هل الهوندا سيتي ال 1500 مانيوال الجديدة بها abs

[Ghost2]

السلام عليكم
يا جماعة انا بشتري العربية دي اليومين اللي جايين وهي عاملة 114 وكنت عايز اعرف الفئة المانيوال فيها abs mولا لا وفي سؤال تاني معلش يا ريت اي حد عنده معلومة عن العربية في اسعار قطع الغيار يا ريت حد يفيدني بسرعة بعد اذنكو عشان لو كده انزل احجز

[M.Abdelshafi]

مفيش هوندا سيتى مانيوال هى فئه واحده اتوماتيك و فيها abs

[Ghost2]

لا في مانيوال ومفيهاش جنوط ولا فوجات وانا شفتها في المصريه

[Ahmed.TV]

اللى انا اعرفه فعلا ان اللى نزل منها اتوماتيك بس ب114 الف زيرو وفيها فرامل abs اما المانيول ده جديد ولو انت شوفتها فعلا ومتاكد اعرفلنا سعرها كام لان مفروض ان سعرها يكون اقل من الاوتوماتيك ,, اما عن معلومات عن العربية فى موضوعات مثبته عنها اقرائها وحتفيدك جدا ,, وعن قطع الغيار خد رقم التوكيل واسال عن اسعار قطع الغيار , بس انا عاوز اقولك ان كل انواع العربيات الحديثة كلها قطع غيارها غالى ,, ونصيحة كمان توكل على الله فى الرعبية دى لان ماتورها متطور جدا وممتاززززززززز جداا واحسن من مواتير كتير فى نفس الفئة السعرية بتعتها وحتى عن السيراتوا والتيدا والانسر والسوزوكى sx4 لان انا بصيت على مواتيرهم من جوة وبصراحة لما فتحت كابوت الستى واتفرجت دربت تعظيم سلام على تقفيله وشكله اصلا لكن بالنسبة للشكل والوسع فى عربيات اكتر منها حلاوة ولكن مش فى قوة الماتور ونصيحة اتفرج عليهم كلهم فى معرض واحد يكون عنده عربيات كتيرة واتفرج بنفسك وسد ودانك من كلام البياع واحكم بروحك انت وتعالى احكيلنا على رايك ,, بس مش تنسى تقولنا المانول سعره كام

[Ghost2]

ااكيد يا علي بس العربية في المصرية من اسبوعين كانت 114 ومانيوال ومفيهاش جنوط سبور ولا فوجات ولا اي حاجه

[Ahmed.TV]

هههههههههه انت سهران بقا من كتر التفكير ,, هو فعلا موضوع محير وربنا يكون فى عونك بجد بس عاوز اقولك على حاجة العربية تستاهل جدا وسعرها مناسب بس فى حاجة فى السعر مفروض ان المانيول يبقا اقل ولو كان المانيول والاتوماتيك بنفس السعر يبقا خد الاتوماتيك عشان زحمة البلد ولو مش عندهم شوفها فى معارض تانية ,, الحاجة التانية انا بالنسبالى اللى انت قولته ده من ناحية الجنوط والفوج لايت مش بيهمنى جنب قوة الماتور والعربية ككل ما مثلا السيراتوا ب110 الاتوماتيك منها ومش فيه فرامل abs وفوج لايت فاللى عاوز اقولك عليه اهتم بالمطلوب والصح فى العربية من ناحية الاداء لان الباقى كماليات بسيطة , وكفاية انها هوندااااااااااااااااااا يعنى اكنك راكب بى ام وغير كدا عربية معمرة ,, وماتورها متطور جدا وتوكيلها فى الصيانة بيفهموا فى التصليح ,, مع انهم غاليين بس العربية بتخرج من عندهم فى الصيانة اكنها زيروا ,, وتحت امرك

[Ghost2]

هههههههههههههههههههههههه يا علي والله انا اعصابي تعبت من حوار العربية ده بقالي تلت شهور فلوسي جاهزة ومش عارف اركب ايه

وليا واحد قريبي مهندس في توكيل هوندا وهقعد معاه كمان يومين عشن يقولي كل حاجه عنها عشان استقر بس بصراحه انا قعدت جواها عجباني جدا

[Hosam_Optrawy]

اول مره اسمع ان نزل منها مانيوال

بس ازاى ب 114

والمفروض ان الاوتوماتيك بقت ب 115 ؟

وعلى فكره الاوتوماتيك مفيهاش ولا جنوط ولا فوج برضه

[Ghost2]

يمكن يا حسام انا مخدتش بالي بس صعبه شوية بس هشوف واقولك

[Ahmed.TV]

بس مش تنسانا لما تقعد مع قريبك اللى شغال فى توكيل الهوندا وتقولنا قالك ايه على العربية وياريت تكتبلنا تقرير صغنون عن الكلام اللى حيقولك عليه فيها وخصوصا من ناحية ميكانيكة العربية مش الكماليات طبعا وحتى لو قالك عيوب كتير فيها بردوا احكلنا وقول وياريت لو قالك على حاجات مثلا غريبة فى المكيانيكا ومش حتعرفها اكتبها عشان تقولنا عليها بالمظبوط ويبقا انت كدا كمان خدمت الناس بجد ,, وفى الاخر اساله سوال وقوله ايه هو اللى بيفرق العربية دى بالذات من ناحية الماتور بباقى العربيات اللى فى فئتها وايه ممكن اللى بينافسها فى قوة الماتور وقريب منها او هى قريبة منه ,, معلش حنتعبك معانا وشكرا

[a7m8n]

هوندا سيتى

والله ياباشا انا زيك تمام فى موضوع الهوندا سيتى ده العربيه ياجماعه شكلها مبهر اوى اول مره الهوندا سيتى تنزل باللشكل الحلو ده وبرده زى ما بيقول الاخ صاحب الموضوع بقالى شهرين وحيران حيرته الفلوس جاهزه ومش عارف اجيب ايه كنت بفكر فى السيراتو الجديده ورحت معالرض كتير بس السيراتو الجديده دى مش لاقيها خالص الموجود منها خليجى والتوكيل حيسلمك كمان 4 شهور على حسب كلامهم وفى نفس الوقت خايف يكون السيتى اختيار مش صح قدام السيراتو بكل كماليتها حد ينصحنى ياجماعه خلالالالالالالالالالالالالاص بجد دماغى ورمت

[Ghost2]

انا لما اقعد مع المهندس ده هقولكو كل حاجه عنها ان شاء الله وياريت برده اللي عنده حاجه يقول بس بصراحة العربية عاجباني

[kemo0o]

1- العربية فئة واحدة فقط أوتوماتيك وبطاسات يعني زي السيفيك ال 2007 و ال 2008 لما نزلت ... وانا متوقع لو العربية زاد عليها الطلب هيجيبوا الفول أوبشن بتاعها كمان سنتين زي ما عملوا في السيفيك !

2- العربية موتورها ممتاز ومزود بتقنية i-VTEC بينتج 118 حصان صاااااااااااافي وطبعا ده رقم كويس جدا جدا بالنسبة لمحرك 1500 والجير بوكس 5 غيارات مبني على نفس فكرة عمل جير بوكس السيفيك تماااما واستهلاك وقود خرافي ومفيش عربية من فئتها تقدر تحقق الاقتصاد في الوقود زيهــــــا


3- موضوع مقارنة السيراتو بالسيتي ده صعب جدا جدا العربيتين ممتازين جدا والسيراتو تتفوق في الاوبشن ولكن تظل الهوندا تحمل في داخلها عراقة وجودة التصنيع .


4- أنصحك يا استاذ Ghost2 تعمل تست درايف للعربيتين واظن كيا سهل يتعمل لها تست درايف وحاول تخلي صاحبك المهندس بتاع هوندا (هو اسمه ايه ؟) يحاول يخليك تجربها

5- من نظرتي للسيتي وركوبي ليها عجبتني من جوة تماما ما عدا حاجة واحدة ! انها مافيهاش مسند أمامي بين الكرسيين

[Ghost2]

اتفقنا يا كيمو و ان شاء الله لما ااقعد معاه هقولكو

[Ahmed.TV]

فعلا الستى الجديدة زى ما قال العضو كيموا تحفة جدا من ناحية الماتور لكن تفوق الكماليات لصالح السراتوا بس كل الكماليات فى السيراتوا ب125 الف فحرام كتير جداا وبعدين كورى ولسه جديدة لكن الهوندا سمعة قديمة وقطع غيارها غالية ومعمرة جداااا ومفيش عربية دلوقتى قطع غيارها رخيصة وغير كدا بردوا زى ما قال العضو كيمو فى الموديلات الستى القديمة لانى ركبتها زيه تحفة جدا وحتى ال1300 سى سى منها جبارة وكويسة فى السحب مع التكيف بس مش ركبت 1500 عشان مكدبش لكن الجديد شكله تحفة معمرية فذة وابتدت تنتشر لما سعرها نزل وانا عن نفسى لو معايا مهرها كنت جبتها واتنزلت عن اى كماليات فى سبيل ان اركب ماتور محترم ومتطور من هونداااااااااااااااااااااااااااااااااااااااااااااا اااااااااا ومعمر فى الاداءءءءءءءءءءءءءءء