس بنطة فى النقلة وطبعا من التموير لل دي نتشة جامدة غيرت الكبالن الداخلية ظبطت اعتقد دي نفس الاعراض اللي عندك