إعـــــــلان

Collapse

.

,
See more
See less

عــربيتى فى الــتوكيـل بتصلح :)

Collapse
X
 
  • Filter
  • الوقت
  • Show
Clear All
new posts

  • عــربيتى فى الــتوكيـل بتصلح :)

    ســلام عليكم ورحمه الله وبركاته

    ازيكم يا شباب كل سنه وانتم طيبين جميعاً

    طبعا العنوان باين عربيتى فى التوكيل

    كنت حاجز من شهرين عشان كان فيها شوية حاجات بسيطة

    فا كده كده انا مأمن على العربية تبع مصر للتأمين وهما عاملين

    ديل مع هوندا بيسهلوا الامور سوا يعنى

    فا روحت والحمد لله يوم السبت اللى فات مشوار طبعا بعيد اووى

    لانى انا فى الهرم والتوكيل بتاع السمكرة والدوكو فى طريق جسر السويس جمب توكيل سبرانزا ومرسيدس

    اخذت دورى طبعا الحمد لله مكانش زحمة لانى كنت حاجز من شهرين

    قابلت الاستاذ محمد عياد مسؤل الصيانة هناك راجل جنتل ومحترم اوى اوى . اخ بجد

    ادانى استمارتين املاهم اول استمارة بكتب بياناتى وتانى اسمارة

    بشرح ايه اللى حصل للعربية وايه الخباطات اللى فيها بوصف الحادث بمعنى اصح بوصفى تفصيلى

    قعدة مع الاستاذ محمد عياد قالى معلش اخرت شوية قولتلوا ولا يهمك قالى حضرتك حاجز ... قولتلوا من شهرين

    قالى شهرين قولتلوا تخيل..قمنا عملنا معاينة للعربية

    قالى بسيطة الحمد لله قالى ده حصل الكلام ده ازاى قولتلوا وهى واقفة تحت البيت ومتغطية وحاطتها فوق الرصيف كمان وحاطيت حجرين عشان الملفات برضو اتخبطة قولتلوا الحمد لله نصيبنا كده

    الاصابات اللى فيها بقى ( خبطة بسيطة فى الشنطة + جرح غويط فى الرفرف الشمال الخلفى + الاكصدام الامامى والخلفى فى شوية خرابيش هايترشوا + الكساحات الكاوتش فى الاكصدام الامامى مقطوع منها حته)

    طبعا كل ده على حساب التأمين وبحمد ربنا ان مأمن على العربية

    بس كان فى نقر بسيطة فى العتب بتاع العربية قولت ليه يعملها قالى نصيحة منى بلاش حرام ارشها اقتنعت بكلامة

    اولاً وش الشنطة هايتغير (لونى اى سمكرى هايعرف يعملوا دى حاجة بسيطة اوى يعنى ) قالى افضلك ان اغيرها قولتلوا غير.

    ثانياً الجرح الغويط اللى فى الرفرف ها يتسمكر ويترش

    ثالثاُ الاقصدامات هاتترش برضو

    رابعاً الكساحات الكاوتش الامامية هايتغير برضو

    الحاجات دى كلها هاتتعمل فى 10 ايــام تخيلوا بعد حجز وكده

    قولت مش مشكلة المهم انى اوضب العربية قبل مااروح اجدد الرخصة لان شهر 2 الجاى هاجدد الرخصة فاقولت اعمل الكلام ده كلوا.

    انا قولت اعمل الموضوع ده عشان اخد رأيكوا فى اللى حصل

    واى استفسارت انا موجود

    وربنا ميجبلكمش حاجة وحشة

    ويجعله عامر
    [CENTER][SIGPIC][/SIGPIC][/CENTER]

  • #2
    اولا قدر الله و ما شاء فعل
    ثانيا انا كنت بفكر اجيب العربية ده بس خايف من ارتفاعها من الارض
    ايه رايك انت جربتها هل ده مشكلة ولا لا مع مطبات بلدنا

    Comment


    • #3
      السلام عليكم ورحمه الله وبركاته

      صدقنى العربية دى من افضل العربيات اللى ركبتها

      حتت ان العربية واطية عن الارض فا ده مش عيب بالعكس

      فى ناس بيبقى عربيتهم مرتفعة وبيخفضوها عشان الاتزان

      وتكون استيبول

      صدقنى ده مش عيب سيارة ده عيب شوارعنا احنا :((

      عامة صلى صلاة الاستخارة واستعن بالله وقرار شوف انت هاتعمل ايه

      بس حاجة اخيرة

      الهوندا هوندا يعنى اليابانى 100%

      اسم لوحدة حكاية كبيرة اووى وانت شايف ان العربية بدأ كتير من الشعب المصرى يجيب منها وانا منهم

      وتابع المواضيع فى القسم وشوف تفاصيل السيارة

      وشكرا لمتابعتك :)

      ويجعله عامر
      [CENTER][SIGPIC][/SIGPIC][/CENTER]

      Comment


      • #4
        شكرا جدا على ردك بجد ريحتنى
        جزاك الله خيرا

        Comment


        • #5
          جزانا الله واياكم يا اخى :)

          فينكم يا شباب الهونداااااا سيفيك :)

          ويجعله عامر
          [CENTER][SIGPIC][/SIGPIC][/CENTER]

          Comment


          • #6
            محمد عياد انسان محترم جدا

            انا عندي برضو الاكصدامات عايزه تترش وكده بس مأجل الموضوع شوية

            وشكرا لشرحك الوافي

            وعايزين نعرف النتيجة ايه والرش محترم وفيه فرق في الالوان وكده هوا دا المفيد بقا
            [img2]http://i34.tinypic.com/63zo6s.jpg[/img2]

            Comment


            • #7
              ربنا يوفقك

              انا مش من انصار ان العربية تترش للحاجات البسيطة دى

              بردة العربية لما بتكون فابريكة برة و جوة بيكون افضل
              [color=#3333FF][size=5]عاشق الهوندا[/size][/color]

              Comment


              • #8
                المشاركة الأصلية كتبت بواسطة Hisham_ElFeky مشاهدة المشاركة
                محمد عياد انسان محترم جدا

                انا عندي برضو الاكصدامات عايزه تترش وكده بس مأجل الموضوع شوية

                وشكرا لشرحك الوافي

                وعايزين نعرف النتيجة ايه والرش محترم وفيه فرق في الالوان وكده هوا دا المفيد بقا
                ان شاء الله انا هاستلمها يوم الخميس الجاى

                وهاقولكوا النتيجة ايه :)
                [CENTER][SIGPIC][/SIGPIC][/CENTER]

                Comment


                • #9
                  المشاركة الأصلية كتبت بواسطة tmedhat مشاهدة المشاركة
                  ربنا يوفقك

                  انا مش من انصار ان العربية تترش للحاجات البسيطة دى

                  بردة العربية لما بتكون فابريكة برة و جوة بيكون افضل
                  يا سيدى خليها على الله

                  انا كده كده مش من هواة قلب السيارات بسرعة :)

                  هى ونصيبها وربنا يسترها :)
                  [CENTER][SIGPIC][/SIGPIC][/CENTER]

                  Comment


                  • #10
                    المهندس / محمد عياد

                    دا صديق شخصى ليا من زماااااااااااان ايام ما كان فى الكلية
                    بجد انا مبسوط جددددددددددددددددددددددددددددددددددددددددا انو قدر يخلصلوكوا عربياتكوا وتكونوا راضين.

                    وكفاية كلمة "محمد عياد انسان محترم جدا "
                    بجد انا مبسوط جددددددددددددددددددددددددددددددا من كلامكوا
                    [CENTER]سبحان الله وبحمده سبحان الله العظيم
                    لا تظلمن إذا ما كنت مقتدرا --------- فالظلم يرجع عقباه الى الندم
                    تنام عينك والمظلوم منتبه --------- يدعو عليك وعين الله لم تنم
                    [/CENTER]

                    Comment


                    • #11
                      توب باشا
                      ربنا يأجرك في مصيبتك ويخلف لك خيراً منها
                      وتستلم على خير ان شاء الله
                      مستنيين صور الفرش
                      هاتهرب مننا فين :)
                      [CENTER]Me on Twitter
                      @aliabutaleb[/CENTER]

                      Comment


                      • #12
                        الحـمد لله استلمت العربية فى المعاد واستاذ محمد عياد كلمنى

                        انسان ذوق ذوق فوق مما تتخيلوا الشغل اتعمل بالكامل

                        طبعا كلوا على حساب التأمين

                        الشغل اتنفذ مية مية وكلوا تمام

                        سألت فى حتت التأمين قالى التأمين لما تجدد ممكن تجدد عندنا وممكن عند

                        الديل بتاعهم...قالى كمان ان السعر زاد بتاع التأمين من 3700 الى 4300 ج

                        سألتوا ليه : قالى عشان الشركات اللى افلست بتاعت التأمين وهو بقى الوحيد اللى فى السوق فا استعبط علينا وزود التأمين :)

                        -------------------

                        حبيبى وابن حبيبى (علي بك)

                        وحشنى اوى اوى والله

                        وبالنسبة لتصوير الفرش والله مابتهرب بس انا ظروفى اليومين دول صعبة اووى..مشروع التخرج واخر سنة وكده :)

                        الله المستعان ودعاويكم بقى :)

                        ويجعله عامر
                        [CENTER][SIGPIC][/SIGPIC][/CENTER]

                        Comment


                        • #13
                          المشاركة الأصلية كتبت بواسطة thetop مشاهدة المشاركة

                          حبيبى وابن حبيبى (علي بك)

                          وحشنى اوى اوى والله

                          وبالنسبة لتصوير الفرش والله مابتهرب بس انا ظروفى اليومين دول صعبة اووى..مشروع التخرج واخر سنة وكده :)

                          الله المستعان ودعاويكم بقى :)

                          ويجعله عامر
                          ربنا يخليك يا توب ويبارك لك فيها
                          خلاص سامحتك
                          بلاش صور
                          استنى لما نتقابل ونشوفها مع بعض
                          أو حتى لو فاضي تبقى تيجي معايا وانا باركب الفرش
                          [CENTER]Me on Twitter
                          @aliabutaleb[/CENTER]

                          Comment

                          Working...
                          X