بخصوص التأمين على الهوندا سيتى

[mich_e_l2000]

ياجماعة انا معايا سيتى 2007 ال1500 الاوتوماتيك
وبصراحة انا خايف جدا اتحوج انى اجيب قطع غيار ليها لان اعرف انها غالية جدا
فبفكر انى اؤمن عليها تأمين شامل بس مش عارف يتكلف كام واية الشركة المناسبة وهل هناك نسبة تحميل ...وكل حاجة بخصوص الموضوع دا...
انا سألت فى التوكيل نفسة عندهم تأمين شامل على العربية وبالطبع دا هيكون افضل حاجة لانة فى حالات الخبطات او الحوادث لا قدر اللة ...بيكون افضل ان التامين عندهم بدل الدوخة بين التوكيل والتامين....بس المشكلة انة غالى جدا جدا
يعنى سنويا حوالى 3400جنية....بدون اى نسبة تحميل....
وبدون محاضر شرطة تحت ال10الاف
ومحضر فوق العشرة الاف تكاليف
بس انا شايف انة كتير جدا......
اية رايكم؟؟؟؟؟؟؟؟؟

[THETOP]

سلام عليكم

اولا الف مبروك على العربية وربنا يكفيك شرها

انا مأمن على السيفيك بتاعتى ودفعت 3700

هو مش كتير ولا حاجة بس الامر ميسلمش ان لقدر الله لو حصل حاجة

هاتشيل مبلغ جامد اوى

احلى حاجة انك تأمن تبع التوكيل (مصر للتأمين - شرق التأمين) الاتنين واحد لانهم انضموا على بعض

وفى حاجة عايز افهمهلك هوندا مش بتتعمل مع اى تأمين من بره غير

(مصر للتأمين - شرق التأمين) لانهم عاملين ديل مع بعض بياخد منك العربية ويعاين هو ويبدأ التصليح..

خلى بالك التوكيل مش بيتعمل مع اى تأمين غير اللى عاملين ديل معاه فقط

واحسبها حسابات لو ربنا كرمك ومفيش اى حاجة فى العربية لو فيها خربوش مثلا ممكن تقولهم يرشهالك... كده يعنى اشترى دماغك
وأمن طول فترة الضمان..

وتابع الموضوع ده

http://www.nilemotors.net/Nile/showthread.php?t=50836

معلش طولت عليك


ويجعله عامر

[THETOP]

للعلم مبلغ 3400 اللى انت بتقول عليه ده

مش صحيح

لان بياخد قيمة التأمين 2.5% من قيمة مبلغ العربية تقريباً واسأل وابقى رد علينا :)

[mich_e_l2000]

ميرسى جدا على رد حضرتك
هو فعلا احسن تأمين اللى تبع التوكيل عشان العميل ما يتهوش بين الاتنين
بس انا فعلا سالتهم وقالى ان النسبة 3.3% فطلع المبلغ 3400جنية تقريبا
يا ترى مفيش مثلا تامين بالنصف يعنى النص على والنص على التامين مقابل طبعا انة يكون النسبة اقل؟؟
وهل المبلغ بيدفع على اقساط ولا اية النظام؟؟
اسف على الاسئلة الكتيرة
وان شاء الله عربيتك ترجع زى الاول واحسن وربنا يباركلك فيها

[THETOP]

سلام عليكم

والله ياباشا مقدرش افيدك بس انت ممكن تسأل التأمين نفسة

وهما هايفيدوك اكتر منى

ويباركلوا يا معلم :)

ويجعله عامر