استفسار بخصوص الهوندا ال hrv

[ehabomar1987]

السلام عليكم
هو فيه حد فى المنتدى معاه العربية ديه ومن ملاكها يقدر يقولى خبرته ومعرفته عنها لانى كنت بفكر اشتريها مستعملة بس عاوز اعرف مستوى السعر بتاعها ايه والصيانات وقطع الغيار متوفرة ولا قليلة والميكانيكية بتاعها وعيوب العربية ومميزتها واى تفاصيل تانية عن العربية واللى حابب يبعتلى رقمه وانا اكلمه استفسر منه عن العربية يكون افضل واسهل
وشكرا

[SAMEH_FOUAD]

السيارة كويسة جدا ( عالية عن الارض - اعطال قليلة - ناعمة - تسارع كويس الى حد ما - ثبات كويس فى الطريق المستقيم لسرعة 130 كم - لكن فى المناورات مانصحش اى حد يعمل بيها غرز او تغير حارات فجائية من اليمين للشمال لسرعات اعلى من 100 كم - فرامل كويسة جدا - تكييف كويس - استهلاك بنزين جيد )

قطع الغيار متوافرة ميكانيكا وعفشة تمام لكن الصاج غالى شوية والاكسسوراات والفوانيس ولازم تلف عليهم شوية لكن موجودة

سعر العربية على حسب الموديل يعنى لو موديل 2004-2005 اعلى فئة منها دلوقتى بتوصل 100-105 الف لو حالة نظيفة

اقل سعر ليها دلوقتى 85 الف جنية وهتسمعة لما تكون العربية عايزة مصاريف

[ehabomar1987]

شكرا على الرد وياريت لو حد عنده اى معلومات تانية يقولى لانى بفكر جديا فى الشراء