هوندا ٢٠١٥/٢٠١٦ المعزولة عن العالم

[alaa82mohamad]

السلام عليكم
انا اشتريت مؤخرا سيفيك ٢٠١٥ مستعملة ،، و من يوم مستريتها و انا حاسس اني الوحيد اللي شاريها في مصر .. مفيش اي تفاعل عنها في الجروب هنا ولا حتي علي جروبات الفيس بوك .. مشكلةسيفيك قبل كده انها كانت غالية نسبيا .. بس بعد الاسعار الجنونية للسيراتو و اللانسر و الكورولا ،، انا شايف ان فرصة وجودها في السوق بقت قوية جدا
حد عارف هي ليه العربية مش منافسة للكورولا و السيراتو بعد زيادة اسعارهم
انا مشكلتي الوحيدة مع العربية هي عدم وجود باركينج سنسور علي الرغم من وجود كاميرا .. هل في حاجة تانية مضايقة الناس منها ؟

[bluemail]

عليكم السلام
اولا الف مبروك العربيه
ثانيا العربيه ما شاء الله من افضل ما يكون
المشكله بس ان العربيه قطع غيارها في التوكيل فقط وسعرها غالي حبتين
فالناس بتروح للي قطع غياره موجود ومنتشر في كل مكان بس

[alaa82mohamad]

عليكم السلام
اولا الف مبروك العربيه
ثانيا العربيه ما شاء الله من افضل ما يكون
المشكله بس ان العربيه قطع غيارها في التوكيل فقط وسعرها غالي حبتين
فالناس بتروح للي قطع غياره موجود ومنتشر في كل مكان بس

الله يبارك فيك
اغلب العربيات الجديدة دلوقتي التعامل بيبقي مع التوكيل علي الاقل لحد مالضمان بيخلص

[sherif_mahalla]

عربية محترمة
اصحابي اللي معاهم مبيشتكوش منها
بس هي سوقها في مصر محدود شوية
يمكن عشان قطع الغيار
بس أنا عن نفسي بحس إن ليها هيبة عالطريق

[alaa82mohamad]

عربية محترمة
اصحابي اللي معاهم مبيشتكوش منها
بس هي سوقها في مصر محدود شوية
يمكن عشان قطع الغيار
بس أنا عن نفسي بحس إن ليها هيبة عالطريق

بصراحة انا مسألتش علي اسعار قطع الغيار .. بس لما تبقي المساعدين الامامي للياريس بفوق ال ٢٠٠٠ جنيه في التوكيل .. يبقي كل محلص بعضه

[SAMEH_FOUAD]

سيارة محترمة جداااااااااا . تم معالجة كل مشاكل وعيوب الصناعة فى الجيل الثامن

يعيبها بس الخامات المصنوع منها التابلوة مش عادى هوندا انها تنزل تابلوة بلاستيك حتى لو خاماتة نظيفة , وتم تغيرة بالفعل برة لكن الفطيم فى مصر اكتفى بتعديل الوجهة الامامية فقط

عموما سيارة ممتازة افضل بمراحل من الالنترا والسيراتو حتى موديلات 2017 منها

[alaa82mohamad]

سيارة محترمة جداااااااااا . تم معالجة كل مشاكل وعيوب الصناعة فى الجيل الثامن

يعيبها بس الخامات المصنوع منها التابلوة مش عادى هوندا انها تنزل تابلوة بلاستيك حتى لو خاماتة نظيفة , وتم تغيرة بالفعل برة لكن الفطيم فى مصر اكتفى بتعديل الوجهة الامامية فقط

عموما سيارة ممتازة افضل بمراحل من الالنترا والسيراتو حتى موديلات 2017 منها

عندك حق ،، المشكلة الكبري فيها انها مفيهاش باركينج سنسور و اعتبروا ان الكامير كفاية
و حتي لو حبيت تركب باركينج سنسور في التوكيل حيطلك شاشة تعبانة علي التابلوه مش حيشغله علي الشاشة اللي فيها الكامير imid

[JapRuleZ]

ولا تزعل نفسك

https://www.facebook.com/groups/1237348776283010/

[alaa82mohamad]

ولا تزعل نفسك

https://www.facebook.com/groups/1237348776283010/

تسلم الايادي

[refaat78]

العربيه دي محترمه طبعا.. ومفيش مقارنه بينها وبين باقي العربيات اللي انت قلتها.. لكن عيبها الشكل من ورا رخم شويه.. والتابلوه البلاستيك..
لكن غير كده هي عربيه هايله.. وبالنسبة قطع الغيار فيه ناس عندها قطع غيار بره التوكيل طبعا
عندك رشيد في المهندسين عند سور نادي التوفيقية وده احسن من التوكيل بيع وصيانه.. وعندك توشكي في الحرفيين.. ومجدي دسوقي..

[mostafa53]

السلام عليكم ورحمة الله وبركاته
طبعا السيارة محترمة ولكن قلة انتشارها بسبب الشكل الخارجى الذى لم يعجب الكثيرين وارتفاع سعرها وغلاء قطع الغيار.

[hamsik303025]

ممكن اسال سؤال و اعذروني لجهلي الشديد عن السيفيك ال 2012 2013 تفرق ايه ف الشكل عن ال 2015 و سعرها يكون كام تقريبا و هل موتورها و ثباتها مرضين لشاب كان عايز e90 ?

[JapRuleZ]

ممكن اسال سؤال و اعذروني لجهلي الشديد عن السيفيك ال 2012 2013 تفرق ايه ف الشكل عن ال 2015 و سعرها يكون كام تقريبا و هل موتورها و ثباتها مرضين لشاب كان عايز e90 ?

ال e90 دفع خلفى
الجيل التاسع جر امامى

السبب الوحيد اللى يخليك تتخلى عن ال honda civic عشان ال e90 انك تكون ناوى تعمل drift
ك سحب عشان تحس انك متفوق بال bmw على ال honda محتاج ال 320i
اى حاجه تانيه فى صالح ال honda
روح توكيل التجمع و اعمل test drive ساعتها قرارك خيكون 100 100 هوندا

https://www.youtube.com/watch?v=OUts2C6NPuY

https://www.youtube.com/watch?v=-I0FOaUsnoI

[ahmedfair]

انا عندي مشكلة انهم شايلين اوبشنز كتير من العربية ... ان شايف عربية بالسعر ده (ساعت ما ان جبتها كانت أعلي اليباني والكوري) لازم يبقي فيها اوبشنز أكتر من كده ... حضرتك لو فتحت كاتالوج العربية حاتلاقي كم حاجات بتنرل برة اتشالت من العربية كتير جدا ... علي الأقل مرايات الضم و مكن رفع الإزاز و السمارت كي

[JapRuleZ]

انا عندي مشكلة انهم شايلين اوبشنز كتير من العربية ... ان شايف عربية بالسعر ده (ساعت ما ان جبتها كانت أعلي اليباني والكوري) لازم يبقي فيها اوبشنز أكتر من كده ... حضرتك لو فتحت كاتالوج العربية حاتلاقي كم حاجات بتنرل برة اتشالت من العربية كتير جدا ... علي الأقل مرايات الضم و مكن رفع الإزاز و السمارت كي

خلاص قدامك حل من الاتنين
تجيب العربيه و تركب الكماليات اللى تحبها
تضحى ب هوندا و تجيب حاجه كماليتها كتير زى الكورى و الصينى :)