مساعدة في سيفيك ٢٠٠٩ vti

[mmelg505]

السلام عليكم ورحمه الله وبركاته
ربنا كرمني وانضميت لعائلة الهوندا وكان عندي استفسارات شريت العربية وفيها ملحوظات مش فاهمها اولا لمبة الدريكسيون مش بتنور ولما بمشي سرعة ١٢٠ مفيش اي انظار ولا صوت بالعداد والvsa علامتة مش موجودة في العادادات والمفتاح نفسة احيانا ينور واحيانا لا تقريبا لمبة او فيشة لكن المفروض يظهر تشيك علي العداد دي ممكن تكون اي مشكلتها ؟؟؟ وملحوظة كمان
العدادات بتظهر درجة الحرارة لكن مش بتظهر معدل الاستهلاك للبنزين هل لو غيرت العداد يظهر ولا اية المشكلة .اتمني تساعدوني لاني مش عارف اتصرف .مشكورين العربية vti1 الاصدار التركي

[SAMEH_FOUAD]

اولا الف مبروك رينا يديك خيرها ويكفيك شرها

بالنسبة للمبة الدركسيون يعنى هية مع فتحة الكونتاكت مش بتنور ؟ لان لو العربية ماشية طبيعى والدركسيون تمام معاك وبيتقل مع السرعات عادى كدة ممكن تكون اللمبة محروقة او مسجلة error وصاحب العربية قفلة من الكنترول عشان مايفضلش ظاهر فدية كدة لازم تتحط على جهاز كشف اعطال

* راجع صوت الزنان هو اللى بيعمل الصوت دة ممكن يكون فية مشكلة

* ال Vsa عندك لية زرار فى التابلوة على ايديك الشمال تقفلة منة لانة بيكون شغال على طول , لكن لو عايز تقفلة بتدوس علية وبيظهر فى التابلوة ان ال vsa مقفول لكن لو شوية يظهر وشوية يختفى لأ يبقى كدة لازم تراجع النظام على الجهاز

* دوس على زرار ال trip وشوف هيغير معاك عشان فية عربيات مش بينزل فيها معدل استهلاك البنزين
عموما انت لو فى القاهرة يبقى تتطلع على مركز محمد على فى المقطم اخر شارع 9 هيحطلك العربية على الجهاز ويقولك كل حاجة فيها

[mmelg505]

اولا الف مبروك رينا يديك خيرها ويكفيك شرها
الله يبارك فيك يارب

بالنسبة للمبة الدركسيون يعنى هية مع فتحة الكونتاكت مش بتنور ؟ لان لو العربية ماشية طبيعى والدركسيون تمام معاك وبيتقل مع السرعات عادى كدة ممكن تكون اللمبة محروقة او مسجلة error وصاحب العربية قفلة من الكنترول عشان مايفضلش ظاهر فدية كدة لازم تتحط على جهاز كشف اعطال
مع فاتحة الكونتاكت مش بتنور وانا فحصتها مفيش اي error

* راجع صوت الزنان هو اللى بيعمل الصوت دة ممكن يكون فية مشكلة
مفيش صوت للسرعة ولا لمبة بتنور حتي

* ال Vsa عندك لية زرار فى التابلوة على ايديك الشمال تقفلة منة لانة بيكون شغال على طول , لكن لو عايز تقفلة بتدوس علية وبيظهر فى التابلوة ان ال vsa مقفول لكن لو شوية يظهر وشوية يختفى لأ يبقى كدة لازم تراجع النظام على الجهاز
تمام العداد مش بيظهر فية اي علامات للvsa والزرار لايستجيب نهائي

* دوس على زرار ال trip وشوف هيغير معاك عشان فية عربيات مش بينزل فيها معدل استهلاك البنزين
طيب لو غيرت العداد ممكن تظهر الاستهلاك ولا لازم الكهرباء كلها.


عموما انت لو فى القاهرة يبقى تتطلع على مركز محمد على فى المقطم اخر شارع 9 هيحطلك العربية على الجهاز ويقولك كل حاجة فيها
ان شاء الله لما ارجع بس القاهرة لان حاليا بالسعودية.ومشكور جدااااا لردك ومساعدتك استاذي الكريم❤