استفسار بخصوص تعلية هوندا سيفيك 92 لانها واطية

[فارس الواحة]

السلام عليكم : رجاء يا أهل الخبرة أفيدونى
عندى مشكلة فى هوندا سيفيك 92 ، السيارة ارتفاعها عن الارض فى المعقول بس المشكلة انى لو حد ركب معايا ورا العربية بتوطى اوى رغم انى مركب علايات و بتحك فى المطبات ، والحكة دى بتأثر على الشكمان علطول كمان بتأثر على الكارتيرة و جسم العربية من تحت كله ،بحس العربية بتوطى اوى لو حد ركب ورا ، الميكانيكى اقترح انى اغير السوست الخلفية و أجيب سوست مقاس 13 يعنى اعرض من الحالية ، انا فعلا حاسس السوست دى ضعيفة ، و صاحبى بيقولى ركب سوست بيجو بتتحمل و مش هتوطى العربية لو حد ركب ورا ،
* انا عايز اعلى العربية ، بخصوص الثبات انا بحد الملفات على الهادى جدااا و اساسا فى قيادتى أخرى 85 حتى لو الطريق فاضى قدامى
المهم انا عايز اغير سوست العربية ففى كذا استفسار :
1- هل اجيب سوست استيراد ولا جديدة ؟ ايه أفضل نوع ؟
2- هل اركب نفس سوست العربية ولا اجيب مقاس اتخن شوية ؟
3- هل سوست البيجو تنفع ؟
4- السوست لو اطول من الحالية يبقى لازم اخرطها و اقصها ؟
5- لو حسيت المساعد مشدود و مفتوح قوى هل اركب تطويلة للمساعد ؟
* انا عايز اعلى العربية ، بخصوص الثبات انا بحد الملفات على الهادى جدااا و اساسا فى قيادتى أخرى 85 حتى لو الطريق فاضى قدامى

[SAMEH_FOUAD]

سوست خلفى 10 حلقات الاصلية بتاعتها + صدادة خلفية فى المساعد , وانسى العلايات وماتحطهاش تانى عشان تحافظ على الثبات , وطبعا كل دة يكون حالة المساعد نظيفة وجلب الركب
ريح نفسك انزل هاتلك جوز مساعدين استيراد بسوست 10 حلقات ب700 جنية وفكهم وركب فيهم صدادتين rbi تايلاندى جداد ب 90 جنية الاتنين وانسى اى حاجة

[فارس الواحة]

سوست خلفى 10 حلقات الاصلية بتاعتها + صدادة خلفية فى المساعد , وانسى العلايات وماتحطهاش تانى عشان تحافظ على الثبات , وطبعا كل دة يكون حالة المساعد نظيفة وجلب الركب
ريح نفسك انزل هاتلك جوز مساعدين استيراد بسوست 10 حلقات ب700 جنية وفكهم وركب فيهم صدادتين rbi تايلاندى جداد ب 90 جنية الاتنين وانسى اى حاجة

يعنى السوست اللى راكبة دلوقتى 10 برضو بس ضعفت ؟ أنا حاسس ان السوست دى رفيعة شويه تحيها سوست موتسيكل مش عربية ، مش ممكن اركب اتخن شوية ، الميكانيكى بيقولى ركب سوست اتخن من دى عشان ترفع العربية مع الاوزان ، بخصوص تركيب صدادات فى المساعد سمعت ان دع غلط لان الصدادات دى بتكون ناشفة وتخلى اى خبطه يخدها المساعد فى المطبات بتكون ناشفة وبتسمع فى جسم العربية وممكن تفتحه

[فارس الواحة]

منتظر ردكم ،،،

[SAMEH_FOUAD]

سوست العربية فية منها نوعين , واحدة اتخن وواحدة رفيعة , هات الاتخن بتاعتها قولهم عايز بتاعة الامريكى او ال sir وهاتها 10 لفات

مافيش ياباشا الكلام دة الصدادات افضل حل وغير مؤثرة على اى شىء نهائى وكل الناس مركباها والمساعدين بتقعد بالسنين بدون ادنى مشكلة من اى نوع , انت بس هاتهم زى ماقولتلك فى البوست الاول وهتلاقى كل مشاكلك اتحلت ان شاء الله

[فارس الواحة]

سوست العربية فية منها نوعين , واحدة اتخن وواحدة رفيعة , هات الاتخن بتاعتها قولهم عايز بتاعة الامريكى او ال sir وهاتها 10 لفات

مافيش ياباشا الكلام دة الصدادات افضل حل وغير مؤثرة على اى شىء نهائى وكل الناس مركباها والمساعدين بتقعد بالسنين بدون ادنى مشكلة من اى نوع , انت بس هاتهم زى ماقولتلك فى البوست الاول وهتلاقى كل مشاكلك اتحلت ان شاء الله

شكرا لإهتمامتك ،،، بس محتاج بعض التوضيح !
طيب دلوقتى الهوندا يابانى ، ايه السوست الامريكى دى ؟ و اجيبها مستعمله ولا جيدة لانك قلتلى هات سوست و مساعد استيراد ؟ و ايه sir دى ؟ و أعرف منين ان دى التخينة مش الرفيعة هل ليها سمك معين ؟
بخصوص الصدادات : دى بتركب جوا المساعد يعنى الميكانيكى بيفكه ويركبها جواه ، وهل بتركب على مساعدين الهوندا الاستيراد و هل ليها ارتفاع معين ترشحه ليا اجيبه ؟

[SAMEH_FOUAD]

انا اقصد بالسوست الامريكى , يعنى موديل السيفيك اللى بينزل فى امريكا بيكون السوست بتاعتة اتخن شوية
الsir دية الموديل الرياضى من السيفيك بتكون السوست بتاعتة اتخن
هتلاقيها اتخن من اللى معاك
الصدادات بتركب جوة المساعد , بالظبط المساعد بيتفك من السوستة وبيركب الصدادة وبيقفلة تانى , هاتها ال rbi بتاعة الهوندا موجودة عند بتوع قطع الغيار الهوندا بتكون 3 حلقات غير القاعدة

[فارس الواحة]

انا اقصد بالسوست الامريكى , يعنى موديل السيفيك اللى بينزل فى امريكا بيكون السوست بتاعتة اتخن شوية
الsir دية الموديل الرياضى من السيفيك .....

اعتقد الموديل بتاعى هوا الموديل الرياضى ده ، طيب هل ينفع اركب سوست و مساعد لموديل عربية تانية يكون اتخن و اعلى شوية زى البيجو مثلا او غيرها ، ولا مينفعش يركب مكان السوست والمساعد غير الهوندا وبس ، لو ينفع ايه رأيك فى سوست و مساعدين البيجو ، او رشح ليا نوع تانى ، بصرف النظر عن الشكل او اااى شىء تانى ، حتى الثبات مش مشكلة قوى لانى اخرى 80 كيلو مهما حصل مبسرعش عنهم ، المهم العربية تعلى جدا لأن المطبات فى بلدى تحث انك ماشى فى جبل ، ممكن يقارب ارتفاعه ربع متر لذلك عايز اعلى العربية واعرف اركب ناس معايا براحتى ، منتظر ردك وأسف للإطالة

[SAMEH_FOUAD]

الموديل الرياضى بيكون بماتور 1600 2 كامة انجيكشن مزود بفيتك والمحرك بقوة 175 حصان مع طنابير امامية اكبر ونظام فرامل اقوى ونظام عادم اكبر وطلمبة بنزين اقوى

ماتركبش اى حاجة ياباشا الا بتاعة العربية ولو عملت زى ماقولتلك هتلاقى الدنيا بقت تمام جداااااااااا من ناحية الاداء والنعومة والثبات كمان ومش هتلاقيها بتحك فى المطبات مع التحميل

[carrier]

هل ينفع اركب سوست و مساعد لموديل عربية تانية يكون اتخن و اعلى شوية زى البيجو مثلا او غيرها

انت راكب هوندا 92 حضرتك ... مينفعش تركب غير حجات هوندا ممكن فيرجن افضل او اقوى من العفشة
بس يكون هوندا برضه
بيجو ايه اللى انت بتكلم عليها
انت حضرتك مش عارف قيمة الهوندا 92 تقولى بيجو... دا كلام

[فارس الواحة]

انت راكب هوندا 92 حضرتك ... مينفعش تركب غير حجات هوندا ممكن فيرجن افضل او اقوى من العفشة
بس يكون هوندا برضه
بيجو ايه اللى انت بتكلم عليها
انت حضرتك مش عارف قيمة الهوندا 92 تقولى بيجو... دا كلام

اخى انا عارف قيمة الهوندا اللى معايا دى يابانى بمواصفات خليجى ، بس المشكلة واطية جدااا لو حد ركب معايا والمطبات عندنا جبال و عايز اعليها بأى وسيلة

[carrier]

اخى انا عارف قيمة الهوندا اللى معايا دى يابانى بمواصفات خليجى ، بس المشكلة واطية جدااا لو حد ركب معايا والمطبات عندنا جبال و عايز اعليها بأى وسيلة

عربيتك السوست بتاعتها وحشة باظت خلاص علشان كده حتى العلايات مش هتضيف لك جديد لانها السوست طريت خلاص وباظت
اعمل اللى سامح قلك عليه
ولمعلوماتك
الهوندا مينغعش معاها علايات خالص بتكون سبب فى تعويم العربية والثبات بيضيع