سيفيك 2007 واطيه ام لا

[Michel Tanios]

يريت حد من الي استلموا السيفيك 2007 يقولنا لو فى 3 ركاب فى الكنبة و واحد جنب السواق هل العربية بتحك فى أى مطب عادى من بتوع القاهرة

بنسبالى هو ده أهم سؤال أهم من HP لأن الموضوع ده مخوفنى جدا من السيفيك رغم اعجابى الشديد بها

[viper]

اي عربية جديده من الفئة دي لو ركب فيها نفس العدد دة أكيد هتحك في المطبات بتاعتنا بس أنا عن تجربة العربية مش واطية أوي أنا كنت مركب نفس العدد دة وأخدت مطبات كتير ومفيش حاجة وحكت مني برضو بس في مطبات عالية أوي وكان في ناس كتير معايا في العربية ماتقلقش من الموضوع دة وربنا يكرمك :roll:

[hazem_khidr]

اي عربيه فعلا من العربيات الجديده لو محمل العدد دا كله حتحك في المطبات.
و الهوندا كمان تصميمها واطي يعني لو جبتها ان شاء الله تاخد بالك حتي و انت بتركن تبعد عن اي رصيف قدر الامكان من الامام علشان اكصدامها و عتبها واطين و دا عن تجربه فعليه .

[makram555]

الهوندا سيفيك فعلا واطيه وبتحك قي المطبات العاديه بطريقه ملفته ده من كلام احد الزملاء اللي معاه الهوندا

[جندى مجند]

و الهوندا كمان تصميمها واطي يعني لو جبتها ان شاء الله تاخد بالك حتي و انت بتركن تبعد عن اي رصيف قدر الامكان من الامام علشان اكصدامها و عتبها واطين و دا عن تجربه فعليه .

+1
الاكصدام الأمامى فعلاً المسافة بينه و بين الأرض حوالى 10 سم و محتاجة حرص شديد جداً فى الركنة مع الرصفان الجبلى اللى فى شوراعنا :(

[Hassan]

فعلا لابد من الحرص من الرصيف عند الركن لان الاكصدام واطى
لكن بالنسبة للمطبات فهى على العكس اعلى من النوبيرا مثلا
عن تجربة فى بعض المطبات و خاصة الصناعية العالية و بنفس عدد افراد الاسرة
النوبيرا حكت فيها اما الهوندا فلا فى نفس المطبات