مساعدة فى اسعار قطع غيار الهوندا سيفيك 1993

[إسلام حسني]

السلام عليكم
كل سنة و انتوا طيبين
بإذن الله أنا نويت خلاص اشترى هوندا سيفيك 1993 بعد رمضان و الصراحة انا حبيت العربية لما كنت ببحث على النت عن مميزاتها و عيوبها و رجلى جابتني هنا و لقيت بسم الله ماشاء الله الرجالة هنا بيشكروا فى العربية جامد جدا
بس سؤال للخبراء ليطمئن قلبي عن اسعار قطع الغيار و اماكن تواجدها و ناس تكون فاهمة و بتراعى ربنا و بالنسبة لصيانات العربية كميكانيكا و عفشة و كهرباء و تكيف و خلافه
انا ساكن فى الهرم قريب من المريوطية لو في حد يفيدنى بأماكن قريبة لقطع الغيار و الصيانة بأنواعها
و مشكورين مقدما يا رجالة الهوندا

[SAMEH_FOUAD]

اسعار قطع الغيار ممتازة جدااااااااا ومافيش حاجة غالية غير بعض الحاجات فى التوكيل لكن اى حاجة تانى زى الفل ومافيش اى مشكلة نهائى
اقرب واحد ليك فى الهرم هو الوليد فى شارع السودان مترو البحوث او اشرف البخارى فى الكيتكات وممتازين جدا فى اسعارهم
الميكانيكا هتنزل الحرفيين او حدائق القبة دول افضل ناس هناك ليها

[إسلام حسني]

متشكر جدا ليك و الله انا كنت يأست ان حد يرد عليا... بس شكرا جدا لذوقك

[إسلام حسني]

معلش سؤال كمان.. ممكن اعرف اسعار قطع الغيار اللى بتتغير بشكل دوري فى الصيانات.. اسف لو تقلت عليك

[SAMEH_FOUAD]

فلتر الهوا ب 120 جنية اليابانى
فلتر البنزين اليابانى ب275 جنية لل si و 75 جنية للكربراتير
فلتر الزيت الاصلى من التوكيل ب125 جنية واليابانى الهاى كوبى ب 70 جنية
تيل الفرامل الكندى ب450 جنية - التايوانى ب 300 جنية - اليابانى الاصلى ب650
زيت الفتيس بيتغير كل 20 الف لو العربية اتوماتيك بتاخد 3 لتر ب280 جنية ال3
السيور ( سير الكاتينة اليابانى ب250 جنية بيتغير كل 50 الف , وال3 سيور ( دينامو - باور - تكييف ) كل واحد فيهم ب 85 جنية وبتنزلهم على 35 الف والاصلى كل واحد فيهم ب 145 جنية من التوكيل
لو احتاجت اى حاجة فى العفشة ( 4 مساعدين استيراد ب 1000 جنية ل1300 على حسب المكان )
اسكاترا استيراد ب 1500 نظيفة
العربية حاجاتها مش غالية ومعمرة جدااااااااااا بس اهم حاجة تجيبها نظيفة