Tweet
معايا هوندا 2009 لونها ازرق بقولو اسمه فياجرا تنصحوني اعمل فش جلد لونه ايه وعند مين وهل فيه فرش ممكن يتعمل لونين
-
-
اعذرني علي رايي يا فندم و دى مجرد نصيحه اخويهالمشاركة الأصلية كتبت بواسطة boodymoon مشاهدة المشاركة
حضرام هتلاقي صنايعيه كتير و كله هيطمع فيك الا من رحم ربي و هيطلبو ارقام فلكيه ف الفرش انا كنت زى حضرتك كده و الصنايعي المحترم ف شغله مش هيطلب اقل من 2000 جنيه اخدت بعضي و رحت التوفيقيه اشتريت انضف نوع جلد جاهز و كل الالوان موجوده و انضف خامه ب400 جنيه و 50 جنيه تركيب هايبقي زي التفصيل بالظبط و يمكن احسن كمان ع الاقل دا ممكن كل سنه تغيره باللون اللي تحبه و لو اتوسخ اوي تقدر تشيله خالص انما التفصيل يعني فلوس كتير و كمان عربيتك هتقف يوم بحاله عند الصنايعي و صدقني مش فارقه كتير عن الجاهز و برضو اللي هايركبلك الفرش الجاهز صنايعي يعني هيحبكه كويس و هيظبطه
وطبعا الاختيار لحضرتك بس فكر انك ب ال2000 جنيه تقدر تجيب خمس اللوان للفرش كل شهرين تغيره تخيل بقي و خامات محترمه جدااااااا و هاتركبه و انت متطمن ان الصنايعي ما ضحكش عليه ف الخامات
اتمني تتقبل مروري[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE] -
انا متشكر جدا علي سرعه الد بس انا جربت قبل كده الفرش اللءي بيتركب ده في الغلب اللي مركبهولي مكنش كويس كان كل شويه بيفك من مكانه وجاجه صعبه انا والله مستحرم الفلوس ديكلها في فرش والصنايعي اكيد هيضحك عليا عشان كدا كنت بسالالمشاركة الأصلية كتبت بواسطة dr.mero90 مشاهدة المشاركةComment
-
لا شكر علي واجب يا فندم حضرتك اسال علي احسن صنايعي و هات الفرش جاهز و خليه يركبه و ان شاء الله هيبقي احسن من المره اللي فاتت انا عندى فرش جاهز بس بنفس لون فرش الفبريكه و راكب عندي من اكتر من 4 سنين و الحمد لله ما اتفكش و مفيهوش غلطه لو حضرتك قريب من طنطا و تحب اجي معاك لاكتر من صنايعي و تشوف شغلهم و نتفق معاهم كمان انا تحت امرك انا اعرف ناس كتير و اللي حضرتك ترتاحله نعمل عنده انا تحت امركالمشاركة الأصلية كتبت بواسطة boodymoon مشاهدة المشاركة
و خلي بالك و انت بتركب الفرش ما تخليش الصبيان هما اللي يركبوه لانهم ف الغالب بيتعلمو ف العربيه و عشان كده تلاقي الفرش بيفك و بيبهدلك حضرتك طالما هتدفع فلوس يبقي من حقك سعاده الباشا الصنايعي هو اللي يركبلك الفرش و يا سلام بقي لو تديله علبه سجاير هيعمل معاك شغل زى العسل و يا سلام بقي لو تخليه يغسل الفرش القديم و تركب فرشك الجديد علي نضافه و تقعد تركز معاه و الحته اللي ما تعجبكاش خليه يفكه و يركبها علي مزاج حضرتك انا عن نفسي هاركب الفرش اللي انا جايبه من التوفيقيه يوم الاتنين ان شاء الله بروح للصنايعي الصبح بدرى اجيبله فطار و ساجاير و شاي و اسيبه يعمل دماغ و بعدين اطلع عينه ف العربيه ههههههههههههههه[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
-
اقول لحضرتك علي حاجه كوميديه لما رحت و سالت عشان نعمل الارضيه جلد لقيت الاسعار من 300 و انت طالع بصراحه استحرمت الفلوس رحت نازل شاري 4 متر جلد من افخم الانواع المتر ب 20 جنيه ههههههههه و جبت بيبه مقاس 14 و علبه كولا و رحت حالل كل الكراسي و الفيبر و فضيت العربيه و قعدت ارسم بالطباشير ع الجلد و اخدته للخياط خليته يقطع و يلحم زى الرسم بتاعي و ركبته انا بايدي طبعا ما غسلت الارضيه الموكيت القديمه و فرشت تحتها طبقه لباد كمان و كل ده كلفني 150 جنيه و خليت العربيه و لا سجاد النساجون الشرقيون ههههههههه كانها سجاد ايراني سعادتك و لا الحوجه للصنايعيه اصلا و كل ما اروح لصنايعي يسالني عامل الارضيه فين و مين الصنايعي اقوله انا اللي عاملها ما بيصدقوش ههههههههههه
اخوك قعد 3 ايام يشخبط ع الجلد بالطباشير عشان المقاسات بس الحمد لله بقت فلللللللللللله[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
-
نصيحه صغننه اتعلمتها و انا بشتري الجلد حضرتك تمسك حته منه و تكسرها علي نفسها كده و تقدر تعضها كمان لو ماكن الكسر عليم ف الجلد يبقي جلد ناشف و مش تمام لو الكسر ما علمش ف الجلد حاول تقطعه بايد و شده علي اخرك و ما تخافش الجلد الكويس بيبقي طري و تخين و مش بيقشر من الشمس دا علي حد علمي و الله اتمني حد يفيد حضرتك بمعلومات اكتر ازاى تختار الجلد المناسب و خلي بال حضرتك ف اختيار الالوان لو اخترت لون غامق اوي هيسخن ف ثانيه الا تلت لو العربيه وقفت ف الشمس و مش هتقدر تقعد عليه و هيبقي خطر جدا علي ضهرك خصوصا ف الحر مع العرق كمان و لو اختارت لون فاتح اوي هيبان فيه التراب و الوساخه بسرعه جدا عشان كده حاول تختار لون بين الاتنين
فيه ف الفرش الجاهز بيبقي كتان مكان الضهر ودا بتبقي مش محتاج عراقه للضهر و دا بيبقي كويس جدا جدا
دي حدود علمي المتواضع يا فندم كان نفسي اعرف اكتر من كده عشان افيدك و لو حضرتك استنين لحد يوم الاتنين هاروح اخلي الصنايعي يعترفلي ازاى بيختارو الجلد و اجي اقول لحضرتك[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
-
انا متشكر جدا علي المعلومات دي كلها ربنا يخليك وانا فب انتظارك يوم الاتنين ان شاء اللهComment
-
تصدق بالله انا وقفت عربيتي عند العفشجي و نزلت الف علي بتوع الجلد عشان حضرتك و عمال اسمع اسعار خرافيه اقلهم ١٥٠٠ و مش لاقي ولا واحد عنده جلد خامته حتي قريبه من اللي انا جبته من التوفيقيهالمشاركة الأصلية كتبت بواسطة boodymoon مشاهدة المشاركة
انا هاكلم واحد صاحبي و اخده نروح لواحده معرفته عشان استفسر منه و هقول لحضرتك[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
-
بص بقي الخلاصه من بؤق الصنايعي بعد محايله و سيجارتين رشوه اللون اللي يليق مع العربيه هو رصاصي مع اي لون تاني و بالنسبه لخامه الجلد نفسه اسال عن اعلا جلد ف السعر هو دا انضفهم لان ما حدش راضي يديني سر الصنعه
نفسي ارجع اخد منه السيجارتين بن الجزمه هههههههه[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
-
والله ما عرف اشكر حضرتك ازاي ربنا يجعله في ميزان حسناتك ان شاء الله انا هتوكل علي الله اعمله رصاصي في بيج رحت سالت عند وحد انهارده عندنا في بورسعيد اعد يحلفلي بالله ان الجلد اللي عنده خماته انضف ماللي فالتوفقيه هوا سعره من غير تركيب500 قاللي هتلي شكل التفصيله اللي تعجبك واللوجو اللي انتا عاوزه ووراني الراجل شغال بيحل الكراسي بره العربيه خالص عشان يركب وجربت موضوع الجلد تنيته كده بايدي معلمش ولاحاجه الراجل قعد يحلف انه جلد مش عارف ايه وكان افش يولع فيه البيعين في بورسعيد ليهم طعم مختلف كبComment
-
توكيل علي الله يا فندم ربنا يكون ف عونك و الله بس خليه ينضف الفرش اقديم و يركب علي نضافه كده عشان تبقي مبسوط و طالما انت مبسوط من شغله دي اهم حاجهالمشاركة الأصلية كتبت بواسطة boodymoon مشاهدة المشاركة
كان نفسي افيد حضرتك اكتر و الله بس انا لسه داخل البيت حالا طول النهار بلف عند الصنايعيه و حاجه ربنا ما يوريك من ععفشجي لكهربائي لكهربائي تاني عشان الشغل مش عاجبني و ف الاخر لقيت العربيه بتنزل زيت رحت جرى ع البنزينه قبل حتي ما اكمل شغل الكهربا عشان اعرف فيه ايه ف الزيت و الحمد لله ربنا ستر و مفيش حاجه حصلت اشتريت زيت موبيل من ابو 70 جنيه و غيرته مكان الزيت القديم اللي كان ناقص و مش عارف ليه و مستني بقي يوم الاتنين اروح للميكانيكي عشان نشوف موضوع الزيت و الفرامل اللي تقريبا مش موجوده و طول النهار و الله علي رجلي و مشاوير و حاجه ما يعلم بيها الا ربنا
بعتذر مره تانيه لو كنت اتاخرت ف اي رد علي حضرتك بس اتمني تعذرني[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
-
انا هقول لحضرتك طبعا عشان انا جبت الفرش من زمان اخدت الفرش و صاحبي للراجل المعرفه اللي قولت لحضرتك اني هساله و اخدت الكلام منه و نقلته لحضرتك و اتفقت معاه يوم الاتنين الساعه 9 الصبح هجيبله العربيه و يفك الفرش و ينضف الكراسي و السقف و الطابلوه و كل حاجه بس هو هياخد الكراسي ما عدا كرسي السواق عشان اودي العربيه للميكانيكي عشان نغير الزيوت و الفلاتر بتاع العربيه كلها و هياخد 150 جنيه ف كل ده ايه راي حضرتك
طبعا الاتفاق كان قبل ما الدنيا تتقلب علي دماغي و اكتشف ان العربيه مفيهاش فرامل و لا زيت ماتور[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
-
اتمني من ربنا ما حدش يشكرني ابدا لانكم كلكم علي راسي و انا حاسس بيكم عشان انا كمان لوحدي و مش لاقي حد اخد رايه
هنا لقيت اجدع اخوات ف الدنيا[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
-
و الله انا مش بشرك والله اني احبك في الله والله انت راجل محترم بمعني الكلمه واعزرني لو انا اللي بتاخر علي الرد وربنا يخليك يا ربComment
-
ربنا يبارك فيك و يعزك يا رب و الله انا اللي بحبكم ف الله ربنا يقدرني و اساعد كل حد محتاج مساعده ف حاجه من غير ما اضره او افتي ا اذيهالمشاركة الأصلية كتبت بواسطة boodymoon مشاهدة المشاركة[SIZE="5"][FONT="Franklin Gothic Medium"][COLOR="Red"]و لسوف يعطيك ربك فترضي[/COLOR][/FONT][/SIZE]Comment
Comment