حد جرب يمشى مشوار على D3 فى الcivic

[civic2009]

انا معلوماتى انة عاى D3 النقل بيكون من الاول الى التالت

هل ممكن المشى علية داخل المدينة على سرعات لا تتعدى 80 و لا كدة كتير ؟
و هل لية اضرار على الموتور

سؤال اخير لو جبت D3 و انل على D يرجع فورا على التالت حتى لو كان على الخامس؟

منتظر ارائكم

[Fadi Ezzat]

عادى جدا بس اساسا انت لو جبتة بيسقط نقلة اوتوماتيك مع العلم الكلام دة فى الاوكتافيا واكيد بينطبق على السيفيك
بس اسال بردة
بس انا كنت بمشى بية كتير اوى ايام ماكانت الاوكتافيا مخنوقة كان فيها مشاكل فى زيت الفتيس
المهم امشى بية عادة خالص دة انا كمان كنت بجيب d1
وبعدين d2 وبعدين d3

[PoweRPassioN]

مفيش مشكله بس خلى بالك من الار بي ام و متحرقش اوي عشان عمر الفتيس

[abf-nassar]

انا معلوماتى انة عاى D3 النقل بيكون من الاول الى التالت

هل ممكن المشى علية داخل المدينة على سرعات لا تتعدى 80 و لا كدة كتير ؟
و هل لية اضرار على الموتور

سؤال اخير لو جبت D3 و انل على D يرجع فورا على التالت حتى لو كان على الخامس؟

منتظر ارائكم

بالنسبة لل d3 ممكن تمشي بيه داخل المدينة عادي وحسب الكتالوج المفروض السرعة عليه لا تتعدي 140 ك
ولو عايز تنقل من d الي d3 المفروض تكون السرعة اللي ماشي عليها اقل من 80 ك علشان ميأثرش علي الفتيس
وهتلاقي في الكتالوج جدول باستخدام النقلات حسب السرعات الموجوده وكتوب فيه ان استخدام النقلة 1 لا يتم الا في حالة الغرز فقط وممنوع المشي عليه اي مسافة واستخدام 2 بيكون في حالة طلوع العربية مطلع جامد مع وجود تحميل زائد من الاشخاص بالعربية وبرضه ممنوع انك تمشي عليه مسافات كبيرة علشان كده هتلاقي تحريك الفتيس بين d وd3 حر الحركة من غير ضغط علي زرار نقل الفتيس انما غير كده لازم تضغط علي الزرار لتغيير وضع الفتيس

[kemo0o]

غالبا لما بكون في وسط البلد بمشي على D3 لان اصلا العربية مش بتلحق تاخد رابع او خامس انما انت لما بتكون ماشي على D والسرعة مثلا 60العربية بتنقل خامس وبعدين لو رجلك زادت شويه على الدواسة بتزل رابع او تالت فتفاديا للموضوع ده بمشي D3

[fahd_628]

عادى مفيش اى مشاكل

انا بعمل كدة ساعات و بحس انه احسن علشان الفتيس عندى بيجيب رابع و بعدين ميلحقش و يقوم جايب تالت و بعدين رابع تانى و بيفضل بتنطط فا ساعات بخلية على ال 3