شكر خاص

[eng_amrazek]

السلام عليكم و رحمة الله و بركاته
اولا كل عام و انتم جميعا بخير
ثانيا هذا الموضوع شكر خاص جدا لجميع اعضاء منتدى هوندا الاخوة الافاضل الذين لم يبخلوا بالعلم و المعرفة فى الرد على اى استفسار او سؤال
ثالثا الحمد لله و الشكر لله على فضله و نعمه امبارح استلمت العربية هوندا سيتى سيلفر 1300 مانيوال 2008
و انا على اتم الاستعداد للرد على استفسار لاى اخ هنا فى المنتدى و الله المستعان
شكرا لكم جميعا

[Karim_Monir]

ابو حميد حبيب قلبي
الف الف مبروك يا باشا
عربية تحفة ربنا يحفظهالك ان شاء الله
واكيد طالما هوندا تبقي كفاية عليها الاسم
بس عقبال ما تملاها بنبن وبنات بقى
وكويس انك جبتها مانيوال عشان تحس بالاداء بجد وتقلل استهلاك البنزين شوية
لما تحب تعملها فرش او ارضية او اي حاجة بلغني بس وانا انزل معاك او سيبهالي وانا اعملهالك
انت خيرك سابق

ربنا يديك خيرها ويكفيك شرها

كريم منير

[وائل عطية]

ألف ألف مبروك
ربنا يعطيك خيرها ويكفيك شرها
بس ليه فضلت المانيوال على الأوتوماتيك؟ (للعلم)

[Hossam_Hassan]

الف مبروك

[eng_amrazek]

يا كريم باشا الله يبارك فيك
عقبال لما تجيب للاولاد يا عمى
انت وحشنى جدا و اللهى و سعيد ان انت اول واحد يباركلى
شكرا يا باشا

[معاذ الشرباصى]

الف مبروك

ربنا يبارك لك فيها و يحفظها لك من كل سوء

[eng_amrazek]

شكر ليكو على ردودكم الجميلة
الله يبارك فيكو جميعا

[Islam_galal]

الف مبروك و ربنا يكفيك شرها

[Karim_Monir]

يا كريم باشا الله يبارك فيك
عقبال لما تجيب للاولاد يا عمى
انت وحشنى جدا و اللهى و سعيد ان انت اول واحد يباركلى
شكرا يا باشا

حبيب قلبي ده اقل واجب على ذوقك
انت شخصية محترمة وتستاهل حب الناس
كل سنة وانت طيب

[Hisham_ElFeky]

ربنا يديك خيرها ويكيفيك شرها مبروك عليك

[AlmAhAtmA]

الف مبروك يا باشا
عيله الهوندا زادت عضو جديد
السيتي عربيه جميله و ان شاء الله حتكون مبسوط قوي
بس يالا علي طول الغطا و الفرش و الارضيه

[جندى مجند]

ألف مبروك يا هندسة .. ربنا يعطيك خيرها و يكفيك شرها ... متنساش الغطا و الفرش الجلد و الأرضية الجلد و متستعملش معطرات جليد اللى بتتحط على التابلوه عشان بتشيل اللون منه

[mohaismail]

الف مبروك وربنا يحفظهالك يريت تقولنا انطباعك عنها ايه واخبار استهلاك البنزين ايه وصوت الموتور عالى ولا واطى وهل بتحك فى المطبات ولا عالية على الارض وفيها مريات كهرباء تحكم ولا ضم واخبار الكاسيت ونقاء الصوت بتاعها ايه ويريت تقولنا مميزاتها وعيوبها اللى لاحظتها لحد دالوقتى وجبتها بكام ومنين
والف مبروك مرة تانية

[eng_amrazek]

الله يبارك فيكم
الحمد لله اشتريت الغطا و ركبت فرش و اشتريت دواسات و بعد اللى قراته على المعطرات هنا اشتريت الشجر زى الفل
بالنسبة للاستاذ/ محمد اسماعيل انا فولت يوم ما استلمتها فلسه مقدرش احكم على الاستهلاك و ياريت اهل الخبرة يفيدونا المفروض التفويلة ديه تقعد معايا اد ايه؟ بالنسبة لصوت الموتور واطى جدا لدرجة ان انا و هى مورة و شغالة نسيت و حاولت اشغلها تانى، بالنسبة لعلو السيارة زى الفل امبارح كان معايا والدتى و اختى الكبيرة(حامل) و اختى الصغيرة و شنطتين تقال فى الشنطة و كنا فى مدينة نصر عديت على كذا مطب ولا فى احتكاك و لا حاجة (ومخدتش المطبات بزاوية)، ظبط المرايات كهرباء و الضم عادى بالايد،مفيش كاسيت ده راديو سى دى اوديو، جبتها من التوكيل اللى فى طريق النصر امام الامداد و التموين ب 84900جنيه .
العربية بسم الله ما شاء الله زى الفل من جوه شيك جدا و التابلوه تحفة (رايى الشخصى) و الشنطة واسعة جدا،مش هقدر اقول مميزات و عيوب لانى شايفها كلها مميزات لحد دلوقتى.
هو كان فى حاجة قالها الاستاذ/ هانى ادم انك لما تكون راكب العربية مش هتبوس على اى عربية تانية انا مكنتش متاكد من الكلام ده بس لما ركبتها عرفت ان كان عنده حق :lol: :lol: و اى استفسار تانى انا فى الخدمة

[AlmAhAtmA]

الله هو كان فى حاجة قالها الاستاذ/ هانى ادم انك لما تكون راكب العربية مش هتبوس على اى عربية تانية انا مكنتش متاكد من الكلام ده بس لما ركبتها عرفت ان كان عنده حق :lol: :lol: و اى استفسار تانى انا فى الخدمة

ربنا يبارك لك فيها
و بجد السيتي عربيه محترمه جدا
و التوكيل اكتر من محترم
انا فرحان انك جبتها لانها عربيه حتفرح بيها و حتفرحك بنفسها