استلمت هوندا سيتى 2009 ومحتاس افيدونى

[maraaawan]

الحمد لله استلمت هوندا سيتى 2009 سوداء من السبع ورخصت وواحد ابن حلال خربشلى العتبة خربوش محترم بس يلا الحمد لله لكن عندى مليون سؤال ومحتاس اخر حوسة

اولا الفرامل مش مريحانى خالص حاسسها خفيفه موت ولما نزلت المس الجنوط اللى قدام لقتها مولعه نار قلت المس اللى ورا يمكن يكون الحر والصيف وكدة لقيتهم عادى خالص كدة يبقى فى حاجة فعلا ممكن يكون عاوزة يتاخد منها الهوا ؟؟ ولو كدة خايف اعملها عندى اى حد يعكها لانى فى الماتركس بتاعه مراتى رحت لميكانيكى عادى سحب الهوا من الفرامل اى كلام وكنت مسافر ولولا ربنا ستر كانت بقت كارثة

ثانيا العفشه بتاعه العربية برضة مش مريحانى حاسسها ناشفة موووووووت لما باخد مطب على الهادى قوى بحس انى بتنطط جوة العربية وصوت مش مريح خالص هل دة طبيعى حد قالى ان عفشتها سبور ولازم تكون ناشفة شوية هل دة حقيقى يا جماعه الىل معاة سيتى 2009 يفيدنى ارجوكم

ثالثا فين اماكن مراكز الصيانه المعتمدة او الىل معاة هوندا فى الضمان بيعملها صيانة فين انا ماحدش قالى اى حاجة وتايهه

رابعا كان فى اخ هنا قال ان ووهو فى التوكيل عرضوا علية يصلحوا الكام نقرة الىل عندة بسرعه فى ساعتين تقريبا والعتب وكدة طب ممكن يعملوا الخربوش بتاع العتبة دة من غير ما يبان ولا يرشوا العتبة كلها والكلام دة ؟؟؟

العربيه كمان ازلة من ير انذار ولا مفتاح ريموت هل لو ركبتة برة التوكيل العربيه تخرج من الضمان وهل تركيبة بيحتاج عكعكة جامدة و فك و تقطيع فى الضفيرة والابواب والتابلوة؟؟

انا دوخت كمان على فرش جلد للعربيه مافيش حد عندة فرش للشكل الجديد مين احسن حد مكن الاقى عندة فرش جلد محترم ومش غالى قوى يعنى؟؟؟

اسف على الاسئلة الكتير والازعاج وشكرا واوعدكم لما اوصل للالف هانزل تقييم شامل عن العربيه وصور ليها واسالكم الدعاء ربنا يهديها علشان مجنانى ويحفظها :) وشكرا

[mussolini]

اولا الف الف مبروك على العربية و اختيار موفق ان شاء اللة...

نيجى للفرامل اعتقد ان دى حاجة عادية لانى معايا سيفيك وبتسخن..وصديق ليا بردو معاة سيفيك وبتسخن..ركب جنوط عشان التهوية للتنابير زانشاء اللة معدل السخونة فى الفرامل هيقل(عن تجربة)

انا اسف مش هقدر اجاوب على باقى اسئلة حضرتك لانى ليس على علم بها ....

مسألة الفرش عليك وعلى سبير كار عندو كل حاجة و اسعارو كويسة جدا...

[mussolini]

التوكيل اللى بتعامل معاة اللى فى التجمع الخامس فى الطريق الدائرى..و توكيل محترم جدا بس قطع الغيار مبالغ اوى فبها,ومش كل اللى شغالين هناك فاهمين...

[a7m8n]

مبارك عليك ان شاء الله

مروان باشا
الف مبروك ياباشا على العربيه الجديده ربنا يارب يديك خيرها ويبارك فيها ممكن ياباشا استفسار صغير عو انت جبتها بسعلر كام 115 الف ولا 127 الف واية رأيك فى سحبها مع التكييف حلوه ولا لا ؟
اخوك مجتاس اكتر منك عاوز اجيب عربيه وكنت بقارن بينها وبين النيو سيراتو بس انا لقيت ان فيه استعباط رسمى فى تسليم النيو سيرات فبفكر اوى فى السيتى بس محاتج حد يدينى انطباع عنها

[x_gomgom]

الف مبروك يا باشا و ربنا يحفظك و يكفيك شرها و يديلك خيرها....
انا عندي تعليق علي كلمه الفرامل عندك.... هيا خفيفه اصدك الدواسه ؟؟؟؟ ولا ان الفرامل ضعيفه مش بتقفش؟؟
و عامة العربيه جديده متخليش حد يعكلك فيها . و موضوع اخد الهوا دا مش حل كمان للعلم كتره بياثر على السيرفو و ماستر العجل.هو اصلا بتاخذ الهوا بعد غيار التيل لا اكثر ولا اقل
اما بخصوص الانذار و السنتر دا شوف مركز نضيف يعمله عشان بالفعل هيبقا في تقطيع في بعض سلوك الضفيره( السينسورس اللي علي الباب).
في واحد في شارع دمشق معروف اسمه السجان دا شغله نضيف بس حراق شويه.....
ربنا يوفقك

[kemo0o]

الحمد لله استلمت هوندا سيتى 2009 سوداء من السبع ورخصت وواحد ابن حلال خربشلى العتبة خربوش محترم بس يلا الحمد لله لكن عندى مليون سؤال ومحتاس اخر حوسة

الخرابيش دي طبيعة في مصر ... ربنا يصبرك

اولا الفرامل مش مريحانى خالص حاسسها خفيفه موت ولما نزلت المس الجنوط اللى قدام لقتها مولعه نار قلت المس اللى ورا يمكن يكون الحر والصيف وكدة لقيتهم عادى خالص كدة يبقى فى حاجة فعلا ممكن يكون عاوزة يتاخد منها الهوا ؟؟ ولو كدة خايف اعملها عندى اى حد يعكها لانى فى الماتركس بتاعه مراتى رحت لميكانيكى عادى سحب الهوا من الفرامل اى كلام وكنت مسافر ولولا ربنا ستر كانت بقت كارثة

لما الطنابير تسخن طبيعي الفرامل بتكون خفيفة
والحل انك تركب جنط لزيادة التهوية انما الفرامل بصفة عامة كويسة

ثانيا العفشه بتاعه العربية برضة مش مريحانى حاسسها ناشفة موووووووت لما باخد مطب على الهادى قوى بحس انى بتنطط جوة العربية وصوت مش مريح خالص هل دة طبيعى حد قالى ان عفشتها سبور ولازم تكون ناشفة شوية هل دة حقيقى يا جماعه الىل معاة سيتى 2009 يفيدنى ارجوكم

هي فعلا ناشفة وده طبيعي ماتقلقش نفسك

ثالثا فين اماكن مراكز الصيانه المعتمدة او الىل معاة هوندا فى الضمان بيعملها صيانة فين انا ماحدش قالى اى حاجة وتايهه

مافيش ولا مركز صيانة في القاهرة الا الفطيم وده موجود على الدائري - في القاهرة الجديدة وهتلاقي عنوانة ووصف لمكانة بالرسم بالضبط على كتاب الصيانة في الخلف

رابعا كان فى اخ هنا قال ان ووهو فى التوكيل عرضوا علية يصلحوا الكام نقرة الىل عندة بسرعه فى ساعتين تقريبا والعتب وكدة طب ممكن يعملوا الخربوش بتاع العتبة دة من غير ما يبان ولا يرشوا العتبة كلها والكلام دة ؟؟؟

لو كان الخدش سطحي ينفع يتشال ببولش انما لو عمل مكان غائر او dent في الصاج فمش هينفع الا لو رش العتب كله

العربيه كمان ازلة من ير انذار ولا مفتاح ريموت هل لو ركبتة برة التوكيل العربيه تخرج من الضمان وهل تركيبة بيحتاج عكعكة جامدة و فك و تقطيع فى الضفيرة والابواب والتابلوة؟؟

طبيعي اي جهاز انذار بيركب بيحتاج فك الابواب والكلام ده كله ولكن لو حصلت مشكلة عندك في الكهرباء هيخرجولك العربية خارج الضمان

انا دوخت كمان على فرش جلد للعربيه مافيش حد عندة فرش للشكل الجديد مين احسن حد مكن الاقى عندة فرش جلد محترم ومش غالى قوى يعنى؟؟

سبير كار .... ولو ممكن تضحي شوية وتجيب فرش ممتاز من عند " دوس " وده موجود في مدينة نصر - عباس العقاد - خلف بنزينة كالتكس

ا

سف على الاسئلة الكتير والازعاج وشكرا واوعدكم لما اوصل للالف هانزل تقييم شامل عن العربيه وصور ليها واسالكم الدعاء ربنا يهديها علشان مجنانى ويحفظها :) وشكرا

ولا يهمك You are in HONDA room ... feel free to ask
وربنا يديلك خيرها ويكفيك شرها ويحفظهالك
ولو تقدر تشرفنا في تجمع هونـــــدا الاول وهيكون يوم 30-6 ان شاء الله الساعة 2 ونص في التوكيل

[mshamy]

ثانيا العفشه بتاعه العربية برضة مش مريحانى حاسسها ناشفة موووووووت لما باخد مطب على الهادى قوى بحس انى بتنطط جوة العربية وصوت مش مريح خالص هل دة طبيعى حد قالى ان عفشتها سبور ولازم تكون ناشفة شوية هل دة حقيقى يا جماعه الىل معاة سيتى 2009 يفيدنى ارجوكم

الف مبروك على الهوندا و ربنا يديلك خيرها و يكفيك شرها وشر الطريق


بالنسبة لموضوع العفشة أنصح حضرتك أولا بفحص ضغط العجل لآن غالبا السيارات الزيرو بتكون "منفوخة" بزيادة

[hlmnz]

الف مبروك على الهوندا و ربنا يديلك خيرها و يكفيك شرها وشر الطريق


بالنسبة لموضوع العفشة أنصح حضرتك أولا بفحص ضغط العجل لآن غالبا السيارات الزيرو بتكون "منفوخة" بزيادة

هو ده الكلام فعلا العمليه ديه حصلت معايا اول مجبت العربية ورحت بنزينه الامارات على الدائري وكان الضغط 42
زمبروك على العربيه واحسنت الاختيار

[maraaawan]

الف الف الف الف شكر يا جماعه على الاهتمام والمشاركات دى كلها والله يبارك فيكم جميعا

بالنسبه لسعر العربيه يا اخ a7m8n انا جبتها بسعر المعرض 114900 من السبع اوتوموتيف هوالوحيد اللى لقيت عندة اللون الاسود والفرش البيج واذا كنت ناوى تقارنها بالسيراتو فمافيش وجه للمقارنة من ناحية الخامات والشكل والتصميمات الداخلية دى هوندا ودى كيا

انا فضلت محتار اجيب اية لحد ما لقيت النيسان الليفينا ونازلة عليها تخفيض 15 الف من 130000 الى 115000 وفيها سمارت كى وحبشتكنات وابوشنات مافيش منها اتنين فى سعرها وعملت تيست درايف وعجبتنى جدا وخلاص هاجيبها حظى شوفت الهوندا السيتى خلعت النيسان من نافوخى تماما

اما حكاية السحب مع التكيف فبرضة ما تنساش ان الهوندا طول عمرهم وحوش فى مواتيرهم وعربيات مرعبة فى الجرى فمع التكييف سحبها هايل جدا وحتى والتكيف على 3 او 4 مقارنة بالماتركيس لما كان التكيف على 1 وبقف فوق دواسة البنزين علشان تعبرنى وتسحب صوت الماتور كان بييتسمع فى كوريا وانا لسة ماتحركتش من مكانى هنا ولابتعبرنى

انا لسة بستكشف العربيه عموما واول ما نتفاهم انا وهى هاحكيلكم تقرير باللى حصل معاها فى اول 1000 انشاء الله

وبالمناسبة هو اية حكاية التجمع بتاع يوم 30 /6 دة هايكون فىالتوكيل الىل فين التجمع ولا المهندسين ولا فين والساعه كام وهايبقى احتفال ولا اية بالظبط لامؤاخذة اخوكم محدث منتديات فاشرحولى افادكم الله

بس انا متضايق بسبب حكاية ان الفرامل بتسخن دة طبيعى فىالهوندا زى ما بتقولوا وغير كدة متضايق من عفشتها الناشفة كمان بس يلا قدر الله وماشاء فعل واحاول اتاقلم معاهم وشكرا مرة اخرى لكل مشاركتكم واسف انى رديت فى عجالة لانى مستعجل ودخلت بصيت بسرعه بس لنا جلسة مع بعض انشاء الله

[a7m8n]

هوندا سيتى

استاذ مروان ربنا يخليك يافندم على ردك السريع
والله انا كنت مظبط نفسى على الكيا الجديده عربيه شكلها حلو وموتورها جامد بس للاسف توكيل كيا او سلوك الناس فى التوكيل مع اصحاب المعارض بره بيلعبو لعبه كده وصلت سعر العربيه من 115 الرسمى ل 123 الف لو حتاخدها فورى لو لقيتها كمان ياكده ياتحجز من الوكيل وتستلن كماان 3 شهور
انا شفت السيتى شكلها تحفه موووووووووووووووووووووووووووووووووت من جوه خامات انضف بكتير وافخم
بص انا مش بفهم فى العربيات اوى بس هو خوفى انها يعنى بتنزل بس فى دول اسيا ومصر وموتورها 1500 مش الف 1600 زى السيراتو ياريت حضرتك تدينى رأيك فى موضوع التسارع والموتور ده ولو فى اى ملاحظه او تقييم مبدئى معلش يافندم ياريت تحكيلى عليه
انا المفروض انى نازل النهارده كده لتوكيل هوندا اللى سفنكس ابص عليها كده وربنا يكرم ان شاء اللة

[sa7aby]

مروان باشا
الف مبروك ياباشا على العربيه الجديده ربنا يارب يديك خيرها ويبارك فيها ممكن ياباشا استفسار صغير عو انت جبتها بسعلر كام 115 الف ولا 127 الف واية رأيك فى سحبها مع التكييف حلوه ولا لا ؟
اخوك مجتاس اكتر منك عاوز اجيب عربيه وكنت بقارن بينها وبين النيو سيراتو بس انا لقيت ان فيه استعباط رسمى فى تسليم النيو سيرات فبفكر اوى فى السيتى بس محاتج حد يدينى انطباع عنها

لو بتدور على عربية فى رينج ال 120000 طب ما تبص على الشيفرولية كروز الكاملة

[SAMEH_FOUAD]

ياجماعة شيفرولية كروز اية دية عربية تعبانة اوى والله حرام كل قرش يدفع فيها ,انت لو هاتدفع فيها المبلغ دة يبقى بتدفع عشان شكلها بس ,تحس انك راكب عربية فخمة وكبيرة هاتدخل هاتحس انك راكب عربية تمنها مايزيدش عن 70 الف جنية
وبعدين هوندا ولا شيفرلوية ,وبجد الاوبترا احسن منها فى الخامات والتقفيل وراحة الركوب

[a7m8n]

كروز

بصراحه الاخ semsem معاه حق
انا لسه شايف شيفروليه كروز ياجماعه اللى بيشترى العربيه دى بيشترى الشكل بس فعلا شكلها وهمى من بره بس منصور باشا بيستهبل تصوروا الاسعار
1- المانيوال اول فئة 110 الف مفيهاش abs ولا ebd ولا airbags ولا فيه حتى ازاز كهرباء ورا بيستعبط طبعا وسورى يعنى راجل معفن اشترى عربيه كورى موتور اوبترا ساسا ولا دايو ومفيهاش ازاز كهرباء ورا
2- اول الاوتوماتيك ب 120 الف ومفيهوش زياده عن الاولانى غير اه اوتوماتيك 10 الاف جنيه ادفعهم فى فتيس اوتوماتيك كورى
3- حاجه كده اسمها high line
ومن هنا بأة تبتدى المهزله بيبتدى من الفئه دى يحط abs و airbags وايه مفيهاش ازاز كهرباء ورا والتمن 125 الف جنيه
4- top line
وأخيرا يارجاله حد منصور بيه الازاز الكهرباء وباركينج سونسو و عداد رحلات والتمن 130 الف جنيه
احلى حاجه بأة فى الدنيا ان منصور اول حد يعمل حاجة اسمها high line و top line بالذمه فى حاجه فى الدنيا اسمها كده
استهبال وهبل كل مايحط اوبشن يعمله فئه ويزود 5 او 10 الاف جنيه وطبعا الموتور يامعلم اللى حوه ده محدش يعرف اده ايه مواتير الكيا اشد منه وحتلاقيه موتور الاوبترا هو هو الى هى مواتير الدايو

[Corolla2010]

بصراحه الاخ semsem معاه حق
انا لسه شايف شيفروليه كروز ياجماعه اللى بيشترى العربيه دى بيشترى الشكل بس فعلا شكلها وهمى من بره بس منصور باشا بيستهبل تصوروا الاسعار
1- المانيوال اول فئة 110 الف مفيهاش abs ولا ebd ولا airbags ولا فيه حتى ازاز كهرباء ورا بيستعبط طبعا وسورى يعنى راجل معفن اشترى عربيه كورى موتور اوبترا ساسا ولا دايو ومفيهاش ازاز كهرباء ورا
2- اول الاوتوماتيك ب 120 الف ومفيهوش زياده عن الاولانى غير اه اوتوماتيك 10 الاف جنيه ادفعهم فى فتيس اوتوماتيك كورى
3- حاجه كده اسمها high line
ومن هنا بأة تبتدى المهزله بيبتدى من الفئه دى يحط abs و airbags وايه مفيهاش ازاز كهرباء ورا والتمن 125 الف جنيه
4- top line
وأخيرا يارجاله حد منصور بيه الازاز الكهرباء وباركينج سونسو و عداد رحلات والتمن 130 الف جنيه
احلى حاجه بأة فى الدنيا ان منصور اول حد يعمل حاجة اسمها high line و top line بالذمه فى حاجه فى الدنيا اسمها كده
استهبال وهبل كل مايحط اوبشن يعمله فئه ويزود 5 او 10 الاف جنيه وطبعا الموتور يامعلم اللى حوه ده محدش يعرف اده ايه مواتير الكيا اشد منه وحتلاقيه موتور الاوبترا هو هو الى هى مواتير الدايو

يا باشا خليه يحطها فى جيبه

[SAMEH_FOUAD]

اما لما ركبت الكروز حسيت انى ركبت عربية غير اللى انا شوفتها برة خالص لدرجة انى خرجت اتاكد هل دية فعلى اللى انا ركبتها لانها بجد تعبانة فى كل شىء حتى نظام قعدتها تس انك قاعد ومتكتف بالذات فى الكنبة الخلفية وعلى فكرة الكنبة الخلفية اخرها اتنين
وبجد انا بكرة الانسان اللى بيجيب عربية عشان الشكل لان دة معناة انة مش فارقة معاة حاجة خالص ومابيفهمش اصلا فى العربيات يعنى اجيب عربية ب120 الف جنية اتوماتيك ودة الاحسن ليها عشان المانيوال لو انت طويل صعب جدا انك تعرف تسوق والله بتكلم بجد مش بهزر العربية مهزلة بكل المقايس هية على فكرة ماشية بنظام الافيو بردة من غير ازاز امامى وخلفى كهرباء
ماعدا بعد الموديلات امامى فقط ,ولا يوجد تحكم من باب السائق فى رفع الزجاج للكرسى الجانبى