هاشترى هوندا إن شاء الله قريب

[heshoz]

شباب المنتدى الجامدين
انا والله استفدت كتير وقريت كل حاجه فى النتدى هنا وقررت الحمد لله انى خلاص هاشترى الهوندا
الموضوع انى نزلت امبارح المصريه للسيارات على شان اشوف النظام
انا من الاخر عاوز حد يقسطلى العربية على سبع سنين
وفعلا قالولى ان تمنها 149000 وهادفع على 55000 مقدم وقسط 1800 فى الشهر
والله ماخبيش عليكم الموضوع دا هايل بالنسبالى القسط لذيذ بس كنت عاوز اعرف هوا الوكيل ممكن يبيع تقسيط ولا اكمل مع المصرية ولو حد إتعامل مع المصرية يقولى هما كويسين ولا لأ وكمان ايه رئيكم استنى موديلات 2010 ولا اشترى دلوقتى اصلى خاسف اسعار 2010 تبقى اكتر وانا ماعنديش مشاكل فى شكل وابشن 2009 :k31:
مشكورين ومنتظر ردودكم

[mshamy]

أولا أهلا بيك في اسرة الهوندا و إن شاء الله يكون إختيارك موفق

ثانيا:1- معلوماتي إن التوكيل لا يقسط
2- المصرية سيئة جدا في تقسيطها و في كذا مشاركة في المنتدى بتحذر من التعامل مع المصرية
3- لو لازم تقسط يبقى شوف شركة محترمة مثل كونتكت عندهم نظامين للتقسيط ...واحد صاحبي جايب السيفيك من عندهم و مقسط على 5 سنوات و مرتاح معاهم جدا ..


ممكن إن شاء الله باقي الزملاء و الأعضاء يفيدوك بخبراتهم و ربنا يوفقك لما فيه الخير

[sherifahmed]

شوية نصايح و اجابات سريعة
1) ماتتعاملش مع المصرية للسيارات و راجع مع المنتدى العام
2)7 سنين كتير اوى و جرب برده التقسيط مع www.contactcars.com
3)استنى موديل 2010 .كدا كدا الاوربى كولو نازل 4% فدا هايأراب الاوربى لسعر اليابانى فاليابانى هايضطر ينزل عشان يبيع و هى كلها كام شهر

[heshoz]

أولا أهلا بيك في اسرة الهوندا و إن شاء الله يكون إختيارك موفق

ثانيا:1- معلوماتي إن التوكيل لا يقسط
2- المصرية سيئة جدا في تقسيطها و في كذا مشاركة في المنتدى بتحذر من التعامل مع المصرية
3- لو لازم تقسط يبقى شوف شركة محترمة مثل كونتكت عندهم نظامين للتقسيط ...واحد صاحبي جايب السيفيك من عندهم و مقسط على 5 سنوات و مرتاح معاهم جدا ..


ممكن إن شاء الله باقي الزملاء و الأعضاء يفيدوك بخبراتهم و ربنا يوفقك لما فيه الخير

شكرا يا باشا على الرد السريع والمفيد بس كونتكت اخرهم 5 سنين ودا هايصعب القسط عليا وانت عارف الالتزامات بعد ماتيجى العربيه فكله بييصب على بعضه وكمان انا عرفت ان كونتكت لازم تأمن معاهم وتأمينهم 4% ودا غالى حبتين برضه
وشكرا مره تانيه على الرد يا باشا

شوية نصايح و اجابات سريعة
1) ماتتعاملش مع المصرية للسيارات و راجع مع المنتدى العام
2)7 سنين كتير اوى و جرب برده التقسيط مع www.contactcars.com
3)استنى موديل 2010 .كدا كدا الاوربى كولو نازل 4% فدا هايأراب الاوربى لسعر اليابانى فاليابانى هايضطر ينزل عشان يبيع و هى كلها كام شهر

يا باشا والله انا عارف انهم كتير بس هوا دا ما يتوافق مع الميزانيه الشهرية للعربيه اللى هاجيبها ان شاء الله ويا مسهل انا هاروح اوتو ماك واشوف بيقولوا 2010 هاتنزل فيه يعنى ممكن ناخد فكره برضه
مشكور يا باشا على الرد

[hlmnz]

شوية نصايح و اجابات سريعة
1) ماتتعاملش مع المصرية للسيارات و راجع مع المنتدى العام
2)7 سنين كتير اوى و جرب برده التقسيط مع www.contactcars.com
3)استنى موديل 2010 .كدا كدا الاوربى كولو نازل 4% فدا هايأراب الاوربى لسعر اليابانى فاليابانى هايضطر ينزل عشان يبيع و هى كلها كام شهر

يا باشا اوروبي ايه اللي هيقرب وياباني ايه اللي هيبعد انت في مصرو يا مان وحسب معلوماتي من الخليج ان الهوندا هتغلي عربياتها اكتر من الاول لانها هتنتج النص

فلو اي حد بيفكر يشتريه يتوكل على الله :k4:

[kemo0o]

لو نويت ... اتوكب على الله ماتستناش موديل 2010
ليه بقى !!!

أولا العربية شكلها مش هيتغير في 2010 ولا هتزيد كماليات لان الفول اوبشن نزلت خلاص ولو استنيت 2010 ممكن العربية تزيد لها على الاقل الفين او 3 وانت اولى بيهم ودي سياسة السوق المصري انما حكاية ان السعر ينزل !!! فدي جديدة علينا وياريت السعر ينزل

فلو نويت اتوكل على الله واستخير ربنا الاول
وبالتوفيق

[heshoz]

ربنا يسهل ان شاء الله ادعولى :]

[PoweRPassioN]

ربنا يسهل ان شاء الله ادعولى :]

ربنا يوفقك .. بس بلاش المصريه برضواااااااا

[Fadi Ezzat]

خد اكبر نصيحة منى واتاكد بننفسك
روح شوف الفئة التركى
هتلاقفيها اولا ارخص من 184 حوالى 145
ثانيا فيها
كماليات اكتر بكتير من بتاعة الوكيل بكتير اوى
وائل كمان فى عضو اسمة جوى ةمعاة اول فئة تركى اسئلة على الى فيها
وعلى فكرة اعلى فئة فى التركى ب168
وفى كماليات اكتر من بتاعة الوكيل اعلى فئة

[heshoz]

خد اكبر نصيحة منى واتاكد بننفسك
روح شوف الفئة التركى
هتلاقفيها اولا ارخص من 184 حوالى 145
ثانيا فيها
كماليات اكتر بكتير من بتاعة الوكيل بكتير اوى
وائل كمان فى عضو اسمة جوى ةمعاة اول فئة تركى اسئلة على الى فيها
وعلى فكرة اعلى فئة فى التركى ب168
وفى كماليات اكتر من بتاعة الوكيل اعلى فئة

شكرا يا باشا بس كان عاندى سؤال
هوا التركى دى عليها ضمان؟

[gaafar13]

ياجماعه ياريت لو حد يجبلنا اماكن تواجد العربيه التركى علشان نتفرج عليها ونحكم انا بتكلم على اعلى فئه فيها

[Fadi Ezzat]

شكرا يا باشا بس كان عاندى سؤال
هوا التركى دى عليها ضمان؟

لألألألألألأ مالوش ضمان
على فكرة انا هجيب التركى او هجيب فيات برافو 150 حصان
بس على فكرة الضمان بتاع هوندا غلس شوية
اى حاجة بتعملها فى العربية يقوك
بيتك بيتك بيتك

[heshoz]

لألألألألألأ مالوش ضمان
على فكرة انا هجيب التركى او هجيب فيات برافو 150 حصان
بس على فكرة الضمان بتاع هوندا غلس شوية
اى حاجة بتعملها فى العربية يقوك
بيتك بيتك بيتك

هههههههههههه يعنى مالوش لازمه ولا ايه؟

[kemo0o]

ياجماعه ياريت لو حد يجبلنا اماكن تواجد العربيه التركى علشان نتفرج عليها ونحكم انا بتكلم على اعلى فئه فيها

لو عارف المصرية اللي في المعادي ... في معرض جنبها على طول فيه اعلى فئة

لألألألألألأ مالوش ضمان
على فكرة انا هجيب التركى او هجيب فيات برافو 150 حصان
بس على فكرة الضمان بتاع هوندا غلس شوية
اى حاجة بتعملها فى العربية يقوك
بيتك بيتك بيتك

ضمان اي عربية في مصر كده يعني لو ركبت سنتر ولا انذار وحصل مشكلة في الكهرباء مثلا يقولك خارج الضمان ... مش هوندا بس

هههههههههههه يعنى مالوش لازمه ولا ايه؟

لا طبعا ممكن لاقدر الله تحصل لك مشكلة ولا حاجة كبيرة الضمان بيشيلها على طول

[heshoz]

شكرا يا كيمو انت مظبط المنتدى دا والله
ياعمى خلينا فى الضمان احسن (: