استفسار ضرورى جدا فى السيفك 93

[khaled_rafea]

السلام عليكم,
حد يعرف الارقام المحفورة فى الحوض على الجنبين خلف الرفارف بتاعة اية؟ و هل لازم الارقام دى تبقى زى بعض على الجنبين ؟؟؟

[ahmadelkholy]

الله اعلم

[SAMEH_FOUAD]

ياباشا الهوندا رقم الشاسية بتاعها بيبقى مكتوب فى النص جنب البطارية على طول يعنى بمعنى اوضح خلف الماتور بالظبط وعندك مكان تانى لما تفتح باب السيارة بتاعك هتلاقيها فى الاخر خالص فى القايم اللى فى النص مكتوب بلد الصنع ورايحة لبلد اية وموديل كام ورقم الشاسية بتاعها تانى حاجة هتلاقى بردة على نفس القايم بس فى نص القايم رقم لون السيارة ولون فرش العربية

[khaled_rafea]

ميرسى كتير على الرد, بس انا عارف كل دة, بس انا كنت بشترى و بتفرج على هوندات و فية ناس قالولى ان الارقام دى مهمةوبتحدد اذا كانت العربية مخبوطة ولا لأ, عموما شكرا جزيلا, انا اشتريت و اللى كان كان

[SAMEH_FOUAD]

طيب قول على الوضع اللى عندك فى العربية ومبروك اولا على العربية

[khaled_rafea]

الله يبارك فيك ويباركلك يا باشا, انا عندى الرقمين موجودين و باينين, يعنى مفيش خبطة جامدة دمرتهم, بس هما مختلفين عن بعض, يعنى اليمين غير الشمال, معلش انا عندى استفسار تانى, ممكن اجدد الصالون كلة؟؟؟, السقف متبهدل وفرش البيبان والارضيات شكلهم قديم, دول ممكن يتجددو ؟, وشكرا جزيلا

[SAMEH_FOUAD]

معلش ياباشا بس لو تعرف تصورلى رقم الشاسية لانى مش عارف يعنى رقمين اية اللى مختلفين
المفروض زى ماقولتلك ان الرقم بيكون موجود على خلف الماتور على القايم اللى تحت البرابريز فى الكبوت من جوة وعندك رقم تانى بيبقى موجود فى اخر قايم العربية محفور على لوحة معدنية متبرشمة لا يمكن فكها وبيبقى مكتوب عليها رقم الشاسية والعربية وكل حاجة عن العربية ومافيش اى ارقام بتبقى موجودة فى العربية غير دول بس انا بس لو اعرف ازاى اجيب صورة من عندى فى الجهاز ارفعها على المنتدى كنت ورتهالك بس للاسف مش عارف اجيب الصور لو تعرف ازاى قولى وانا احطلك صورة تعرف منها الحاجات دية بالظبط

[khaled_rafea]

تسلم على الرد, بس انا عارف والله كل اللى بتقول علية, عارف رقم الشاسية فين, لاكن الارقام دى فى حتة تانية, عموما شكرا جزيلا يا باشا