صوت غريب فى دركسيون السيفيك 2007

[civic2009]

السلام عليكم

اسمحولى اشاركم و اقول انى بحس بنفس الشعور فى موديل 2009

فى الاول كان الديركسيون ناعم جدا و مع الوقت بداء يتقل شوية و اعتقد ان دة عادى و موضوع تعود مش اكتر . و جرب كدة متسقش العربية يومين كدة و ارجع تانى حتحس كانة جديد و سلس ذى الاول .

اما موضوع الصوت فدة موضوع تانى و خليك فوق دماغهم و روح بدرى علشان تاخد اليوم بتولة معاهم
و إن شاء الله حاجة بسيطة

و شكرا

[kemo0o]

نفس الموضوع عندي والله وكمان بحس ان الدركسيون لما تلفة شمال اخف من لما تلفة يمين ؟
انا مش بهزر والله العظيم بس الفرق مش ملحوظ لو حد اول مرة يسوق العربية انا هروح احتمال كبير صيانة ال 10 الاف اخر الاسبوع او بعد الامتحانات بس ربنا يسهل واقدر اعمل حاجة وهقول لكم برضه

[Oushy]

كوزميك باشا صباح الجمال معلش انا لسه شايف الموضوع
بص يا معلم انا عندى لما بنزل دراع الاشاره يمين او شمال والف الدركسيون بسمع صوت تكه بتتكرر 3 مرات تك ........تك.........تك لغاية الدركسيون مايوصل لاخره
انا عارف ان مش ده اللى بيحصل معاك بس انا حبيت اقولك ان دى مشكله وباين انها من دراع الاشاره ومع ذلك فى صيانة ال 10000 وال 15000 وصيانات خارجيه يعنى يجى 5 مرات اقولهم عليها ومايعملوهاش ويتعمدو ياخرونى ولما استلم العربيه الاقى فيها نفس العيب ارجع للمهندس يقولى حضرتك احنا كده اتاخرنا قوى وممكن تجيبها يوم تانى واحنا تحت امرك
طبعا اسلوب مستفز لدرجه خلتنى عايز اروحلهم يوم مخصوص واقلبلهم الدنيا على دماغهم
الغريبه انى لقيته كاتب ورقه بخصوص عربيتى مكتوب عليها ستيرنج راك ولما سالته ايه ده قاللى لاء دى حاجه هاتتحط فى ملف العربيه وفضل يلف ويدور عليا لغاية مازهقت منه وسبته ومشيت

عموما انا اسف انى طولت عليك بس حبيت اسخنك قبل ماتروحلهم اعملهم لا مؤاخذه اهبل وماتسيبهومش الا لما يصلحوها وقبل ماتستلمها لازم تجربها والمهندس يكون معاك
انا كمان ناوى اروح واقلع توب الرباية اللى انا لابسه

أ/محمد صلاح موضوع صوت الثلات تكات وانت مدي أشاره وبتلف الدريكسيون المفروض انوا طبيعي وفي اي عربيه ,,, وبلاحظها في كذا عربيه بكون سايقها مش في عربيتي بس ,,, وعلي ما اعتقد ان ده الي بيخلي الاشاره ترد لوحدها تاني لما تعكس اتجاه الدركسيون لان لما تيجي تنزل دراع الاشاره وتلف الدركسيون لفه بسيطه اوي قبل ما توصل للتكه الاولي وترجع الدركسيون تاني العكس الاشاره مش بترد لوحدها لازم تردها انت بأيدك... لاكن لما تكسر علي الاخرالدركسيون طبعا بيعمل صوت التكات ده وتيجي ترجعو العكس الاشاره بترد ,,, ده التفسير الي حاولت افهمو من نفسي بالنسبه لوظيفه التكات دي,,, لاكن أطمن موضوع التكات ده طبيعي جدا

[CosmicOne]

ياجماعة فى اى حد راح التوكيل و سأل على موضوع الدركسيون ده؟؟؟

[kemo0o]

ياجماعة فى اى حد راح التوكيل و سأل على موضوع الدركسيون ده؟؟؟

ايه يا عمنا انت بتختفي فجأة ليه كده ....

باشا باشا باشا ..... ( زي محمد هنيدي ) انا عملتلهم كده بالضبط لحد لما زهقوا مني ههههههههه

المهم انا رحت التوكيل وكشفوا لي على العربية حته حته
( علبة دركسيون - بارات - مقصات ) تقريبا كسفوا على العفشة اللي قدام كلها
وفي الاخر طلع ان بطاحة المساعد الشمال امامي بايظة خاااااااااااااااااالص

وقالوا لي تغيير طقم مساعدين أمامي وان شاء الله هروح اغيرهم الاسبوع اللي جااااااي

بس عاوز اقول لك انهم قمة الاحترام وبص عاوز تروح وتشتكي ماتشتكيش في الصيانات لانهم من الاخر مش هيشوفوا حاجة بس برضه لازم تزن عليهم انت تروح يوم من الساعة 9 الصبح وتروح على م/ سعيد رمزي لانه هو بيستقبل ال Emergency ( لو انت مش فاضي ممكن انا اعمل لك الموضوع ده - ههههه - )
وتقوله اللي انت عاوزه وتقوله انا اشتكيت من الموضوع ده في صيانة كذا وكذا
والراجل بصراحة قمة الذوق هياخد العربية ويعمل اللازم

الشكله بقى في تمن المساعدين انا واحد صاحبي اتصل وسألهم قالوا له المساعدين ب 2635 جنيه غااااااااااااااااااااالي قوي بس انا هتصل واسال تاني

لو عاوز اي خدمات ياباشا احنا موجودين وربنا يخلينا لبعض

[CosmicOne]

بجد شكراً جزيلاً يا كيمو باشا

بس معلش فكرنى كدة هو انتا كان عندك نفس موضوع الصوت الى عندى فى الدركسيون؟؟؟

و بعدين اظن ان المشكلة الى عندك تتصلح فى الضمان والا ايه؟

[kemo0o]

بجد شكراً جزيلاً يا كيمو باشا

بس معلش فكرنى كدة هو انتا كان عندك نفس موضوع الصوت الى عندى فى الدركسيون؟؟؟

و بعدين اظن ان المشكلة الى عندك تتصلح فى الضمان والا ايه؟

ايوه كان عندي نفس الصوت تقريبا وكان بيزيد أكتر لما حد كان بيركب معايا زيادة
وهو فعلا الضمان هيشيل الحكاية دي طبعا لان العربية لسه 12 الف كم
وبيتهيألي برضه انت لو عندك اي مشكله هتتصلح في الضمان انت لسه أكيد ما كملتش 30 الف صح ؟؟

[CosmicOne]

انا عامل دلوقتى 24xxx كم

[kemo0o]

طيب روح لهم وانت بتعمل صيانة ال 25 الف وتشتكي من الموضوع ده لمهندس الصيانة ( انت بتتعامل مع انهي مهندس ؟) وهو هيدخلك لمدير الورشة م/ هاني
كلمة وانت في قمة القرف واعمل نفسك متضايق أوي هيقوم قايل لك هات العربية نكشف عليها في يوم من أوله

تقوم رايح لهم يوم من الساعة 9 الصبح وزي ماقلت لك على م/ سعيد رمزي وكل حاجة ان شاء الله تتحل

ده اللي حصل معايا بالضبط ولو قررت تروح انا هروح احتمال يوم الاحد اغير المساعدين لو كده ممكن نروح مع بعض

[Hisham_ElFeky]

انا بدأت أسمع الصوت دا عندي انا كمان وشكلي كده هروح علي يوم الأحد أو الاتنين

[kemo0o]

ياريت الاحد ونتقابل هناك
ايه رايكم

[boodimania]

عندى صوت غريب شوية فى دركسيون العربية ,وانا بلفة فى اى انجاة و بالذات لو العربية مايلة او واقف على رملة بسمع صوت خفيف اوى زى صوت ترس او سوستة بتكتك بسرعة و بصوت واطى
و بردة ساعات بتحصل وانا واقف عادى او باخد ملف و الأرض مستوية

اى حد يارجالة لاحظ كدة برده؟؟؟

سيفيك 2007 مشية 22000كم

بعد اضطلاعي على دليل الصيانة...فى الغالب(ان شاء الله) المشكلة هي اعادة تربيط و تشحيم ال Steering Rack و هاهى الخطوات:

1. Set the wheels in the straight ahead position.




2. Loosen the rack guide screw locknut (A) with the special tool, then remove the rack guide screw (B).

1. Set the wheels in the straight ahead position.




2. Loosen the rack guide screw locknut (A) with the special tool, then remove the rack guide screw (B).



3. Remove the old sealant from the rack guide screw (A), and apply new sealant (Three Bond 1215 or Locktite 5699) to the middle of the threads (B).
Loosely install the rack guide screw on the steering gearbox.



4. Tighten the rack guide screw (A) to 25 N·m (2.5 kgf·m, 18 lbf·ft), then loosen it.



5. Retighten the rack guide screw to 3.9 N·m (0.4 kgf·m, 2.9 lbf·ft), then back it off to the specified angle.


Specified return angle: 7 °±3 °





6. Hold the rack guide screw stationary with a wrench, and install the locknut (B) by hand until it's fully seated.




7. Install the special tool on the locknut, and hold the rack guide screw stationary with a wrench. Tighten the locknut to the specified torque.




8. Check for unusual steering effort through the complete turning travel.




9. Check the steering wheel rotational play, and the power assist.

ويارب يكون دا حل المشكلة..!!

[THETOP]

اوباااااا

الامراض اللى بدأت تظهر دى

ربنا يستر

[kemo0o]

boodimania

انت كبير والله هو فعلا فيه صوت فعلا بس غير اللي عندنا ده وسببه ال Steering Rack بس اللي ظهر عندي ده هما كشفوا على كل حاجة وظبطوا كل حاجة وشحموها ومازال الصوت فاكتشفوا ان العيب في البطاحه

[tiida_mohamed]

ياريت الاحد ونتقابل هناك
ايه رايكم

الاحد ايه يا جميل عندك جامعه الصبح ولا نسيت
ههههههههههههههههههههههههههههه