ارجو المشورة من شباب الهوندا

[a7m8n]

السلام عليكم يارجالة
اخوكم حيران فى الهوندا سيتى الجديدة انا شفتها مره راكنة جنب جامعه مصر فى 6 اكتوبر شكلها تحفه وبصراحه عجبانى وعرفت بعدين انها نزلت فى تمنها بقت ب 114 الف بس نزلت شفتها فى اوتو سمير ريان الراجل بيقولى انها 1500 و 118 حصان وموتور جديد المشكلة بأة انا مش عارف حد هنا من صحابى يدينى اى رأى فيها انا مقلق بس عشان هى صناعة تايلاند وخصوصا ان فيه هنا حد زملينا فى نايل موتورز كان عمل موضوع هنا فى الهوندا عنها وكان كاتب انها اسوأ عربية عملتها هوندا عشان عمل بيها حادثة على 180
ياريت ياجماعه لو حد يعرف اى حاجه عنها يقولى انا محتاج نصيحه فيها بجد خصوصا انى لازم اشتر عربيه اليومين دووووووووووووووووول

[kemo0o]

العربية ممتازة جدا
موتور قوي وفتيس هايل وصاج ممتاز وحكاية الامان دي المفروض اول لما تسمع هوندا تطمن لانها من افضل الشركات في موضوع الامان ده هو بس عيبها الوحيد ان كمالياتها قليلة شوية بس غير كده العربية ممتاااااااااااازة

[Fadi Ezzat]

العربية هايلة وماتورها جامد اوى مش ضعيف
وتانى حاجة ماهو واحد عمل حادثة على 180 ولسة عايش
دة ياكدلك ان العربية تحفة

[a7m8n]

هوندا سيتى

'طيب ياجماعة مخفش من موضوع انها تايلاندى وكده انا عرفت ان الموتور اللى فيها تكنولوجى جديده منزلاها هوندا وبيدى 118 حصان

[kemo0o]

لا ماتخافشي وبعدين تايلاند محترمة جدا

طيب كمان ما انت عندك الكورولا ماهي جنوب افريقي وعادي يعني !!

بس على فكرة السيتي تقفيلها محترم وكمان اقرا التقييم بتاعها

http://nilemotors.net/Nile/showthread.php?t=74989

وربنا يوفقك للي فيه الخير >>> وتشتريها برضه عشان تدخل وكر الهونداوية هههه