الذهاب الى بورسعيد

[sa7aby]

انا ابدي حزني على اللي حصل في بورسعيد وما بعد بورسعيد :

1- التصويت على ميعاد الخميس تم التصويت عليه من 5 اعضاء في المنتدى ماجاش منهم الا واحد فقط وهو العضو صحابي
وزي ماانا عارف مفيش فايده في المصريين والعرب بصفه عامة

2- العضو صحابي غادر من بورسعيد لوحده من غير حتى تليفون صغير يعرفني انه ماشي ولو حتى المبيل فصل شحن كان المفروض يكلم حمادي وهو يكلم ني في المحل التاني اللي كنت بركب فيه الحاجة

3-كبير الهونداويه الاستاذ محمد الشامي وهو رجل احترمه لابعد الحدود لم يرفع سماعة الموبيل ويسال لو كنت محتاج اي حاجة وخاصة وانا في بلد اول مره اروحها

4- العضو كيمو العزيز طلبت منه مكان ارش فيه البودي كيت مسالش فيه لمده يوميين الا لما كلمته انا اسال اذا كان التوكيل فاتح ولا لاه يوم الاحد

خلاصه الموضوع ان المصري هو المصري والاجانب همه الاجانب والعرب همه العرب والدليل اني عضو في احد المنتديات الاجنبيه وطلبت من احد الاعضاء ارسال فني لتغيير هيدرز والاكزوهست سيستم والراجل كان متغاون لاقصى حد لدرجة انه رفض اني ادفع للفني حسابه فقط احاسب على تذكره الطيران لاني فهمت من كلامه ان المنتدى ماهو الا وحده مساعده اي شخص يعشق الهوندا في اي مكان

بس لا يمكن انسى العضو musilini موسيليني الراجل المحترم اللي كان على اتصال دايم بيه في بورسعيد وكان متعاون معايا لابعد الحدود وانا هكون دائما في خدمته في اي وقت وفي اي مكان

د. أحمد
بعد السلام عليكم
أولا ألف مبروك على التعديلات و ربنا يباركلك فى العربية
أنا آسف على حزنك الشديد على يوم بورسعيد ، بس إنت يمكن ما تعرفش ظروفى كان شكلها إيه يوميها ولا أنا عملت إيه عشان أكون معاك يوم بورسعيد ، أنا كان ممكن أركب الحاجات إللى أنا ركبتها دى من القاهرة، أنا إيه إللى يودينى المشوار ده كله عشان أركب شوية كشافات، القصة و ما فيها إنك إنت كنت رايح فقلت آجى معاك و أتشرف بالتعرف عليك وعلى السيد الوالد و بصراحة ناس زي الفل.
أنا مش هشرح الظروف إللى أنا كنت فيها يوم بورسعيد لإن ده معناها إنى هحكى مشاكلى للمنتدى كله
بس أنا كنت فعلا مش شايف قدامى لدرجة إنى ما رجلشتش الكشافات و كشيت بيها زي ما هى، و أنا مشكلتى إنى بنام و أنا سايق عادى جدا، و أنا كامتك لما روحت و شحنت التليفون و اطمنت عليك و شرحتلك الموقف، مش عارف إيه اللى زعلك تانى منى
طبعا أنا مش محتاج أدافع عن محمد باشا الشامى لإن الراجل ده حبيبنا كلنا ووقف معايا وقفة رجالة فعلا و أنا باعمل المفتاح الأسطورى من الساعة إتنين و نصف لحد الساعة ستة و إضطر يروح يشوف أسرته و يريح شوية فى اليوم الوحيد الأجازة، ربنا يبارك فيه و يجازيه خير على مجهوده.
عموما أرجو إنك تلتمس لى العذر و ما تخليش الزعل ينسيك فرحتك بالتعديلات الجميلة لعربيتك، ربنا يباركلك فيها و يبعد عنك الحاسدين و الحاقدين

و إن شاء الله نتقابل قريبا لما حمادة غزى يفتح فى مدينة نصر

[kemo0o]

د. أحمد
بعد السلام عليكم
أولا ألف مبروك على التعديلات و ربنا يباركلك فى العربية
أنا آسف على حزنك الشديد على يوم بورسعيد ، بس إنت يمكن ما تعرفش ظروفى كان شكلها إيه يوميها ولا أنا عملت إيه عشان أكون معاك يوم بورسعيد ، أنا كان ممكن أركب الحاجات إللى أنا ركبتها دى من القاهرة، أنا إيه إللى يودينى المشوار ده كله عشان أركب شوية كشافات، القصة و ما فيها إنك إنت كنت رايح فقلت آجى معاك و أتشرف بالتعرف عليك وعلى السيد الوالد و بصراحة ناس زي الفل.
أنا مش هشرح الظروف إللى أنا كنت فيها يوم بورسعيد لإن ده معناها إنى هحكى مشاكلى للمنتدى كله
بس أنا كنت فعلا مش شايف قدامى لدرجة إنى ما رجلشتش الكشافات و كشيت بيها زي ما هى، و أنا مشكلتى إنى بنام و أنا سايق عادى جدا، و أنا كامتك لما روحت و شحنت التليفون و اطمنت عليك و شرحتلك الموقف، مش عارف إيه اللى زعلك تانى منى
طبعا أنا مش محتاج أدافع عن محمد باشا الشامى لإن الراجل ده حبيبنا كلنا ووقف معايا وقفة رجالة فعلا و أنا باعمل المفتاح الأسطورى من الساعة إتنين و نصف لحد الساعة ستة و إضطر يروح يشوف أسرته و يريح شوية فى اليوم الوحيد الأجازة، ربنا يبارك فيه و يجازيه خير على مجهوده.
عموما أرجو إنك تلتمس لى العذر و ما تخليش الزعل ينسيك فرحتك بالتعديلات الجميلة لعربيتك، ربنا يباركلك فيها و يبعد عنك الحاسدين و الحاقدين

و إن شاء الله نتقابل قريبا لما حمادة غزى يفتح فى مدينة نصر

المفتاح كان بريموت ولا لأ ؟؟ واتكلف كام !!

[sa7aby]

من غير ريموت و إتكلف 200 جنيه، عارف إنهم كتير بس أنا ما بحبش الفصال
كان حيعملى مفتاح بريموت ب 400 جنيه!!!! بس المفاتيح ما كانتش موجودة، كان ممكن بس لو كلمته قبلها بكام يوم

[mussolini]

انا ابدي حزني على اللي حصل في بورسعيد وما بعد بورسعيد :

1- التصويت على ميعاد الخميس تم التصويت عليه من 5 اعضاء في المنتدى ماجاش منهم الا واحد فقط وهو العضو صحابي
وزي ماانا عارف مفيش فايده في المصريين والعرب بصفه عامة

2- العضو صحابي غادر من بورسعيد لوحده من غير حتى تليفون صغير يعرفني انه ماشي ولو حتى المبيل فصل شحن كان المفروض يكلم حمادي وهو يكلم ني في المحل التاني اللي كنت بركب فيه الحاجة

3-كبير الهونداويه الاستاذ محمد الشامي وهو رجل احترمه لابعد الحدود لم يرفع سماعة الموبيل ويسال لو كنت محتاج اي حاجة وخاصة وانا في بلد اول مره اروحها

4- العضو كيمو العزيز طلبت منه مكان ارش فيه البودي كيت مسالش فيه لمده يوميين الا لما كلمته انا اسال اذا كان التوكيل فاتح ولا لاه يوم الاحد

خلاصه الموضوع ان المصري هو المصري والاجانب همه الاجانب والعرب همه العرب والدليل اني عضو في احد المنتديات الاجنبيه وطلبت من احد الاعضاء ارسال فني لتغيير هيدرز والاكزوهست سيستم والراجل كان متغاون لاقصى حد لدرجة انه رفض اني ادفع للفني حسابه فقط احاسب على تذكره الطيران لاني فهمت من كلامه ان المنتدى ماهو الا وحده مساعده اي شخص يعشق الهوندا في اي مكان

بس لا يمكن انسى العضو musilini موسيليني الراجل المحترم اللي كان على اتصال دايم بيه في بورسعيد وكان متعاون معايا لابعد الحدود وانا هكون دائما في خدمته في اي وقت وفي اي مكان

ربنا يخليك و انا دائما فى الخدمة...وحصل خير احنا كلنا اخوات,المهم انت بس احكيلنا على الحاجات بالتفصيل الممل,منتظرين بشغف!!

[hlmnz]

1-انا لما اعاتب حد فالعتاب بيكون من باب العشم والحب والانتماء لهذا المنتدى وانا صراحة متعاون مع اي حد لدرجة فظيعه جدا وكنت متوقع من الناس ان يعاملوني بنفس الاسلوب

2- بالنسبه للعضو صحابي لو كنت حضرتك ممكن تركب الحاجات ديه في القاهره وكان وقتك لا يسمح فالمفروض عدم التصويت على الاستطلاع اللي اتعمل للذهاب الى بورسعيد احتراما لنظام المنتدى مش حتى للعضو المنظم للاستطلاع

3- الاخ كيمو عامل عرض للكاسيت dvd وهناك تكتم غريب من نوعه ليس هناك فيه اي تبرير وليس هناك فيه اي شفافية بالرغم من انه لو كان عرض الموضوع وتم نقاشه لكنت على وشك اظهار اقوى عرض لاعضاء هوندا وهي صفقه العمر بالنسبه dvd وبالتالي اسحب العرض الخاص بيه لاعضاء الهوندا لعدم التعاون والشفافيه

4- بالنسبه للعضو موسيليني الميعاد المناسب ليك ممكن تكلمني ونتقابل في اي وقت وتشوف التعديلات الجديده لاني مش هرفع اي صور على المنتدى لان ليس هناك اي تعاون حتى بالنسبه لرش البودي كيت لفيت حولين نفسي 3 ايام علشان اي حد يقولي على حد محترم ارش عنده وكان العضو كيمو على علم بذلك وفي الاخر دلني عضو مصري في منتدى خليجي للهوندا على راجل محترف جدا وكانت الصدمه ان مفيش حد من المنتدى قال اي حاجة في اي حاجة

5- بالنسبه للعضو boodimania تعليقا على كلام حضرتك ان فعلا في كتير عاشوا معايا احلامي في تطوير السيفيك بس للاسف انا الوحيد اللي بيتحرك وبينفذ والباقي مازال في مرحله الاحلام بدليل ان الشهر الجاي العضو جون هاورد (عضو في المنتدى الاجنبي)جاي بنفسه القاهرة بدعوه خاصة مني شخصيا لتركيب تيربو على R16 لعربيتي ليصل عدد الاحصنة 250 في سابقة من نوعها في مصر بالرغم من ان العضو كيمو قال انه يعرف هندي في السعوديه ممكن يركب التيربو بس الموضوع ابح في طي النسيان

وفي الاخر اي حد عاوز مني اي خدمه انا موجود وموبيلي شغال 24 ساعة وبرد في اي وقت ماعدا اوقات العمليات في المستشفى وشكرا

[kemo0o]

3- الاخ كيمو عامل عرض للكاسيت dvd وهناك تكتم غريب من نوعه ليس هناك فيه اي تبرير وليس هناك فيه اي شفافية بالرغم من انه لو كان عرض الموضوع وتم نقاشه لكنت على وشك اظهار اقوى عرض لاعضاء هوندا وهي صفقه العمر بالنسبه dvd وبالتالي اسحب العرض الخاص بيه لاعضاء الهوندا لعدم التعاون والشفافيه

الموضوع تحت المناقشة يا دكتور !! وبعدين ده عرض لنا كلنا يعني انا عاوز أكون متأكد 600% انه هيتم عشان ماكونش بتاع كلام وخلاص !! يعني مش هقول كلام وارجع فيه !! والاستاذ محمد الشامي عارف كلامي كويس !! انا مش عارف انت داخل علينا كده ليه .؟؟

في حد قالك علينا حاجة ؟؟

بالرغم من ان العضو كيمو قال انه يعرف هندي في السعوديه ممكن يركب التيربو بس الموضوع ابح في طي النسيان

ولا في بحر النسيان ولا حاجة !! انا مسافر كمان 3 أو 4 اسابيع وساعتها كنت ممكن اتناقش مع الراجل مع انه ماعندوش اي ممانعة خالص انه ييجي وللعلم هو فلبيني مش هندي

لفيت حولين نفسي 3 ايام

انت جايب الكيت يوم الخميس !! ووصلت على حسب كلامك يوم الجمعة الساعة 5 الفجر !! كلمتني الجمعة الساعة 2 بعد الصلاة
رجعت كلمتني تاني السبت عشان تشوف التوكيل فاتح ولا لأ !! يبقى 3 ايام ازاي !!

لاني مش هرفع اي صور على المنتدى لان ليس هناك اي تعاون

يعني ايه الكلام ده ؟!! يعني ايه احنا لازم نشوف كل حاجة

[sa7aby]

خير الكلام ما قل و دل
واضح ان النقاش مش حينفع بحاجة
فرصة سعيدة جداً اني اتعرفت عليك و علي السيد الوالد يا دكتور يا ريت تبلغه سلامي و يا ريت هو ما يكونش زعلان من اي حد
وربنا يبارك فيك ويحفظلك عربيتك

[mussolini]

يا جماعة صلو على النبى...حصل خير وحقك عليا انا يا hlmnz باشا,معلش امسحها فيا,كلنا هنا اخوة وواحد...وصدقنى واللة يا hlmnz مش هتلاقى اطيب من المصريين ولا اجدع منهم..بس مجرد سوء تفاهم...
احكيلى بقى كدة عن التربو

[hlmnz]

يا جماعة صلو على النبى...حصل خير وحقك عليا انا يا hlmnz باشا,معلش امسحها فيا,كلنا هنا اخوة وواحد...وصدقنى واللة يا hlmnz مش هتلاقى اطيب من المصريين ولا اجدع منهم..بس مجرد سوء تفاهم...
احكيلى بقى كدة عن التربو

الحكايه بدات من عند العضو boodimania لما حط على المنتدى تيربو TSI SPECIALIST ولكن كشاكله كتيره جدا وليس لها حلول ده خلاني اعمل حوارات على منتديات كتيره جدا الى ان وصلت الى مهندس انجليزي حياته حاجتين الهوندا والجنس الناعم فقط وشاءت الصدفه ان اخوه جاي مصر للزياره فاقترح عليا تركيب G-REDDY TURBO لانه ممكن يناسب R16 مع شويه تغييرات في الهيدرز والاكزوهست سيستم وهو يؤكد على ان العربيه هتوصل 250 حصان عند 8 او 9 PSI لانه هيعدل ECU

طلبه الوحيد اني افسحه في مصر هو واخوه بدل ما ينزل على شركه سياحيه مصريه تاخد اللي وراه وقدامه

[mussolini]

ماشاء اللة ولا حول ولا قوة الا باللة.....250 حصان!!طب دة مش يقصر على الموتور؟؟ودة مين هيركبهولك؟؟بس اهم حاجة الناس دى فاهمة بتعمل اية؟؟

يا سيدى جت على الفسحة,انا ابقى افسحهملك,انا ليا صديق هايجى من انجلترا هبقى افسحهملك معاة

[hlmnz]

ماشاء اللة ولا حول ولا قوة الا باللة.....250 حصان!!طب دة مش يقصر على الموتور؟؟ودة مين هيركبهولك؟؟بس اهم حاجة الناس دى فاهمة بتعمل اية؟؟

يا سيدى جت على الفسحة,انا ابقى افسحهملك,انا ليا صديق هايجى من انجلترا هبقى افسحهملك معاة

يامان جون هاورد مركب 4 تبربو على الهوندا ومنها 2 اوتوماتيك 2008 وشغال في حاجه بيسموها motor centre ومعاه si 2008 وفاهم كويس اوي ومتعاون لابعد الحدود

[hlmnz]

خير الكلام ما قل و دل
واضح ان النقاش مش حينفع بحاجة
فرصة سعيدة جداً اني اتعرفت عليك و علي السيد الوالد يا دكتور يا ريت تبلغه سلامي و يا ريت هو ما يكونش زعلان من اي حد
وربنا يبارك فيك ويحفظلك عربيتك

يا مان انا بعتبك من العشم لان صراحه انا معجب بشخصيتك المرحة لابعد الحدود بس اامفروض كان فيه اتفاق انك اول ماتخلص تروح على المحل التاني لاني كنت على اتصال دايم بحمادى وكان بيقول انك لسه مخلصتش الشغل في عربيتك ولما سالت عنك الساعة 11 قالولي انك مشيت من زمان وده صراحة زعلاني جدا لانك كنت ممكن تيجي المحل التاني وتقول ان عندك ظروف وتتوكل على الله على الاقل ما تحرجني امام الوالد اللي جاي معايا بعد طلب مني شخصيا

[sa7aby]

حصل خير يا هلمنز، إوعى يكون الوالد زعلان منى ولا حاجة، لإنه بصراحة راجل محترم و لذيذ لأبعد الحدود
بس والله الظروف كانت كلها صعبة، أنا دايما عند معادى و عند كلمتى حتى لو رايح ألعب كورة، و أظن إن أنا أول واحد وصل عند التوكيل الصبح فى إنتظارك.
على العموم أهم حاجة إن ما حدش يزعل من حد، الهدف من السفر و من الموقع ده كله إن إحنا نتعرف على بعض و نستفيد من خبرة بعض و نساعد بعض، صح ولا إيه؟
مرة تالتة أنا بأكد إن إللى حصل ده ولا حاجة، دى شوية ظروف صعبة إتجمعت فى يوم واحد بإرادة ربنا وحده و ليس إن الناس طنشت بعضها و لم تهتم، بالعكس، كلنا كنا مهتمين و لسة مهتمين ببعض، و أكبر مثال على كده إن إحنا لسة بندخل على الموقع و بنشارك بآرائنا بدون إنتظار أى مقابل.
و أنا للمرة الألف بكرر شكرى و تقديرى للأستاذ محمد الشامى عمنا كلنا والله، الراجل ضحى بيوم أجازته مع إن زوجته لسة والدة، ووالده كان تعبان و محتاجه و مع ذلك عرف يكون معانا يوميها و عمل معايا واجب عشان أعمل المفتاح، حبيبى يا محمد باشا

أرجوا يا جماعة، يا هلمنز، يا كيمو، يا أستاذ محمد، إن النفوس تكون صافية و ننسى أى كلام فاضى حصل و ما نجعلش للشيطان بيننا مكان، و كلكوا حبايبى و آدى راسكوا أبوسها .......

[kemo0o]

ياباشا الكلام ده كله في بحر النسيان بدليل اني بقول الكلمة دي
هلمنز كان زعلان حبتين وخلاص ياجماعة انسوا ومستنين الجديد دايما من عائلة الهوندا

[sa7aby]

أخبار الفلاى اوديو إيه يا هلمنز؟ بيشغل DIVx ولا لأ؟ أكيد مش حيشغل الملفات ال REal Audio صح؟ مفيش حاجة بتشغلها؟