ايه أخبار الهوندا أكورد 1990؟

[ArafatEHegazy]

ايه أخبار العربية دي في مصر من حيث قطع الغيار والتصليح ..... أنا عارف انها نادرة شوية ...بس العربية تحفة وفخمة جدا وسعرها كويس جدا .... المعروض منها في حدود ال 35 الف ....
يا ريت لو حد عنده الموديل ده يفيدني بمعلومات أكتر
دي صورة لموديل 1990

[ads]

العربيات دى ممتازه بس على حسب حالتها والسعر ده ممتاز لان بيطلب فيها 40 و 45 كمان

[khaled_rafea]

طب يا باشا ما السيفيك 93 بتعمل نفس السعر تقريبا او زياده حاجات بسيطة, و انتشارها يخليها اسهل فى الصيانة و قطع الغيار و كمان فى بيعها, و من وجهة نظرى متقلش عن الاكورد 90 فى جمالها, بالعكس دى اشيك بكتير, بس شبابى طبعا اكتر

[ArafatEHegazy]

طب يا باشا ما السيفيك 93 بتعمل نفس السعر تقريبا او زياده حاجات بسيطة, و انتشارها يخليها اسهل فى الصيانة و قطع الغيار و كمان فى بيعها, و من وجهة نظرى متقلش عن الاكورد 90 فى جمالها, بالعكس دى اشيك بكتير, بس شبابى طبعا اكتر

طبعا السيفيك عربية ممتازه ... بس ما اعتقدتش هلاقي حاجه موش متهانه في الثلاثينات .... وأنا اللي معايا لا يتعدي المبلغ ده .... اللي شدني في العربية دي فخامتها و شياكتها وانها هوندا ... انا بحب واحترم الهوندا من زمان .... اللي مخوفني منها بس موضوع قطع الغيار ....لأني مليش تجارب مع عربيات قليلة في السوق ومعرفش أيه اللي الناس بتعملة في الحالة دي ....

[khaled_rafea]

هو انا كان قدامى واحدة موديل 92 كانت عامله 33 الف جنية, بس كانت محتاجة شوية مصاريف, بس هى كانت سليمة, مش رشة و لا عامل حادثة, بس على الاقل تقدر توقفها تانى و تخليها محترمة