أرجو الإفادة في عربية هشتريها

[Azazy23]

السلام عليكم

انا محتار جدااا في اتخاذ قرار في شراء العربية اللي في الينك ده http://www.car100100.com/cardetails.php?car_id=9014

هي si فابريكة جوه و نضيفة أوي زي الظاهلا في الصور بس وصلت معاه ل 50 ألف و مش عارف كيده كويس ولا غالية مع العلم إنها مش محتاجة اي مصاريف
فيها طبعا حاجات مش ظهرة في الصور زي فلتر رياضي و عفشة رياضية و سوندسيستم و فرش جلد أسود و طارة رياضية و ماكنة زينون

أرجو الإفادة

وشكراااا

[M_Nabil]

السعر بتاعها معقول جدا خصوصا على الاضافات اللى راكبه فيها بس الاهم من ده كله تكشف عليها كويس في التوكيل او حد متخصص هوندا ولو فيها حاجات عاوزة تظبيط وده في الغالب هيكون عشان مافيش مستعمل مش محتاج مصاريف حتى لو كانت بسيطة ساعتها ممكن تنزل مع صاحبها شوية في السعر و بالتوفيق.

[Azazy23]

متشكر جداا يا أستاذ م نبيل
بس عندي حاجتيين عايز أسئل فيهم
1 - الفلتر الرياضي اللي موجود فيها ده ممكن يأثر علي عمر الموتور يعني يخلي الموتور يخرج كل اللي عنده بدري بدري و يهلكه بسرعة ؟؟
2 - علبة الشكمان مع الفلتر عامليين صوت عالي مش بحبه و بفكر أول حاجة أعمله أغير العلبة دي بوحدة عادية ده هيخنق العربية ؟؟

[M_Nabil]

متشكر جداا يا أستاذ م نبيل
بس عندي حاجتيين عايز أسئل فيهم
1 - الفلتر الرياضي اللي موجود فيها ده ممكن يأثر علي عمر الموتور يعني يخلي الموتور يخرج كل اللي عنده بدري بدري و يهلكه بسرعة ؟؟
2 - علبة الشكمان مع الفلتر عامليين صوت عالي مش بحبه و بفكر أول حاجة أعمله أغير العلبة دي بوحدة عادية ده هيخنق العربية ؟؟

الشكر لله و تحت امرك في اى استفسار
بالنسبة للفلتر الرياضى بالعكس له تأثير ايجابي لو هو راكب صح بيزويد الهورس باور من 3 لـ 5 حصان تقريبا و مافيش منه اى ضرر على الماتور او اهلاك هو عيبه بس صوت المكنة بيكون عالى على عداد لفات الماتور العالية بعد 4000 Rpm بالاضافة انه لو انت بتحرق كثير معدل استهلاك البنزين بيكون اكثر من الفلتر العادى.
اما علبة الشكمان ممكن تغيرها بواحدة ثانية يكون صوتها اهدى او من غير صوت خالص ذى ما تحب وقبل ده ممكن تشوف واحد بتاع شكمانات يشوفلك اذا في امكانية تقليل الصوت على نفس العلبة اللى راكبة وطلما العلب سليمة يبقى مافيش مشكلة مش هتخنق العربية ولا حاجه.

[Azazy23]

العربية اتباعت و مالحتهاش
و مش عارف أجيب عربية كويسة خلاص !!!!!!!!!!!!

[khaled_rafea]

قدر الله وما شاء فعل, خيرها فى غيرها ان شاء الله, على فكرة كانت غالية, لأنى قابلت si فابركة برة و جوة بنفس السعر و اكيد ممكن تنزل الفين كمان او اكتر