هوندا 92 وياريت الافادة

[bashot]

السلام عليكم

يا جماعة امتلك هوندا سيفك موديل 92 مانيوال

بها بعض المشاكل اولا عاوزة عفشة جديده وعاوز اعرف ثمن العفشة كام

ثانيا عاوزة ترش دوكو من جديد مع بعض التوضيب من الداخل ياريت حد يقولنا تصرف كام واخليها ولا ابيعها وعلى الحالة دى تجيب كام فلوس لو عاوز ابيعها
ماتورها كويس وصالونها كويس بس عاوز فرش جلد فى الارضية

ثالثاً حد يقولى الاقي عند مين قطع غيار ليها أنا من القاهرة غير الراجل بتاع الكت كات علشان قطع غيارة غالية ثانياً صينى ومجبر تجبها علشان مزنوق فيها

برجاء الرد والاهتمام فى اسرع وقت وشكرا

[adham_medo]

انا عندي سيفيك 93 لسة مشتريها ب 45000 اوتوماتيك حالتها ممتازة ما شاء الله . حاول تقارن لتعرف الفرق .

ثمن العافشة مش عارف بالتحديد كام ولكن ثمن المساعدين الياباني 950ج والتايواني 550 ج .

بالنسبة للرش مش غالي حوالي 500ج او اقل عند واحد استاذ بيفهم .

بالنسبة لقطع الغيار في ناس كتير انا نفسي بتعامل مع واحد محترم خل المخابرات بس مش فاكر اسمة .

بالنسبة لبيع السيارة انا مش عارف اتمن العربية لازم واحد ميكانيكي و سمكري يشفوها ويكشفو علي العربية وتمنوها .

النصيحة لبيع العربية : لو انت ناوي تبيع العربية علشان ناوي تشتري حاجة احسن ( اي سيارة ياباني او امريكي او الماني او انجليزي او فرنسي ) بيع علطول . ولكن التقييم الشامل للهوندا سيفيك ممتاز . عربية تستاهل فيها الفلوس .


اي سؤال انا في الخدمة

[khaled_rafea]

على كلام حضرتك لو العربية دواخلها سليمة( حوض و شنطة و قوايم و كدة) حتعملها حوالى 35 الف, لأن المانوال ارخص شوية, لو انت معندكش خبرة تتعامل مع الصنايعية و وقت طبعا عشان تشدها و تقف عليها يبقى تريح نفسك وتبيعها وتشوف عربية تمام, انا شفت فى السوق سيفيك 93 فابركة برة و جوة ex كاملة اوتو, كانت زيرو, تخلص 46 الف, الغالى تمنة فية بردة